Fúlar forystugreinar Moggans

Þetta er ekki frétt. Þegar betur er að gáð þá getur þetta tros ekki verið annað en úrdráttur úr óvenjuslappri og hugmyndasnauðri  forystugrein Moggans í gamla kaldastríðs stílnum.

Raunar eru forystugreinar blaðsins orðnar svo slappar og geldar að gripið var til þess neyðarúrræðis að fela þær fyrir öðrum en sauðtryggum flokksmönnum, sem útilokað er að muni nokkurn tíma sjá ljósið.

Steingrímur skiptir um skoðun

Athugasemdir

[Gustaf (IP-tala skráð) 20.3.2010 kl. 01:05]

Þetta er bara einum of glatað hjá morgunblaðinu, þetta er hreinn og beinn áróður fyrir sjálfstæðisflokkinn...haha ótrúlegt að þetta sé hægt.. þarna missti ég bara það litla álit sem ég hafði eftir af morgunblaðinu frá því að davíð kom þarna inn. Þetta er bara asnalegt, þvílíkt fáránlegt!

[Axel Jóhann Hallgrímsson, 20.3.2010 kl. 01:18]

Þó það væri svo sem vitað þá geta þeir ekki neitað því eftir þetta að blaðið er hreint og klárt flokksblað sjálfstæðisflokksins og ekkert annað. Allt tal um annað er grín. Mogginn hefur stigið aftur um 25 ár.

[Sverrir Þór Magnússon, 20.3.2010 kl. 01:38]

Flottar athugasemdir hjá ykkur, enn segið mér: hvað er rangt eða gallað við þessa færslu hjá Mogganum?

Og ef eitthvað þá ætti þessi maður að vera titlaður: Svikamálaráðherra Íslands

[Ari Jónsson (IP-tala skráð) 20.3.2010 kl. 01:48]

Ef það var hvort sem er vitað að Morgunblaðið er flokksblað Sjálfstæðisflokksins, eins og þið segið, hvað er að því að þeir byrji allavega að vera hreinskilnir með það? Þeir eru allavega ekki lengur að fela sannleikann.

Einnig, eins og Sverrir segir, hvað er rangt við það sem kemur fram í þessari áróðursgrein? Ekkert.

Ykkur er frjálst að hætta að heimsækja mbl.is og vera ekki áskrifendur blaðsins. Ósköp einfalt mál.

[Guðmundur 2. Gunnarsson (IP-tala skráð) 20.3.2010 kl. 02:29]

Getur einhver sagt mér hvað er rangt af því sem Steingrímur sagði og Morgunblaðið birtir?  Er eitthvað þarna sem má ekki fréttast?  Fyrir mig er þetta einn besti pólitíski skóli sem ég hef fengið langa lengi.  Að sjá þennan skrípaleik heimskunnar saman safnað á einn stað er ómetanlegt, enda var maður búin að gleyma stærstum hlutanum.  Það sem maður mundi og hefur verið mest í umferð var meira en nóg til að segja Steingrím ómerkilegan loddara og raðlygara.  Meira af svona skrifum Moggafólk, og mættu aðrir fjölmiðlar taka ykkur til fyrirmyndar. 

Steingrímur er ekki andlega fatlaður sem er undir einelti einhverra fanta.  Hann er ábyrgur orða sinna og gjörða, og óvenju óforskammaður í orði og æði.  Alger óþarfi að gera svo lítið úr honum með að vilja grafa orð og gjörðir hans og hans líka.  Meira takk.

[Ólafur Ingi Hrólfsson, 20.3.2010 kl. 04:43]

Sammála Guðmundi 2 Guðmundssyni Ara og Sveri - Mogginn hefur ekki verið málgagn Sjálfstæðisflokksins síðan ??????????????????

Ef hann er það núna - var hann þá ekki málgagn Samfylkingarinnar undir stjórn fyrri ritstjóra sem talaði fyrir Evrópuaðild???

Ef grannt er skoðað virðist Mogginn vera málgagn allra flokka og allir tjá sig þar sem það vilja.

Að það sé bannað að vísa í opinberar yfirlýsingar SJS og draga þær saman í heildarmynd er fásinna.

[Hannes (IP-tala skráð) 20.3.2010 kl. 05:26]

Ólafur Ingi Hrólfsson hefur greinilega ekki aldur og reynslu til að þekkja staðreyndir; annars myndi hann fara með rétt mál. Hann ætti að skoða söguna betur.

