Vertu rólegur, þeir vita þetta Jón!

Það er svo sem góðra gjalda vert hjá Jóni Bjarnasyni að benda stjórnlagaþinginu á nauðsyn þess að setja ákvæði um þjóðareign náttúruauðlinda í stjórnarskránna. En ólíklegt verður að telja, eftir það sem á undan er gengið, að stjórnlagaþingmönnum verði eitthvað annað efst í huga þegar þingið kemur saman til að sinna sínu hlutverki.

Happadrýgst er, að mínu mati, að stjórnmálamenn, alþingismenn og þá ekki hvað síst ráðherrar láti það alveg eiga sig að senda stjórnlagaþinginu „pillur“ og ábendingar um þeirra hlutverk og vinnu.

Jón Bjarnason ætti frekar að kvíða því þegar hann og aðrir misvitrir alþingismenn fá niðurstöðu stjórnlagaþingsins í hendurnar, að sú vinna verði ekki eyðilögð af þingmönnum sem telja það frekar sitt hlutverk að þjóna sérhagsmunagæslu fyrir fámennar klíkur, en almannaheill og þjóðarhag.

Jón sendi stjórnlagaþingi bréf

Athugasemdir

[hilmar jónsson, 15.1.2011 kl. 21:16]

Nonni er bara aðeins að hnykkja á. Annars er ég sammála þér um að alþingismenn eigi ekki að skipta sér að Stþ..

[Axel Jóhann Hallgrímsson, 15.1.2011 kl. 22:21]

Nei, auðvitað eiga þeir ekkert með að skipta sér að þessu þingi. Það verður fróðlegt að sjá hvernig atgangurinn verður.

LÍÚ verður auðvitað, svo ekki sé um önnur hagsmunasamtök talað, á fullu með áróðri og einhverju þaðan af verra, ef þau eru ekki þegar byrjuð að reyna að bera fé á þingmennina!

[Finnur Bárðarson, 15.1.2011 kl. 22:40]

ég hef aldrei skilið eina setningu frá þesum manni. Þarf hann ekki að læra að tala íslensku eða fra bara aftur í sveitina. Hvað er þessi maður að gera í stjórnmálum yfir höfuð ?

[Axel Jóhann Hallgrímsson, 15.1.2011 kl. 22:53]

"Ja, sko, það er sko, þegar á það er litið sko, þannig sko, að ekki er sko, að það sé sko málið að sko....."!

Já ég er eiginlega sammála þér Finnur!