Færsluflokkur: Matur og drykkur

Munum við friða okkur í hel?

Þarna höfum við það svart á hvítu, hvað undanlátssemi við öfgafriðunarsinna kostar.

Þegar alfriðun hvala er í höfn, þá þurfa öfgatapparnir, sér til viðurværis, annað fórnarlamb. Nú er það þorskurinn.

Síðan verður hver tegundin eftir aðra tekin uns ekkert verður eftir að éta annað en gras. Svo þarf auðvitað að friða það líka, því ekki má taka matinn frá blessuðum dýrunum.

Svo munum við lifa hamingjusöm upp frá því.


mbl.is Slæmar afleiðingar
Tilkynna um óviðeigandi tengingu við frétt

Það er blóðblettur á orðspori Íslendinga að framleiða matvæli

Þetta er rosalegt, Hvalur hf hefur frá árinu 2006 veitt  meira en fimm hundruð langreyðar í hagnaðarskini, hugsið ykkur- í hagnaðarskyni, frá 2006, samkvæmt skýrslu „nokkra umhverfis- og dýraverndarsamtaka“. Blóðblettur á orðspori Íslendinga segja samtökin.

Árið 2009 voru veiddar 125 langreyðar við Ísland, sem gáfu af sér 1500 tonn af kjöti. Fjöldi veiddra dýra var vel innan við ráðgjöf Hafrannsóknarstofnunar.

Á  Íslandi var árið 2008 slátrað rúmlega hálfri milljón dilka eða um 8000 tonnum - eingöngu í hagnaðarskyni.  85000 svín voru felld og gáfu af sér 6400 tonn, - líka í hagnaðarskyni.  4,4 miljónum kjúklinga  uppá 7000 tonn var slátrað - í hagnaðarskyni auðvitað og svo mætti lengi telja. Að auki er öll dreifing, vinnsla og sala þessara matvæla stunduð í hagnaðarskyni.

Það er auðvitað óbærileg tilhugsun að heilu stéttir manna á Íslandi skuli framleiða matvæli ofan í samborgara sína - í hagnaðarskyni – og það kinnroðalaust.

Þau náttúruverndarsamtök sem standa að þessari mögnuðu áróðurs skýrslu hljóta að leggjast gegn allri matvælaframleiðslu, dreifingu og sölu - í hagnaðarskyni, - hvaða nafni sem hún nefnist. Þau geta varla verið þekkt fyrir að taka eina tegund matvæla  út fyrir sviga, ætli þau að rísa undi nafni og vera sjálfum sér samkvæm.

Matvælaframleiðsla á Íslandi er stækkandi blóðblettur á orðspori Íslendinga – ekkert minna!


mbl.is Hvalveiðar kinnhestur Íslendinga
Tilkynna um óviðeigandi tengingu við frétt

Verður framvegis boðið upp á ósvikinn Jesú við altarisgöngur?

Það er sjálfgefið að framvegis verði boðið upp á þennan nýja Jesúbjór í altarisgöngum, í stað hins vatnsblandaða messuvínsglundurs.

Þar sem flaskan er merkt Jesú ættu áhugasamir altarisgöngugarpar að komast aðeins lengra í þeirri sjálfsblekkingu að þeir séu að lepja  blóð trésmiðsins frá Nasaret. Svo geðslegt sem það nú annars er.


mbl.is Jesús drukkinn á páskunum
Tilkynna um óviðeigandi tengingu við frétt

Góð kalkúnafylling - allt sem þarf

Flestir sem á annað borð leggja það á sig að éta kalkún eru sammála um að góð fylling í fuglinn sé algerlega ómissandi. Þetta er dagsatt og svipar mjög til naglasúpuuppskriftarinnar góðu, þar sem  öll aukaefnin í súpuna eru algerlega ómissandi ef eitthvað á að verða úr súpunni.

En af hverju troða menn þessu mauki inn í kalkúninn í stað þess að baka "fyllinguna" í formi og borða hana þannig í stað þess að standa í því kroppa hana út um boruna?

Þegar menn eru komnir með góða og matarmikla formbakaða kalkúnafyllingu ásamt öðru meðlæti og sósu er komin fullkomin hátíðarmáltíð.