[Hannes (IP-tala skráð) 20.3.2010 kl. 05:27]

http://is.wikipedia.org/wiki/Morgunbla%C3%B0i%C3%B0

 Þetta segir allt sem segja þarf.

[Vignir Bjarnason (IP-tala skráð) 20.3.2010 kl. 07:52]

Það er ekki hægt að sitja hjá og þegja þegar menn vísa i heimildir á wikipedia sem öruggar. Þarna getur hver sem er sett hvaða rugl sem er inn.

Wikipedia er ekki tekið sem heimild í háskólum af hverju ætti þessi síða að vera nógu góð fyrir annað upplýst fólk?

[Hannes (IP-tala skráð) 20.3.2010 kl. 11:20]

Hann hlýtur að hafa verið súr bitinn sem þú kyngdir núna. Einn helsti löstur fólks er að þola ekki SANNLEIKANN. Það fólk hefur ALLTAF ,,rétt fyrir sér", ekki STUNDUM heldur ALLTAF. Fyrir utan hrokann sem þú sýnir með spurningu þinni þá sýnirðu líka heimsku þína með því að gefa í skyn,  "upplýstur" maðurinn, að sannleikurinn um sögu núverandi og fyrrverandi ritstjóra sé ekki sannleikur. Þá sést hvor okkar er ,,upplýstur. Helvítis hroki og dónaskapur. Þú fellur vel inn í ímynd Sjálfstæðisflokksins.

[Dagrún (IP-tala skráð) 20.3.2010 kl. 11:33]

SJS er maður meiri að þora að skipta um skoðun, þegar hann er búinn að skoða málin betur! Hvað í ósköpunum er rangt við það? Sjálfstæðismenn komu okkur í þetta mess, gleymið því ekki!!!

[Hannes (IP-tala skráð) 20.3.2010 kl. 11:38]

Þeir gleyma því.

[Axel Jóhann Hallgrímsson, 20.3.2010 kl. 12:15]

Þakka öllum innlitið og kröftugar umræður. Matthías Johannessen og Styrmir Gunnarsson ritstjórar Morgunblaðsins rufu bein tengsl Sjálfstæðisflokksins og blaðsins. Sú var tíð að formaður Sjálfstæðisflokksins hafði um efni blaðsins að segja.

Þeir náðu með þessu og öðrum breytingum að gera blaðið að góðu óháðu fréttablaði, fólk gat treyst fréttum sem það las í blaðinu, þó ritstjórnargreinar og tengdar greinar væru eftir sem áður pólitískar. Nú er öldin önnur allt hefur verið fært til fyrra horfs, traust blaðsins ef farið veg allrar veraldar.

Ef fylgjendur Sjálfstæðisflokksins telja að þetta hopp blaðsins til fortíðar sé jákvætt og gott þá er það mikill misskilningur, hér eftir þarf mikla pólitíska sannfæringu til að taka ekki allt sem stendur í blaðinu með fyrirvara, miklum fyrirvara, allt verðu tortryggt hvort sem það er rétt eða ekki.

En sennilega er samt mesta pólitíkin fólgin í því sem ekki stendur í Mogganum. Hvar eru fréttir Moggans hringlandahætti formanns Sjálfstæðisflokksins í Icesave málinu, maðurinn skipti um skoðun daglega, hvar eru fréttirnar af því hvaða flokkar komu okkur í upphafi inn í það hjólfar í Icesave sem við höfum ekki komist upp úr? Hverjir samþykktu í upphafi greiðsluskyldu landsins og vilja ekkert við það kannast.

Hvar er umfjöllunin um milljarðana af skattfé landsmanna sem notað var til niðurgreiðslu á skuldum Árvakurs svo blaðið gæti haldið áfram að koma út og nú undir göfugu merki ránfuglsins sem ómerkilegur pólitískur snepill?

[Óskar Guðmundsson (IP-tala skráð) 20.3.2010 kl. 13:34]

Það er alltaf allt einhverjum öðrum að kenna..

Inghólfur helvítið Arnarson hefði betur drukknað eða bara orðið eftir í Færeyjum.

Það virðist gleymast algjörlega að í áratug höfðu Jóhrannar og Neigrímur verið á þingi áður en að Davíð kom.

