Atkvæði grafin úr fönn

Sú fullyrðing framsóknarmanna að Framsóknarflokkurinn hafi sagt skilið við klíkuskap og baktjaldamakk fortíðar er lýðskrum og þvæla sem ekki fær staðist. Sem sést best á vinnubrögðum flokksins þessa dagana. Lýðræði og gegnsæi lekur nú ekki beinlínis af aðferð Framsóknarflokksins til að skipa á framboðslista sína fyrir komandi Alþingiskosningar.

Frambjóðendur sem boðið hafa sig fram á lista Framsóknarflokksins í NA-kjördæmi hafa þrjá daga til að smala nýjum félögum í flokkinn, en kjörskrá vegna kjördæmisþings, sem kýs á milli frambjóðenda, verður lokað 1. nóvember.

 

Frambjóðendum eru gefnar frjálsar hendur að smala sér sem flestum atkvæðum á kjördæmaþing flokksins með þeim aðferðum sem best gefast. Það er eins og markmiðið sé beinlínis að skapa jarðveg fyrir spillingu og ala á sem mestri tortryggni og  úlfúð. Enginn flokkur kemst með tærnar þar sem Framsókn hefur hælana í þeirri list. 

Vonandi skellur ekki á norðanáhlaup meðan smalað er, svo frambjóðendurnir þurfi ekki að grafa fylgi sitt úr fönn, enda misleiknir í þeirri list.

Hafa þrjá daga til að smala

Athugasemdir

[Sigurður Haraldsson, 28.10.2012 kl. 19:53]

Samála þetta er hroki og flokksræði sem hrjáir alla flokka á alþinginu!

[JR (IP-tala skráð) 28.10.2012 kl. 19:57]

,,...Framsóknarflokkurinn hafi sagt skilið við klíkuskap og baktjaldamakk fortíðar..."

Það sást á myndum frá fundinum fyrir norðan, að þar voru engir sem ekki þekkja svoleiðis vinnubrögð.

[Axel Jóhann Hallgrímsson, 28.10.2012 kl. 20:05]

Það fylgir að geta sett upp viðeigandi sauðasvip.

[Ásthildur Cesil Þórðardóttir, 28.10.2012 kl. 21:08]

Ef ég man rétt þá fundust framsóknaratkvæði innan þilja fyrir nokkrum árum, þá margra áratugagömul, svo þau fara ýmsar krókaleiðis framsóknaratkvæðin

[Axel Jóhann Hallgrímsson, 28.10.2012 kl. 21:22]

Það verður allt tekið fegins hendi!

[Ásthildur Cesil Þórðardóttir, 28.10.2012 kl. 22:36]

Sennilega

[Eiður Ragnarsson, 29.10.2012 kl. 15:07]

Mér finnst nú fréttin lýsa meira hugarfari fréttamanns en raunverulegum atburðum..

Ef að þið ágæta fólk væruð til í að leggja niður ykkar fordóma eitt augnablik og skoða hvernig staðið er að málum og hverjir gera það þá mynduð þið kanski fá nýja sýn á málið..

En kanski er það til of mikils mælst..

[Ásthildur Cesil Þórðardóttir, 29.10.2012 kl. 17:24]

Þetta eru ekki fordómar þetta er að henda gaman að fréttum og efni tengdum þeim.

[Axel Jóhann Hallgrímsson, 29.10.2012 kl. 17:50]

Ég lagði frá mér fordómana Eiður en tók þá strax upp aftur, því án þeirra leit þetta mun verr út.