Niðurstaða úr skoðanakönnun og ný könnun

Spurt var: Hvernig líst þér á frumvarpið að nýrri stjórnarskrá? 

 2.2%    Sæmilega      

23.9%   Vel                

10.9%   Besta bullið síðan Móses samdi boðorðin

26.1%   Frekar klént

28.3%   Illa

 

 8.7%   Hvaða stjórnarskrá

37% hallast á sveif með frumvarpinu en 54.4% gegn því, en 8.7% eru algerlega úti á túni.

 

Samkvæmt þessu líst fólki ekkert meira en svo á stjórnarskrárfrumvarpið. Því liggur beinast við að spyrja beint í nýrri könnun:

Ætlar þú að samþykkja eða hafna stjórnarskrárfrumvarpinu í þjóðaratkvæðagreiðslu? 

Samþykkja það

Hafna því

Ég læt útvarp Sögu ákveða það fyrir mig  

 

Vinsamlegast takið þátt

 

 

Athugasemdir

[Öndin trítilóða (IP-tala skráð) 30.7.2011 kl. 14:22]

Óviss. Nokkuð viss um að Alþingi á eftir að krukka í þetta, vonandi til betrumbætingar (bjartsýni mín er takmarkalaus!), því sumt er vanhugsað, annað klént og ýmislegt ruglingslegt. En varla verra en núverandi stjórnarskrá...

[Kolbrún Hilmars, 30.7.2011 kl. 14:31]

Var ekki stjórnlagaráðið að fara fram á að "drögin" þeirra færu í þjóðaratkvæði ÁÐUR en þingið fjallaði um það?

[Axel Jóhann Hallgrímsson, 30.7.2011 kl. 14:38]

Öndin trítilóða, ef Alþingi krukkar eitthvað í frumvarpið, verður öllu baslinu kringum Stjórnlagaþingið og tilganginum með því sjálfkrafa á haug kastað.

[Axel Jóhann Hallgrímsson, 30.7.2011 kl. 14:43]

Kolbrún, jú það er víst og ég tel það eðlilegast að þjóðin samþykki frumvarpið áður en Alþingi setur það í þann farveg sem núverandi stjórnarskrá gerir ráð fyrir.

Ef því verður hafnað af þjóðinni er það ferli, samþykki á Alþingi á tveim þingum með kosningum á milli óþarft.

[Öndin trítilóða (IP-tala skráð) 30.7.2011 kl. 18:02]

Kvitt! Sagði "samþykkja". Hugsa málið svona: Ef við ekki samþykkjum, þrátt fyrir einhverja ágalla, mun sennilega líða öld áður en okkur gefst annað tækifæri til að hafa eitthvað um stjórnarskrána að segja. Bjartsýni minni eru takmörk sett...! :-)

[Axel Jóhann Hallgrímsson, 30.7.2011 kl. 20:32]

Sennilega hárrétt mat.