Það að halda að fólk sitji á þingi í 30+ ár og að ekkert sé þeim að kenna. Það getur aðeins staðist ef að er eins og haldið er fram víða nú, AÐ ÞAU HAFI EKLERT GERT NOKKURNTÍMA

[Guðmundur 2. Gunnarsson (IP-tala skráð) 20.3.2010 kl. 13:34]

Davíð Oddsson er ekki maður Sjálfstæðisflokksins í dag, og nægir að benda á þegar hann tætti í sig endurreisnarbiblíuna á landsfundinum forðum.  Eina sem fjölmiðlar fjölluðu um af því sem þar kom fram.  Að biblíunni stóðu helstu flokkshestarnir og skiluðu afar stoltir og stjórn flokksins ekki síst.  nýir tímar og ný biblía, sem hafði lítið annað með Davíð að gera, nema hún og þeir nýttu sér sama flokksnafnið og Davíð hafði starfað undir, og Valhöll.  Vilhjálm Egilsson sem var formaður endurreisnarmann tók Davíð og rassskellti á beran bossann. 

Iðulega hafa birst forystugreinar sem eru þvert á skoðanir sem eru gildandi hjá forráðamönnum flokksins.  Varaformaðurinn er svarinn andstæðingur hans.  Í vikunni birtist grein á miðopnu eftir blaðamann Mbl. sem var lofgrein um Steingrím J. Sigfússon, sem mátast illa við allar kenningar um blað Sjálfstæðisflokksins og Davíðs prívat og persónulega.  Ef svo er, þá er hann mun umburðarlyndari en ritstjóri Samfylkingarblaðsins, Jóns Ásgeirs Jóhannessonar.

Úr Mbl. fimmtudaginn 18. mars. 2010

"Engin þreyta, Kristján Þór!"

"Kristján Þór Júlíusson, þingmaður Sjálfstæðisflokksins, er örugglega flesta daga sanngjarn maður, eins og íhaldsmenn eru mjög gjarnan. En stjórnmálamenn telja sig stundum ekki hafa efni á sanngirni. Flokkshagsmunir banna þeim slíkan lúxus. Þetta verðum við hin að umbera, enda hafa góðmennska og sanngirni ekki komið nokkrum manni áfram í pólitík, ekki einu sinni Jóhönnu Sigurðardóttur. Kristján Þór ritar grein í Morgunblaðinu síðastliðinn þriðjudag undir yfirskriftinni Þreyttur maður verður að víkja. Þar er að finna harkalega gagnrýni á sprækasta mann ríkisstjórnarinnar, Steingrím J. Sigfússon, manninn sem stendur vaktina öllum stundum meðan samráðherrar hans í ríkisstjórn fela sig í ráðuneytum sínum og mæta helst ekki í fjölmiðla af ótta við að fá óþægilegar spurningar.Steingrímur sagði á dögunum að hann væri orðinn þreyttur á því kjaftæði að ríkisstjórnin gerði ekkert fyrir fólkið í landinu. Kristján Þór grípur þessi orð fjármálaráðherrans og snýr út úr þeim á allan hátt. Niðurstaða hans er að Steingrímur sé úrræðalaus og svo þreyttur að hann sé sjálfum sér og öðrum til ama, og eigi því að víkja.Nú ætti öllum sæmilega sanngjörnum mönnum að vera ljóst að Steingrímur J. Sigfússon var ekki að niðurlotum kominn þegar hann sagðist vera orðinn þreyttur á kjaftæðinu um aðgerðarleysi ríkisstjórnarinnar. Hann var að verja á afdráttarlausan hátt verk ríkisstjórnarinnar.Þar sem Kristján Þór er dyggur sjálfstæðismaður á hann að skilja að ákveðni er góður eiginleiki í fari formanns stjórnmálaflokks. Sjálfstæðismenn hafa alla jafna lagt mikið upp úr slíkum eiginleika. Þeir vita að formaður stjórnmálaflokks á að svara fyrir sig af röggsemi og jafnvel berja í borðið ef því er að skipta. Ekki er langt síðan Sjálfstæðisflokkurinn átti líkan leiðtoga þótt hann eigi hann ekki nú. Ítrekað hefur komið fram í skoðanakönnunum að Steingrímur J. Sigfússon nýtur meira trausts meðal þjóðarinnar en aðrir stjórnmálamenn. Það er ekkert undarlegt að sjálfstæðismönnum svíði það að færasti stjórnmálamaður sem nú er starfandi skuli vera sósíalisti og í flokki sem er á móti atvinnuuppbyggingu, hagvexti og stóriðju, svo einungis sé fátt eitt nefnt af því sem kemur upp í hugann þegar Vinstri-grænir eiga í hlut. Það væri ólíkt skemmtilegra fyrir sjálfstæðismenn (og hægri krata) að sjá öfluga forystu í stjórnmálaleiðtoga sem styður atvinnuuppbyggingu, hefur hæfilega ást á fjármagninu, trúir á einstaklingsframtakið og lítur ekki á stóriðju sem aukabúgrein djöfulsins.Eini mótleikur sjálfstæðismanna gegn hinum óþreytta Steingrími J. er að tefla fram þrautseigum leiðtoga með ótvíræða forystuhæfileika."  [e-mail]

