Eru tryggingar í mörgum tilfellum tilgangslausar?

Það er gömul saga og ný að tryggingarfélög neiti að bæta tjón og beita jafnvel öllum brögðum til að koma sér hjá bótagreiðslu og komast iðulega upp með það. Tryggingarfélög byggja rekstur sinn á því að afhenda helst ekki vöruna sem viðskiptavinurinn telur sig hafa keypt.  

Ef marka má reynslusögur fólks af starfsaðferðum og vinnubrögðum tryggingarfélaga almennt, þá virðist megin reglan í úrvinnslu tjóna og túlkun á tryggingarskilmálum þeirra allra vera sú, að allt sé vel tryggt - nema það sem gerðist!

Þannig reynist auglýsingafrasi tryggingafélagana - að nauðsynlegt sé að hafa allt vel tryggt - mörgum viðskiptavinum þeirra bitur brandari.

 

Fá tjónið ekki bætt

Athugasemdir

[Sævar Einarsson, 4.1.2013 kl. 07:05]

Það kostar að tryggja sig vel, hafi bílar verið í Kaskó hefði þetta fengist bætt, en þá vakna upp spurningin, er það þess virði, ef t.d. bíll er verðmetinn á 200.000 en sjálfsábyrgðin er 160.000. En mig langar að vita, ef fólk hefði orðið fyrir þessu, dáið eða örkumlast, hefi það fengið einhvern skaða bættan? er eitthvert smátt letur sem segir að "Trygging nær ekki til slíkra tjóna" Þetta ættu öll húsfélög að kanna og fólk bara yfir höfuð að kanna um takmarkanir á tryggingum.

[Jóhann Elíasson, 4.1.2013 kl. 09:34]

Margar sögur eru til af viðskiptum manna við tryggingafélögin og margar ástæður tryggingafélaganna til að greiða EKKI út tjón, eru frekar hjákátlegar í augum leikmanns og sumar hverjar "grátbroslegar".  Ég ætla að láta fylgja með nokkuð sem ég varð sjálfur vitni að:  Þannig var að fyrir nokkuð mörgum árum starfaði ég í bæ vestur á fjörðum.  Skrifstofumaðurinn var þá umboðsmaður tryggingafélagsins Ábyrgðar (sem síðar rann inn í Sjóvá, að mig minnir).  Fólk hringdi oft á tíðum á skrifstofuna og vildi þá tala við viðkomandi starfsmann.  Þá vissi ég að málin snérust um tryggingar.  Oftast gengu símtölin þannig fyrir sig að viðkomandi starfsmaður hlustaði, væntanlega á meðan viðkomandi var að útskýra málið en svo sagði hann:  "NEI ÞÚ ERT EKKI TRYGGÐUR GAGNVART ÞVÍ"....................

[hilmar jónsson, 4.1.2013 kl. 10:19]

Er hjá Sjóvá sem hefur reynst mér ágætlega, en ég sé ekki betur að í kringum hver áramót sé verið að fella út tryggingaákvæði og breyta skilmálunum.

Segir kannski eitthvað.

[Jóhann Elíasson, 4.1.2013 kl. 11:51]

Gleðilegt ár Hilmar, ég var ekkert að setja út á Sjóvá frekar en önnur tryggingafélög.  Hafi mátt lesa það út úr þessu biðst ég afsökunar það var alls ekki ætlunin.............

[Ásthildur Cesil Þórðardóttir, 4.1.2013 kl. 12:21]

Sammála, það er alltaf einhvernveginn að það sem gerist er nákvæmlega það sem ekki er tryggt fyrir. 

[Ásdís Sigurðardóttir, 4.1.2013 kl. 13:16]

tryggingar hækkuðu þessi áramót eins og flest önnur og maður að vera vel að sér í þessum málum, ég vissi reyndar að þau fengju þetta ekki bætt því þetta gerðist hér í blokkinni, aðeins þeir sem eru gestkomandi eru tryggðir ekki heimamenn, þannig var það allavega þá.