Fékk hægt andlát, bjargað með líffæraígræðslu

Þá er maður kominn á bloggið aftur eftir erfið og átakanleg veikindi, sem hafa haldið mér fjarri góðu gamni.  Þessi veikindi byrjuðu sárasaklaust rétt eins og kvefpest, en ágerðust hratt og enduðu með hjartastoppi með tilheyrandi líffæraígræðslu og öllu sem  því fylgir.

Nei, nei ég var ekki veikur, það er hjákonan mín sem hefur undanfarnar vikur háð harða baráttu fyrir lífi sínu. Hún er komin nokkuð til ára sinna blessunin, nánast úrelt orðin, eins og ég, en  hefur alla tíð þjónað mér vel og af fullkominni trúfestu og alúð. Því kom því aldrei til greina að kasta  henni og fá sér nýja.

Nú er hún komin á ról á ný blessunin, bráðhress með nýjan harðann disk og nýtt stýrikerfi og fær í flestan sjó.

Athugasemdir

[hilmar jónsson, 10.6.2013 kl. 17:43]

Gott að sjá þig aftur Axel. Vonandi verður bati hjákonunnar til frambúðar.

KV.

[Axel Jóhann Hallgrímsson, 10.6.2013 kl. 18:44]

Takk fyrir það Hilmar. Ég ætla rétt að vona að batinn sé varanlegur, ella er svart framundan.

[Hallgrímur. A. (IP-tala skráð) 10.6.2013 kl. 19:37]

Þær vilja fyllst þessar hjákonur ef menn eru stöðugt í þeim ;) .Gott að þetta gengur enn, vonum að þetta haldist í góðan tíma í viðbót.

[Óskar Helgi Helgason (IP-tala skráð) 10.6.2013 kl. 19:48]

Heill og sæll og velkominn á ný; Axel Jóhann - og aðrir gestir, þínir !

Vona; að þú náir að halda uppi þróttmikilli - og vel gagnrýninni umræðu hér áfram, gagnvart Andskotans stjórnmála hyski ALLRA lyga- og svika flokkanna, fornvinur góður.

Sjálfur; er ég á útleið, af þessum miðli; hvar, þau Hádegis móa fólk (umsjónarmenn blog.is) þverskallazt við, að koma á þeim úrbótum á síðunni, sem ég fór fram á, fyrst; snemm Sumars 2011 - og síðan, síð Sumars 2012.

Ég ætla ekki; að láta hafa mig að algjöru fífli, með III. heimsókninni, þangað vestur eftir, Axel minn.

Með beztu kveðjum; sem jafnan, úr Árnesþingi /

[Anna Svavarsdóttir, 10.6.2013 kl. 21:53]

Heill og sæll.  gott að sjá þig hér aftur

[Jóhann Elíasson, 11.6.2013 kl. 07:39]

Gott að sjá þig hér aftur, VELKOMINN......................

[Axel Jóhann Hallgrímsson, 11.6.2013 kl. 18:20]

Takk fyrir þína aðstoð í mínum kvenna vandræðum Hallgrímur minn.

[Axel Jóhann Hallgrímsson, 11.6.2013 kl. 18:22]

Ef þú gefur eftir við djöflana í Hádegismóum Óskar minn, þá hafa þeir fullan sigur. Ekki trúi ég að það sé þinn vilji. Ég stend keikur.

[Axel Jóhann Hallgrímsson, 11.6.2013 kl. 18:24]

Takk fyrir það Anna mín, gaman að heyra frá þér.  Hefur þú farið einhverjar ævintýraferðir frá því við sáumst síðast?

[Axel Jóhann Hallgrímsson, 11.6.2013 kl. 18:24]

Takk fyrir það nafni!

[Óskar Helgi Helgason (IP-tala skráð) 11.6.2013 kl. 21:42]

Komið þið sæl; sem fyrr !

Axel Jóhann !

Þakka þér fyrir; drengilega hvatninguna, en,,......... blog.is, minnir mig meir og meir, á síróps leðju dollurnar, sem áttu til að kremjast við affermingu KÁ Reykjavíkur flutningabílsins austur á Selfossi, þegar ég var afleysinga pjakkur þar, í kringum 1980.

Innilega leiðinlegt; sem þurrt umhverfi hér (Mbl. vefur inn), hlaðið dekri og dýrkun á GJÖR ónýtu stjórnmálapacki innlendu, sem ekkert hefir afrekað annað, en að hlaða undir sig og sína;; Helvítis óbermin : A - B - D - S og V lista ógeðin, eiga þessa sneið skuldlausa, frá mér, fornvinur góður !!!

Ekki síðri kveðjur; - þeim fyrri /