„Með lögum skal land byggja“

Ætli lögreglan að standa undir nafni og sínum einkunnarorðum eiga þeir yfirmenn lögreglunnar sem bera ábyrgð á þessum málum að víkja úr embætti nú þegar.

Um það eiga þeir ekkert val, annars verður lögreglan vart marktæk sem slík.

En kannski er það aukaatriði í augum Ríkislögreglustjóra, geti hann lafað á sínu embætti, og boðað lýðnum að fara að lögum, hvar hann situr borðalagður í bak og fyrir í sínum fílabeinsturni.

Lögreglan brýtur lög

Athugasemdir

[Ólafur Björn Ólafsson, 27.9.2011 kl. 13:21]

Set hér inn grein sem ég ritaði sem andsvar við þessarri fyrru sem sumir landsmenn virðast haldnir um meint lögbrot lögreglunnar. En þetta er birt á minni bloggsíðu sem svar við grein Páls Blöndal, hún gæti kanski átt við þig líka...

Enda geri ég mér fulla grein fyrir því að sá sem ekki leyfir fólki að skrifa athugasemdir við færslur sínar, Páll Blöndal ( http://pallblondal.blog.is/blog/pallblondal/entry/1193978/ ), er "alvitur". Hann veit að þessir óeirðabúningar eru staðlaðir og fást útum allann heim. Hann veit líka þá að útboð eru gerleg með klukkutíma fyrirvara, lesin upp og samþykt tilboð lægstbjóðanda klukkutíma þar á eftir og búnaðurinn því þar með kominn í hendur þeirra sem þurfa að nota hann tveim tímum eftir að útboði er lokið með hraðsendingu DHL einhversstaðar utan úr heimi...Nei Páll Blöndal, svona gengur lífið ekki. og er þetta ekki í fyrsta skipti sem ég sé svona yfirlýsingar frá þér. Ákvað bara núna að svara þessarri vitleysu þinni...

Það er nefnilega staðreynd að stundum þarf að bregðast skjótt við og er þá sú ákvörðun ALLTAF RÉTT með tilliti til þeirra upplýsinga um stöðu mála sem fyrir liggja hverju sinni. Það má svo þrasa og þrugla um þetta mörgum mánuðum seinna en það breytir ekki þeirri staðreynd að þegar ákvörðunin um kaupin á óeirðabúnaðinum var tekin var sú ákvörðun rétt. Þegar búsáhaldabyltingin varð þá gerðust hlutirnir ekki á einhverjum tveim til fjórum mánuðum, þeir gerðust strax. Það þurfti að bregðast við STRAX, og var það þá gert, allveg eftir forskrift enda vitað að byrgðir þær sem lögreglan hafði ekki svo miklar að hægt hafi verið að fara í margra vikna útboð. Lögreglan hefur jú búið við niðurskurð og fjársvelti í mörg ár, þar þarf ég ekki að leita langt til að fá upplýsingar um, enda löggan í næsta húsi við mig...

Bullið sem fram kemur í dag fær því engu um það breytt, og er ég á því að það sé ekki lögbrot að skipta við einhver fyrirtæki útí bæ í skyndi þegar nauðsynlega þarf á að halda. Skiptir þá engu hvort fyrirtækið sé í eigu lögreglumans, maka hans, eða foreldra. Það sem skiptir máli er hvort almannaheill hafi verið í það mikilli hættu að nauðsynlegt hafi verið að kaupa umræddann búnað.

Hvað sem öðru líður þá tel ég að rétt hafi verið að málum staðið eins og málin stóðu þegar meint innkaup hafi verið gerð. Það er þegar búsáhaldabyltingin var gerð...

Með kveðju

Kaldi

[Axel Jóhann Hallgrímsson, 27.9.2011 kl. 13:43]

Það er ánægjulegt Kaldi, að þú skulir hafa leiðrétt bullið í Ríkisendurskoðun!

[Ólafur Björn Ólafsson, 27.9.2011 kl. 14:30]

Ekki sendi ég þetta á ríkisendurskoðun. En það skal tekið fram að ég veit til þess að ríkislögreglustjóri er með útboð á hverju ári um hina og þessa hluti sem þarf að nota við löggæslustörf.

Það sem ég kem með í grein minni er ádeila á þá sem halda að allt þurfi og verði að fara í gegnum útboð, líka það sem þarf að nota strax en er bara ekki til...

Ef allir færu hina pólitískt réttu leið útboða þá væri líklega ekkert alþingishús standandi niður við Austurvöll, ætli það væri ekki falið uppá fjöllum þar sem enginn kemst nema fuglinn fljúgandi og þyrlur...

Það er það sem ég er að skjóta á og svo virðist sem Páll Blöndal ásamt fleirum virðast ekki átta sig á.

Svo til áréttingar þá er ég sérstaklega að tala um þá verslun sem átti sér stað vegna búsáhaldabyltingarinnar. Það sem fram fór utan þess tímaramma sem sú bylting átti sér stað er annað mál og á ég eftir að fá upplýsingar um þau...

[Sigurður Haraldsson, 28.9.2011 kl. 00:48]

Hvers vegna kemur þessi fétt núna eins og hún hafi verið geymd til þess að sverta lögregluna þegar hún má ekki við því!