"Komdu inn í hlýjuna" - já einmitt!

 „Komdu inn í hlýjuna – Kringlan, -af öllu hjarta“ !

Þannig auglýsir verslanamiðstöðin Kringlan – en þvílík öfugmæli.

Nýlega varð uppvíst að Kringlan rukkar góðgerðasamtök um tugi eða jafnvel hundruð þúsundir fyrir sölustæði í hlýjunni á göngum verslunarmiðstöðvarinnar í mánuði hverjum.

Nýskeð er að Kringlan,  af allri sinni hlýju, úthýsti markaði einum á hans fyrsta starfsdegi.

Ástæðan var einföld:  Að mati annarra verslunareigenda í Kringlunni okraði markaðurinn ekki nægjanlega á sinni söluvöru. Markaðurinn seldi sína vöru sem sagt OF ódýrt.

Gefum því Kringlunni, með allri okkar hlýju, frí fyrir jólin!

   

Athugasemdir

[Ásthildur Cesil Þórðardóttir, 20.12.2012 kl. 20:45]

Góður!  Sammála.

[Fv. Ybbar Gogg (IP-tala skráð) 21.12.2012 kl. 01:54]

Heyr, heyr!

Þetta eru sömu verslanirnar sem setja dótið sitt á útsölu eftir jól með allt að 50% afslætti (ef ekki meira!).

Setjum niður einfalt reikningsdæmi með einföldum tölum:

Vara kostar 200 kr. fyrir jól, en 100 kr. á janúarútsölu (50% afsláttur! - verður vel merkt þá í öllum auglýsingum með STÓRU letri...)

[Gerum nú ráð fyrir því að verslunin sé ekki að gefa vöruna, aðeins að losa sig við hana með pínu-, pínulitlum ágóða, svona rétt til að hafa fyrir fyrirhöfninni - sem er vissulega bara sanngjarnt.]

En hver var þá álagningarprósentan í upphafi?

[Og hver kaupir svona sölumennsku? Og eiga þeir þá nokkuð annað betra skilið?]

[Ásdís Sigurðardóttir, 21.12.2012 kl. 12:03]

Já, þetta er allt frekar asnalegt, það er alveg nóg hlýja hér fyrir austan fjall, held mig við mína heimamenn