Sátt um nauðgun

Konan hefur þá komið fram vilja sínum við Strauss-Kahn og fengið það - sem hún stefndi að alla tíð, peninga og mikið af þeim.

Ég var svo einfaldur að halda að kona sem beitt er kynferðisofbeldi gæti aldrei orðið sátt við kvalara sinn. En peningar virðast hafa þann töframátt að lina sárauka gráðugra.

Svo er það spurningin hvort það hafi, eftir allt saman, verið fórnarlambið í málinu sem þurfti að borga sig frá því?


mbl.is Sátt milli Strauss-Kahn og Diallo
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Ingibjörg Axelma Axelsdóttir

Er hægt að lesa þetta svona bókstaflega?

Gæti verið að hún sé bara langþreytt á málaferlum og hótunum sem hafa staðið yfir í einhver ár?

Gæti hugsanlega verið að hana langi bara til þess að klára þennan pakka og halda áfram með líf sitt?

Það þarf ekki að þýða að hún sé "sátt" við kvalara sinn þótt það náist dómssátt. En hún þarf heldur ekki að kvelja sig áfram við réttarhöld í kerfi sem því miður hallar frekar á fórnarlömb nauðganna.

Ingibjörg Axelma Axelsdóttir, 30.11.2012 kl. 09:07

2 Smámynd: Axel Jóhann Hallgrímsson

Það er litlum blöðum um það að fletta að þessi Strauss-Kahn er kvennaflagari af verstu gerð. En það eitt og sér gerir hann ekki að nauðgara.

Það hefur verið stæk lykt af þessu máli frá upphafi og ljóst að trúverðugleiki konunnar er síst meiri en Strauss-Kahn.

Það er löngu ljóst að samkomulag um greiðslu skaðabóta í bandaríska dómskerfinu eru ekki endilega sönnun um sekt því í mörgum tilfellum eru menn og fyrirtæki að kaupa sig frá enn meiri skaða, sem frekari fjölmiðlaumfjöllun myndi valda. Þetta nýta óprúttnir menn sér og konur.

Axel Jóhann Hallgrímsson, 30.11.2012 kl. 09:56

3 Smámynd: hilmar  jónsson

Ég held að Ingibjörg hafi nokkuð til síns máls hér.

Skiljanlega hefur Þetta verið konuni hreint helvíti.

hilmar jónsson, 30.11.2012 kl. 14:27

4 identicon

Þú þekkir ekki aðstæður þessarar konu. Við vitum lítið um hana, eitt af því örfáa sem vitað er um þessarar hlédrægu prívat manneskju sem forðast fjölmiðla sem heitan eldinn er að hún er fá bláfátæku landi í lamasessi. Sem eykur stórlega líkurnar á að hún eigi dauðvona ættingja sem á ekki kost á almennilegri læknisþjónustu, eða ungan ættingja sem á ekki kost á skólagöngu. Þú værir kannski meira til í að semja við þinn nauðgara ef dóttir þín lægi á bráðadeildinni í Norður Kóreu eða Súdan.

Yngvi (IP-tala skráð) 30.11.2012 kl. 19:14

5 identicon

Það er eins í þessum þriðja heimslöndum og var í Evrópu á miðöldum að bara þeir ríku eiga kost á læknisþjónustu, ef hún er yfirhöfuð til staðar og venjulegt fólk getur ekki gengið í almennilega skóla. Þannig þrælar vorum við Evrópumenn á miðöldum, en síðan tóku okkar eigin verksmiðjuþrælar við, sem búa þó við mun verri aðbúnað en almúginn þegar aðallinn og landeigendurnir kúguðu hann í þessari álfu. Þeir þræla dag og nótt svo þú og flestir getir notað gemsa sem verða til með hjálp barnaþrælkunnar og fötin þín úr Kringlunni, sem flest eru illa fengið með arðráni þriðja heimsins, og kaffið þitt frá þrælaekrunum. Ég held þessari konu og ættingjum hennar sé ekki ofgott þessar sárabætur og þú ættir ekki að núa henni um nasir að þiggja þær. Í sömu stöðu, lifandi við einelti fjölmiðla dag og nótt, og verandi frá landi sem fordæmir fórnarlömb nauðgunnar frekar en að hafa samúð með þeim, hefðir þú örugglega gert það sama.

Yngvi (IP-tala skráð) 30.11.2012 kl. 19:19

6 identicon

Múslimi frá Guineu á svo skilið hrós fyrir hugrekki og sjálfstæði að þora að kæra nauðgun, miðað við hvernig tekið er á nauðgunarmálum þar og meðferð á fórnarlömbum. Þú munt að öllum líkindum aldrei vera fær um sambærilegt hugrekki, hvort sem til kæmi af lygum eða sannleika, og fáir sýna slíka dirfsku fyrir fé.

Yngvi (IP-tala skráð) 30.11.2012 kl. 19:22

7 Smámynd: Axel Jóhann Hallgrímsson

Yngvi, ætli frumkvæðið, driftin, kappið, eljan og sjálfstæðið sé ekki lögfræðinganna sem fundu peningalyktina af málinu og taka bróðurpartinn af bótum skjólstæðingsins í sinn hlut.

Axel Jóhann Hallgrímsson, 30.11.2012 kl. 23:05

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.