Fylgi Sjálfstæðisflokksins er í frjálsu falli en samt reynir flokkurinn ekki að draga úr fallinu

Það þarf aðeins eina ákvörðun til að stöðva eða draga úr fylgishruni Sjálfstæðisflokksins. Hún er sú að knýja kjánaprikið Bjarna Benediktsson til afsagnar hið snarasta eða rífa hann ella frá stýrinu og kasta honum fyrir borð og fela Hönnu Birnu stjórnina.

Innviðir flokksins verða auðvitað eftir sem áður myglaðir  og morknir en þessi kattarþvottur gæti verið flokknum nægjanleg andlitslyfting til að stöðva fall hans eða draga úr því.

Tíminn er naumur og þessa hallarbyltingu þyrfti að framkvæma sem fyrst. En það er engin hætta á að því að það gerist, til þess eru Sjálfstæðismenn alltof spéhræddir og sjálfumglaðir. Þá langaði til að láta Bjarna fjúka á landsfundinum, en brást kjarkurinn. Þeir óttuðust að missa við það andlitið, þetta líka andlit.

 

Framsóknarflokkurinn stærstur

Athugasemdir

[Vilhjálmur Stefánsson, 26.3.2013 kl. 16:33]

Já Axel,Bjarni Ben er meysemdin og það skilur hann ekki.það er ekki nóg að vera af slæmum Ættum eins og Engeyjarætt það sem alt snýst um peninga........

[Haukur Kristinsson (IP-tala skráð) 26.3.2013 kl. 16:36]

Skil ekki allar þessar vangaveltur um fylgi Íhaldsins og hækjunnar.

Það er summa stærðanna tveggja, D + B sem skiptir máli, en ekki hver stærð fyrir sig. Þetta eru flokkar sömu hagsmunahópa samfélagsins, enda undir forystu skilgetinna afkvæma mestu braskara og fjárglæframanna samfélagsins á mölinni fyrir sunnan; Vafningur + Kögun. 

Summan ætti að vera áhyggjuefni, en ef innbyggjarar eru svona skyni skroppnir, Ok, so be it!

[Axel Jóhann Hallgrímsson, 26.3.2013 kl. 17:06]

Það er skiljanlegt Vilhjálmur, að Bjarni sjái það ekki sjálfur eða vilji ekki sjá það.

En það er óskiljanlegt að flokksmenn skuli bæði sjá það og skynja, en aðhafist svo það eitt að kjósa hann enn og aftur til forystu á landsfundinum.

Sjálfstæðismenn eiga því þennan formann sinn svo sannarlega skilið.

[Axel Jóhann Hallgrímsson, 26.3.2013 kl. 17:08]

Nokkuð til í þessu Haukur, það er kannski ekki spurningin hvort þessi flokkar myndi næstu ríkisstjórn, heldur frekar hver leiði stjórnina.

Og fari svo þá eigum við þá ríkisstjórn svo sannarlega skilið.

[Rafn Guðmundsson, 26.3.2013 kl. 18:41]

breytir engu með að skipta út bb - miklu meira þarf

[Axel Jóhann Hallgrímsson, 26.3.2013 kl. 19:01]

Ég er meira en tilbúinn að kaupa það Rafn. En Sjallarnir þyrftu ekki að brjóta nein prinsip með því að kasta BB, það væri því tilraunarinnar virði. Bjarni verður flokknum aldrei til gagns, af hverju dröslast Sjallar þá með þetta lík í lestinni, vitandi vits.

[hilmar jónsson, 26.3.2013 kl. 20:29]

Sjálfstæðisflokkurinn starfar í þágu auðklíkna og auðvitað fáránlegt að hann skuli sækja fyfgi sitt út fyrir þann hóp. Varla er 25% þjóðarinnar auðmenn og braskarar ?

Annars sammála Hauk. Þetta eru sömu meinin Framsókn og Sjálfstæðisflokkur.

Sorglegt þó að Samfylkingin virðist upp á síðkastið leggja alla sína orku í að slaga upp í þessa 2 flokka hvað ómerkilegheit varðar.

[Axel Jóhann Hallgrímsson, 26.3.2013 kl. 20:58]

Venjulegt launafólk sem kýs Sjálfstæðisflokkinn Hilmar, kosningar eftir kosningar hlýtur að vera  haldið einhverskonar sjálspíningarhvöt 

Ég fagna því Hilmar að ákveðin teikn séu á lofti hvert hugur formanns Samfylkingarinnar beinist. Því get ég forðað mér frá því upplifa enn einu sinni það hugarvíl sem Viðeyjarferð Jóns Baldvins og Þingvallaskreppur Imbu ollu á sínum tíma.

[hilmar jónsson, 26.3.2013 kl. 21:11]

Held ég sé að missa trúnna á gömlu flokkunum. Þetta er ekki að virka.

[Haraldur Rafn Ingvason, 26.3.2013 kl. 23:22]

Taktleysi þessa sjálfstæðisflokks er með ólíkindum. Það var löngu fyrirséð að hann gæti ekki orðið annað en sterkari með HBK sem formann. Ekki varð af því.

En það sem virkilega fór illa með þá var þessi fáránlegi landsfundur. Þar opinberaðist nefnilega hverjir raunverulega ráða fyrirbærinu og hverjar áherslur þeirra eru. í kjölfarið hefur fólk þarna innanborðs að sjálfsögðu farið að hugsa sinn gang (þ.e.a.s. þeir sem geta hugsað sjálfstætt) og auðvitað er niðurstaðan sú að flokkurinn er í frjálsu falli.

Og það gleðilega er að ég sé ekki að þeir hafi neina leið til að redda þessu fyrir kosningar

Þetta hlýtur þó að teljast gríðarlegt afrek í sjálfu sér, hafandi verið í notalegri stjórnarandstöðu gegn óvinsælustu ríkisstjórn í áratugi. Þó væri jafnvel enn meira afrek að verða áfram í stjórnarandstöðu eftir kosningar, eins og margt bendir nú til.

En ertu að meina þetta Hilmar, hafðir þú virkilega ennþá einhverja trú á gamla draslinu eftir það sem á undan er gengið...? 

[Axel Jóhann Hallgrímsson, 27.3.2013 kl. 10:16]

Takk fyrir þetta greinargóða innlegg Haraldur

[Ásdís Sigurðardóttir, 27.3.2013 kl. 11:20]

Ágætis komment hjá ykkur og ég er sammála með D og B  en drottinn forði okkur frá öðrum eins vitleysing og formann samfylkingar, ég er nú bara hrædd fyrir hönd þjóðarinnar ef hann kemst að borðinu.

[Axel Jóhann Hallgrímsson, 27.3.2013 kl. 11:29]

Ég lít svo á Ásdís að með Árna sem formann Samfylkingarinnar sé mikið hreinlegra að kjósa Sjálfstæðisflokkinn beint en að koma honum til valda með atkvæði greiddu Samfylkingunni.

[Ásdís Sigurðardóttir, 28.3.2013 kl. 16:02]

Mér finnst hræðileg tilhugsun ef S og D fara saman í ríkisstjórn.