[Axel Jóhann Hallgrímsson, 20.3.2010 kl. 13:38]

Óskar, ??

[Axel Jóhann Hallgrímsson, 20.3.2010 kl. 13:55]

Guðmundur, Davíð er ekki formlegur formaður Sjálfstæðisflokksins það vita flestir, en samt haga Sjálfstæðismenn sér og tala eins og svo sé, þegar hann er annars vegar.

Davíð smánaði þá vinnu sem lögð var í "endurreisnarbiblíuna, eins og þú kallar hana, og þeim mönnum sem hana unnu. Hvað gerði landsfundurinn þegar goðið hafði talað?

Sjálfstæðis flokknum er ekki lengur stýrt úr Valhöll þar sem formaðurinn hefur aðsetur, honum er stýrt úr Hádegismóum, mogginn hefur tekið að sér hlutverk miðstjórnar flokksins.

Davíð talar og hvað gera menn? Jú líta smástund á formannsnefnuna, yppa síðan öxlum og hlýða.

[Ólafur Ingi Hrólfsson, 20.3.2010 kl. 23:01]

Hannes - undirritaður er 63 ára og hefur fylgst með stjórnmálum um langt skeið. Mogginn var hér á áratugum áður málgagn flokksins og eins og Axel benti á rufu fyrrverandi ritstjórar blaðsins þau tengsl -

Baugmiðlarnir vaða blygðunarlaust eld og brennistein fyrir Samfylkinguna og draga VG með í þeim pakka í dag - Að sjálfsögðu er vinstri mönnum ekkert vel við það að VG forystumaðurinn sem leiðir ríkisstjórnina í dag skuli afhjúpaður með þessum hætti.

En þú sem telur mig ekki þekkja nægilega vel til sögunnar - náðu þér í blað sem heitir Orð þeirra og efndir - þar greinir t.d. frá því þegar vinstri stjórn kom 10 sinnum í veg fyrir umsamdar launahækkanir á því kjörtímabili - Enn eldra er"Víti til varnaðar" kom út 1959 - þar eru fyrirmyndirnar Hermann ( sem sveik samstarf Framsóknar og XD)- Hannibal og Rútur - Þar var einnig Lúðvík J -

(Dæmi) Loforð þeirrar vinstri stjórnar sem Hermann kom á með kommum sagði - 15 nýjir togarar verða keyptir - staðreynd - enginn togari keyptur -

1979 - "Þeirra eigin orð og gerðir" Verkalýðsforinginn Eðvarð - Febrúarlögin "sviptu launafólk 5-6 vikna launum á einu ári" ( 22.júní 78 - "Fleiri krónur í umslagið hefur aldrei verið keppikefli verkalýðshreyfingarinnar" sá sami 27. nóvember. Snorri Jónssona á sömu nótum 1. mars og 10 nóvember. Guðmundur J - Fullar verðlagsbætur eina vörn launafólks - 23.6. --  Okkur er full alvara í því að styðja þessar aðgerðir - sá sami 28.11 um 8% launaskerðinu ( kauprán ).

Grín og harmleikur - enn er nafnið Þeirra eigin orð og gerðir - aðalleikendur - Steingrímur Hermannsson - Ólafur Ragnar Grímsson - Jón Bakdvin Hannibalsson - Svavar Gestsson og Júlíus Sólnes - mögnuð lesning.

Þetta og ótal margt fleira segir mér að ekkert hefur breyst hjá kommum annað en nöfn leikendanna. Enn talar þetta fólk þvert á sjálft sig þegar það hentar og það eina sem heldur saman þessari stjórn Steingríms er hatur hans og Samfylkingar á Sjálfstæðisflokknum - og til þess að halda völdum má þjóðinni blæða.