Kalkúninum má því að skaðlausu sleppa alveg, enda bragðlaust óæti hvort sem er án fyllingar.

Verði ykkur að góðu! 


mbl.is Guðdómleg kalkúnafylling
Tilkynna um óviðeigandi tengingu við frétt

Sannkallaður hvalreki

hvalkjöt1Flott hjá heimamönnum að nýta sér þennan hvalreka í stað þess að urða þetta dýrindis kjöt, engum til gagns.

 

 

Sumir hefðu eflaust frekar viljað  „jarðsetja“ þessa  „ættingja sína“ með viðhöfn og sálmasöng í stað þess að vita þá hljóta þau rni_Finnsson_portraithræðilegu örlög að enda í mannskjafti.

 

 


mbl.is Tugir hvala drápust í Rifi
Tilkynna um óviðeigandi tengingu við frétt

Hungur í Borgarnesi

Það er ekki eðlilegt hvernig matvæli hverfa í Borgarnesi. Fyrst lax, svo nautakjöt og aftur lax.

Ekki er ólíklegt að laxaþjófarnir séu þeir sömu og stálu nýverið öllu nautakjöti úr nautabökum Gæðakokka. Bökurnar reyndust, sem kunnugt er, alveg gersneyddar öllu nautakjöti þegar að var gáð, öllum til undrunar.


mbl.is Aftur stolið frá Eðalfiski
Tilkynna um óviðeigandi tengingu við frétt

Er eingöngu hrossakjöt notað í kjötsvindlið?

Matvælastofnun ætti líka að kanna hlutfall beljukjöts í nautahakki og öðrum afurðum. Það er undarlegt hvernig allt það beljukjöt sem fellur til árlega viðrist gufa upp, því ekki sést það í verslunum merkt sem slíkt.

  


mbl.is Kanna hvort hrossakjöt leynist í íslenskri kjötvöru
Tilkynna um óviðeigandi tengingu við frétt

"Hver er þessi Prins Póló"?

mMyndÉg hélt fyrst að þetta væri rangt eftir Ómari haft en svo er ekki, þetta stendur á bloggi hans. 50.000 kg af prins á 55 árum gera 909 kg á ári eða 2,5 kg á dag.

Þetta gera 70 stykki af 36 g Prins (stórt) daglega eða 1 á 10 mínúta fresti, ef þess hefur einungis verið neytt í vöku.

 

Þetta væri of mikið fyrir minn maga.

   
mbl.is Hefur borðað 50 tonn af Prins Póló
Tilkynna um óviðeigandi tengingu við frétt

Ekkert er smátt í henni Ameríku

Kanar hugsa stórt, allt hjá þeim er fyrirferðamikið og í miklu magni. Gæði matar eru t.d. undantekningarlítið mæld í magni. Matgæðingi einum langaði mikið til að bragða á mannakjöti Cannibalism-in-Thailand29og skipulagði því slíkan málsverð og útvegun hráefnis.

Gæðingurinn íhugaði að ræna konum, velja góða uppskrift og setjast síðan að snæðingi. Að kana hætti kom auðvitað ekki til greina að byrja smátt, svona á einni konu til prufu.

Nei full máltíð og saðsöm skyldi það að vera, 100 konur áætlaði hann að færu í prufuréttinn, vart tæki því að óhreinka áhöldin fyrir minna.

Amerískt og gott!

 
mbl.is Neitaði að hafa skipulagt mannát
Tilkynna um óviðeigandi tengingu við frétt

Verður villiköttum bannað að veiða rjúpu í landi Kletts?

Landeigendur á Kletti í Geiradal  banna alla skotveiði á sínu landi. Ekki hefur það bjargað rjúpunni frá því að hverfa sporlaust. Eftir ítarlega rannsókn landeigenda og 80525903Náttúrufræði- stofnunar eru uppi grunsemdir um að veiðiglaðir  villikettir séu valdir að rjúpnahvarfinu.

Voðalegur vandræðagangur er þetta. Af hverju hengja landeigendur ekki bara upp nýtt skilti í stað þess gamla með banninu við skotveiðum:

Villiköttum eru bannaðar allar rjúpnaveiðar í landi Kletts, með eða án skotvopna!

Það hlýtur að hrífa.

  


mbl.is Rjúpan í ginið á villiketti?
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband