Draumur litlu þúfunnar

Eflaust er Þór Saari, eðli máls samkvæmt, heillaður af máltækinu um litlu þúfuna og hlassið. Kannski dreymir hann um að verða litla þústin sem veltir stóra hlassinu um, einum metra frá endamarkinu.

Hvað gengur Þór eiginlega til með þessu frumhlaupi, vitandi að með því eyðileggur hann líklegast framgang stjórnarskrármálsins, sem hefur verið hans hjartans mál að eigin sögn?

Þetta gerir Þór öllum að óvörum korteri fyrir þinglok. Margir munu eflaust velta fyrir sér hvort Þór telji sig vera að skapa sér nafn í sögunni með þessum fíflalátum, eða hvort honum hafi hreinlega borist nægjanleg örvun frá „hagsmunaaðilum“ fyrir þennan greiða?  

En hvað sem veldur þessum kjánaskap Þórs Saari, verður hann í fyllingu tímans sennilega helst þekktur sem litla óþekkta þúfan sem vildi verða fræg en valt í staðin um eigin kjánaskap.

Líf ríkisstjórnar hangir á bláþræði

Athugasemdir

[Sigurður Kristján Hjaltested (IP-tala skráð) 20.2.2013 kl. 22:06]

Ég tek nú bara undir þetta..

[Númi (IP-tala skráð) 20.2.2013 kl. 23:25]

Hvað meinarðu Axel , Þór og lítil þúfa.

Ertu að gera grín að vaxtarlagi hans,ef svo er þá skammastu þín.

[Axel Jóhann Hallgrímsson, 20.2.2013 kl. 23:35]

Einn þingmaður, einfari í þinginu er nú lítið annað en lítil þúfa. Að átt sé við vaxtalag hans eru þín orð en ekki mín Númi, svo skammast þú þín sjálfur.

[Ásdís Sigurðardóttir, 21.2.2013 kl. 11:27]

Svona, svona strákar, það er ekkert að því að vera líkt við þúfu, þúfan er eins Íslensk og falleg eins og sóley í túni   en ég er nú sammála ykkur með það að ég skil ekki upphlaupið hjá honum núna, nema bara til að vekja athygli á sér.

[Pétur Harðarson, 21.2.2013 kl. 12:21]

Kannski var þetta tilraun til vekja á sér athygli en ég held að stjórnarskrármálið sé mjög tengt ESB aðildarferlinu. Nú er það ferli í dái og því ástæðulaust fyrir Samfó að setja eitthvað púst í þetta mál. Ég held að Þór hafi bari verið sár yfir því að stjórnarflokkarnir virtust ekki nenna að skoða tillögur hans um hvernig væri hægt að ljúka þessu. Það ætti nú ekki að koma honum á óvart samt. Ríkisstjórnin hefur ekki beinlínis verið þekkt fyrir að vera viljug til samstarfs í stórum málum.

[Númi (IP-tala skráð) 21.2.2013 kl. 14:02]

Númi hefur greinilega verið að misskilja þig ,Axel,svo núna skammast Númi sín.

[Axel Jóhann Hallgrímsson, 22.2.2013 kl. 10:46]

Ég vona Númi að Númi hressist og taki gleði sína á ný. Ég bið Númi að heilsa Núma.