Óskiljanleg ákvörðun - veikleikamerki

Ákvörðun Hönnu Birnu er undarleg og í hróplegri andstöðu við niðurstöðu prófkjörsins um helgina og  kröfu kjósenda flokksins um breytingar, sem vart varð misskilin.

Face Simple AfraidHanna Birna hefur með þessari ákvörðun virt að vettugi kröfu flokksmanna að hún taki sér stöðu við stýrið og ákveðið þess í stað að verða óbreyttur háseti í komandi kosningaveiðiferð flokksins undir stjórn getulauss skipstjóra sem hefur í tvígang fengið gula spjaldið hjá flokksmönnum sínum.

Hanna Birna var með pálmann í höndunum en á ögurstundu hikaði hún og þorði ekki að taka stökkið. Sú  ákvörðun veikir hennar stöðu til framtíðar, svo um munar. Það er nóg af stjórnmálamönnum sem ekki þora en engin eftirspurn. Því kann tækifæri Hönnu Birnu til að verða formaður Sjálfstæðisflokksins að hafa runnið henni úr greipum.

Margir hafa örugglega andvarpað af létti á vinstrivæng íslenskra stjórnmála við þessi tíðindi. Hanna Birna hefur með ákvörðun sinni fært þeim veikan og  laskaðan Sjálfstæðisflokk sem andstæðing í komandi kosningum. Meðan Bjarni Benediktsson veitir Sjálfstæðisflokknum forystu er vandséð að flokkurinn verði annað og meira en það pólitíska rekald sem formaðurinn sannarlega er.

Menn hafa fagnað af minna tilefni.

  


mbl.is Hanna Birna ekki í formanninn að óbreyttu
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: hilmar  jónsson

Það er verið að bjóða Bjarna tíma til þess flikka upp á ímyndina.

Hvernig skyldi hann nýta hann ? Ímyndar og sjálfstyrkingarnámskeið ?

Hanna Birna fór í raddþjálfun og árangurinn svona assgoti glimrandi..

hilmar jónsson, 26.11.2012 kl. 21:46

2 Smámynd: Axel Jóhann Hallgrímsson

Ég veit ekki hvaða göldrum þyrfti að beita Bjarna til að hann "virkaði"!

Annars er þetta ástand ágætt. Hanna Birna kom sá og gugnaði. Hún reis upp aðeins til að slá sjálfa sig niður.

Það er eitthvað mikið að í flokknum fái Bjarni ekki mótframboð á komandi landsfundi. Það hefur heldur fjarað undan Bjarna frá síðasta landsfundi þannig að slíkt framboð ætti raunhæfa möguleika, svo fremi að frambjóðandinn sé einhver annar en Birgir Ármannsson.

Axel Jóhann Hallgrímsson, 26.11.2012 kl. 22:43

3 Smámynd: Óskar

Þetta er besta hugsanlega niðurstaða fyrir alla aðra flokka, þ.e. að hafa Bjarna áfram.   Takk Hanna Birna fyrir að minnka líkur á einhverju hægra rugli eftir kosningar!

Óskar, 26.11.2012 kl. 23:18

4 Smámynd: Axel Jóhann Hallgrímsson

Það er hverju orði sannara Óskar.

Axel Jóhann Hallgrímsson, 26.11.2012 kl. 23:48

5 identicon

Komið þið sæir; Axel Jóhann æfinlega; - og aðrir gestir, þínir !

Nafni minn; Haraldsson !

Meira Andskotans dálætið; sem þú hefir á þessu 4urra flokka kraðaki - ''Þetta er hugsanlega niðurstaða fyrir alla aðra flokka'' skrifar þú kankvís, eins og þú viljir halda ógeðinu gangandi áfram, hérlendis.

Svo; skaltu ekki dirfast, að kenna íslenzka miðju- moðið við Hægri, nafni minn, því allir sannir Hægri menn kappkosta að útrýma þingræði og Vestrænu gerfi- lýðræði, þar sem þeir komast til valda á annað borð, ágæti drengur.

Þess í stað; eru settar á laggirnar fámennisstjórnir sterkra manna, oftast; undir Hervaldi, að sjálfsögðu !

Með beztu kveðjum; sem oftar, úr Árnesþingi / 

Óskar Helgi Helgason (IP-tala skráð) 27.11.2012 kl. 01:06

6 identicon

sælir; átti að standa þar, vitaskuld. Skrifað; í rökkri, að nokkru.

ÓHH

Óskar Helgi Helgason (IP-tala skráð) 27.11.2012 kl. 01:13

7 Smámynd: Bergljót Gunnarsdóttir

Hanna Birna á rassinn rann,

rétt í bili, tryllir mann.

Bjarna Ben. sem lítið kann

hún reisti við sem mann.

Blíðan lagði byrinn fyrir gulldrenginn,

blíðan lagð´ hún byrinn fyri gullrenginn þann.

Bergljót Gunnarsdóttir, 27.11.2012 kl. 02:34

8 Smámynd: Bergljót Gunnarsdóttir

leiðr. "fyrir gulldrenginn þann.

Bergljót Gunnarsdóttir, 27.11.2012 kl. 02:36

9 Smámynd: hilmar  jónsson

Góð Bergljót..

hilmar jónsson, 27.11.2012 kl. 11:48

10 Smámynd: Axel Jóhann Hallgrímsson

Sammála Hilmari.

Axel Jóhann Hallgrímsson, 27.11.2012 kl. 12:12

11 identicon

Ég er ekkert spes hrifin af HB, hvað hefur hún gert sem gerir hana spes.. ekkert.
Auvitað er það púra veikleikamerki að fara ekki gegn BB, sýnir eiginlega að hún er strengjabrúða

DoctorE (IP-tala skráð) 27.11.2012 kl. 12:38

12 Smámynd: Axel Jóhann Hallgrímsson

Ég er alveg sammála DoctorE, en einhverja hluta vegna er hún að skora hátt hjá kjósendum Sjálfstæðisflokksins.

Hún gat þess vegna tekið völdin núna, hefði hún viljað. Það er ekki víst að sá gluggi verði henni opinn síðar þegar hún ákveður að láta til skarar skríða.

Axel Jóhann Hallgrímsson, 27.11.2012 kl. 12:50

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.