Færsluflokkur: Menntun og skóli

"Þrímilljónasti" - í alvöru!

"Farþega­fjöldi Icelanda­ir á þessu ári fór í dag yfir þrjár millj­ón­ir. "Þrímillj­ón­asti" farþeg­inn reynd­ist vera......".

Á hvaða móðurmálsvegferð er Mogginn?


mbl.is Þrímilljónasti farþegi Icelandair
Tilkynna um óviðeigandi tengingu við frétt

Röddin í símanum sagði....

Frásögn kennarans í Kastljósinu í gær um meinta barnamisnotkun hans  er samfélaginu  þörf áminning. Svo er að sjá að samfélagið hafi í þessum málaflokki stokkið úr algeru aðgerðarleysi og þöggun yfir í lögmál frumskógarins og  nornaveiðar. Í þessu tiltekna máli virðist pottur ansi víða vera brotin í málatilbúnaði skólayfirvalda.

Það er í sjálfu  sér ágætt að þeir, sem benda á misnotkun á börnum og brot gegn þeim, njóti nafnleyndar kjósi þeir það. En þeir sömu eiga að sjálfsögðu að standa gjörð sinni reiknisskil reynist áburðurinn falskur.  Það er fráleitt að kerfið verndi þá sem misnota það til að ná fram persónulegum hefndum á öðrum einstaklingi.   Á rám nafnlaus rödd, með óljósar ásakanir, í óskráðu símtali virkilega að duga til að blásið sé til nornaveiða?

Samfélaginu ber skylda til að vernda börn og sjá til þess að ekki sé brotið gegn þeim og þeim refsað sem það gera. Allir eru sammála því. En er hægt að stoppa þar, að þeirri skyldu uppfylltri? Ef rannsókn innan kerfis sýnir að ásakanir sem bornar voru á kennara um brot gegn barni voru tilhæfislausar, er hægt að setja punktinn þar, getur lífið hafið aftur sinn vanagang út frá þeim punkti eins og ekkert hafi í skorist?

Nei augljóslega ekki, því eftir situr kennarinn í vonlausri stöðu. Þó hann eigi að heita laus allra mála verður hann tortryggður af kerfinu, síðasta val hvers skóla og það sem verra er, dæmdur til „dauða“ af dómstól götunnar og verður það sem eftir er í því að taka út þann dóm.

Í stað þess að þvo eigin hendur ber viðkomandi yfirvöldum og stofnunum siðferðisleg skylda til þess að klára málið, hreinlega sanna  sakleysi kennarans ef þannig má að orði komast og gera allt sem í þeirra valdi stendur til að hann verði  í sömu stöðu og fyrir rannsókn. Þá og ekki fyrr hefur réttlætinu verið fullnægt.

 


Eru þeir á sýru í Stúdentaráði?

Stúdentaráð HÍ harmar mjög nýja byggingarreglugerð, sem þeir segja hækka byggingarkostnað. Ráðið telur reglugerðina ekki taka mið af þeim erfiðu tímum sem uppi eru í þjóðfélaginu og hamla nauðsynlegri uppbyggingu Stúdentagarða.

Stúdentaráð horfir gersamlega framhjá heildarmyndinni og virðist ekki skilja tilgang reglugerða og einblínir á óljósa stundar- og sérhagsmuni námsmanna. Ef ástandið í þjóðfélaginu kallar á að afsláttur sé gefin af byggingarreglugerð, hvað finnst Stúdentaráði um aðrar reglugerðir, er ástæða til að framfylgja þeim eitthvað frekar á krepputímum?

Er þá ekki sjálfsagt að veita afslátt af öðrum reglugerðum sé þannig hægt að lækka verð og spara pening? T.a.m. reglugerðum um matvæli, heilbrigðismál, málefni fatlaðra, skóla, löggæslu og almannavarnir o.s.f.v.?

Margar misgáfulegar kröfur hafa komið úr ranni Stúdentaráðs gegnum tíðina en þessi toppar allt.


mbl.is Hækkar byggingarkostnað um 10-20%
Tilkynna um óviðeigandi tengingu við frétt

"Grúppían" í Betel

Trúaröfgamenn eins og Snorri Óskarsson eru eins og sálsjúkar grúppíur sem hanga, án nokkurrar rökhugsunar, utan í og elta átrúnaðargoð sín með slefandi ginum og kynfærum. Allt er gert og öllu fórnað til að svala fíkninni í átrúnaðinn.

En Snorri gerir meira en dæmigerð grúppía, hann lætur átrúnaðinn ekki nægja, hann svalar fýsn sinni að auki með því að hella úr vandlætingarskálum trúar sinnar yfir landsins lýð eins og ekkert sé sjálfsagðara. Sé honum andmælt eða að hans máli fundið skýlir hann sér á bak við bókstafinn í bókarskruddu sem enginn heilvita maður getur tekið bókstaflega.

Grúppían í Betel verður að gera sér grein fyrir að mál- og tjáningarfrelsi hans eru sömu takmörk sett og öðrum, hvað sem hans trú líður.

Eru öfgamenn, á hvaða sviði sem er, æskilegir sem kennarar barna?  

 
mbl.is Líkir samkynhneigð við bankarán
Tilkynna um óviðeigandi tengingu við frétt

Hetjan og ofurmennið Pútín

Það er með öllu óvíst að Pútín hafi svo mikið sem snert þennan „fjársjóð“ þó fundur hans sé honum eignaður. Það virðist lögmál í söguritun að yfirmönnum og leiðtogum séu eignuð verk undirmanna sinna.

