Hanna Birna er orðin leiðtogi Sjálfstæðisflokksins þó Bjarni sé enn formaður að nafninu til

Engum blöðum er um það að fletta að Hanna Birna Kristjánsdóttir kom, sá og sigraði í þessu prófkjöri Sjálfstæðismanna í Reykjavík. Hún er með glæstum sigri sínum þar með orðin leiðtogi Sjálfstæðismanna á landsvísu. Það hljóta allir að sjá og viðurkenna, samherjar jafnt sem andstæðingar.

Ekkert (nema þá landsfundur Sjálfstæðisflokksins ef svo ótrúlega vildi til) getur komið í veg fyrir að Hanna Birna verði næsti formaður flokksins. Með þessum glæsta sigri er hún þegar komin með annan þjóhnappinn í formannsstólinn.

Héðan í frá og fram að landsfundi Sjálfstæðisflokksins verður Bjarni Benediktsson, pólitískt séð, vart annað en ígildi innihalds ótæmdrar sorptunnu, sem hefur ekki annað hlutverk en að bíða eftir öskubílnum á næsta losunardegi.

Lokatölur í Reykjavík

Athugasemdir

[Ásdís Sigurðardóttir, 25.11.2012 kl. 12:40]

Algjörlega sammála þér og ef að sjálfstæðisflokkurinn vill virkilega ná sér á strik, þá á Bjarni Ben að víkja fyrir Hönnu Birnu og gefa þannig tóninn fyrir breyttum og betri tímum í þeim karlaflokki

[Axel Jóhann Hallgrímsson, 25.11.2012 kl. 13:46]

Þarna er tækifærið Ásdís, nýti þeir það ekki, er þeim ekki viðbjargandi.

[Ásdís Sigurðardóttir, 25.11.2012 kl. 13:51]

segðu, alveg sammála.