Það var m.a. fullyrt í minni mannkynssögu að Ferdinand Magellan hefði fyrstur manna siglt í kringum hnöttinn. Þó var sú staðreynd öllum kunn að Magellan komst ekki nema hálfa leiðina áður en hann bar beinin. Siglinguna kláraðu síðan þeir sem eftir lifðu af upphaflegri áhöfn, þeir urðu fyrstir til að sigla hringinn, en þeirra er í engu getið.

Ef spurt var: Hver sigldi fyrstur kringum hnöttinn? Þá hefðu öll svör önnur en Magellan verið röng.

Hver kleif fyrstur Mount Everest?  Svarið við þeirri spurningu var áratugum saman ofur einfalt: Edmund Hillary. Punktur.  Það er ekki fyrr en á seinustu árum sem þess hefur verið getið að í för með Hillary var sjerpinn Tenzing Norgay.  Norgay var lengi vel ekki nefndur á nafn, hann var „aðeins“ leiðsögumaður , ekki hvítur, hann taldist ekki með.

Hvor þeirra snerti tindinn fyrstur hefur held ég aldrei verið opinberað en það er sjálfsögðu eignað Hillary, ennþá.

 
mbl.is Pútín finnur fjársjóð
Tilkynna um óviðeigandi tengingu við frétt

Allir leggjast á eitt

Kóngafólkið reynir þá, rétt eins og sauðsvartur almúginn að svindla, sem best það getur, á kerfinu.

Enda verður kóngadótið sennilega að hafa alla anga úti til að skrimta á þessum síðustu og verstu tímum.


mbl.is Fimm ára prins flytur að heiman
Tilkynna um óviðeigandi tengingu við frétt

Blaðsíður áttatíu og tvö og þrjú.

Einhverjir lyfta sjálfsagt augabrúnum yfir þessari þröngsýni og forneskju múslima varðandi kynfræðslu. En menn ættu að líta sér ögn nær, það er ekki ýkja langt síðan  allt tal um kynlíf og kynferðismál voru algert tabú hér á landi. Mín kynslóð fékk t.a.m. litla eða enga fræðslu um þessi mál og t.d. fékk hún ekki pláss í menntakerfi ríkisins.

Þó var í þeirri heilsufræði sem þá var kennd heil opna tekin undir æxlunarfæri mannsins. Við nemendurnir höfðu auðvitað lesið fátæklega umfjöllunina, þar sem nefnd voru til sögunar kynfæri kvenna sem leg, leggöng og eggjastokkar. Pungurinn var svo nefndur til sögunar sem kynfæri karla, þar yrði sæðið til. Ekkert minnst á aðra hluta kynfæra karla tilgang þeirra eða hvað þyrfti að gerast til að getnaður ætti sér stað, sem sagt, ekki minnst einu orði á kynlíf.

Við krakkarnir biðum spennt eftir að þessi dæmalausa klámopna yrði tekin fyrir. En þegar til kom þá tilkynnti Jón skólastjóri, sem kenndi heilsufræðina, rjóður í vöngum að hlaupið yrði yfir þessa síður og setti okkur fyrir næstu blaðsíður þar á eftir.

Einhver í bekknum spurði þá hvort tippið teldist til útlima. Skipti þá engum togum að rjóður skólastjórinn varð eins og fagurrautt jólaepli í framan og þurfti að ræskja sig duglega áður en hann gat rámur stunið því upp að svo væri víst ekki.

Þar með var kynfræðslunni, þann veturinn í Höfðaskóla á Skagaströnd,  lokið áður en hún hófst. 


mbl.is Kynfræðslubók í Pakistan veldur deilum
Tilkynna um óviðeigandi tengingu við frétt

Enn eitt höfðatöluheimsmetið

Það eru sjö háskólar á Íslandi. 7 háskólar í 310.000 manna þjóðfélagi!  Einn slíkur á hverja 44 þúsund íbúa, er þetta hægt? Hvernig getur þetta gengið, hvernig datt mönnum þessi vitleysa í hug í upphafi?

Þessari vitleysu þarf að linna, eðlilegt væri að tveir háskólar væru á landinu, þótt mannfjöldi landsins beri það varla, einn í Reykjavík og hinn á Akureyri.

En það er viðbúið að smákóngarnir berjist hart gegn skynseminni, ekkert nýtt í því.


mbl.is Breytt afstaða rektors óvænt
Tilkynna um óviðeigandi tengingu við frétt

Eiga fallegir kennarar að ganga í búrkum?

IlleanaÞað gengur auðvitað ekki að kennarar séu snoppufríðir og þokkalega lagaðir til líkamans ef ekki á illa að fara í námi auk þess sem slíkt getur haft áhrif á siðferði og mannlegar kenndir og stuðlað að aukinni hörku í skólastarfinu.

Það er allavega mat þessara foreldra í Mílan á Ítalíu, sem frá segir í fréttinni, og tóku barn sitt úr kaþólskum skóla því þau töldu barninu standa ógn af fegurð eins kvenkennarans.

Það væri sjálfsagt ráð að skikka kvenskyns kennara til að ganga í búrkum,  fari fríðleiki þeirra upp undir þau mörk sem valdið geta aukinni hörku hjá ungum mönnum og stúlkum að sjálfsögðu líka, halli landinu þannig.


mbl.is Of kynþokkafull til að kenna börnum
Tilkynna um óviðeigandi tengingu við frétt

Sá yðar sem syndlaus er..

Mikið vildi ég frekar að þessi fyrrverandi vændiskona kenndi barnabörnunum mínum í skóla en kennarar með sömu viðhorf og þeir fordómafullu foreldrar sem hafna kennslu kennarans sökum fortíðar hennar.


mbl.is Fyrrum vændiskonur fái ekki að kenna börnum
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband