Refsivistin á Hrauninu!

Í Fréttablaðinu í dag og á Vísi.is  er fjallað um fangelsismál og þá ákvörðun fangelsisyfirvalda að takmarka verulega  tölvunotkun fanga vegna misnotkunar. Að auki er til skoðunar að fjarlægja öll aflrauna lóð úr fangelsinu.

Um þessar aðgerðir hefur Ríkharður Ríkharðsson talsmaður fanga ýmislegt að athuga og „spáir því“  að þær muni hafa alvarlegar afleiðingar! (?). Aðspurður um lóðin sérstaklaga segir Ríkharður: : "Það yrði bara skelfilegt. Þá er þetta bara orðin refsivist."

Þau gerast ekki öllu betri gullkornin. Það væri auðvitað skelfileg þróun ef stórglæpamenn á Hrauninu færu almennt að upplifa veruna þar sem einhverja refsivist.

Athugasemdir

[Jóhann Elíasson, 18.10.2013 kl. 12:59]

Ég er bara kjaftbit yfir því að menn skuli hafa tölvuaðgang þarna og margt fleira.  Þeir hafa aðgang að mörgu sem er ekki almennt að borgarar landsins hafi.  Verður ekki næsta krafa að það verði "opið hús" svo menn upplifi það ekki að þeir séu lokaðir inni...........

[Axel Jóhann Hallgrímsson, 18.10.2013 kl. 13:09]

Það er vissulega margt undarlegt í þessum málaflokki Jóhann. Það hefur líka verið nefnt að nýja fangelsið sem til stendur að byggja, líkist meira 5 stjörnu glæsihóteli en fangelsi.

[Axel Jóhann Hallgrímsson, 18.10.2013 kl. 17:18]

Ég heyrði góða sögu í dag. Hún var um fanga sem vildi mennta sig í steininum, sem hann og fékk, því þá yrði hann hæfari að takast á við lífið utan fangelsisins að afplánun lokinni. Hann las efnafræði og gekk bara vel. Allir voru stoltir og ánægðir fyrir hans hönd.

Svo losnar gæinn og hvað var eðlilegra en að nýta nýfengna efnafræði þekkingu utan múranna, eins og til var stofnað. Nokkrum vikum seinna er hann nappaður í einhverri fullkomnustu eiturlyfjaverksmiðju sem fundist hefur hér á landi.

Gæinn var auðvitað sendur aftur á Hraunið, hvar hann, nema hvað, stundar núna nám á kostnað samfélagsins til að hann varði hæfari til að takast á við lífið að afplánun lokinni.

Hvað er hann að læra núna? Jú hann stundar framhaldsnám í efnafræði, stefnir á doktorsgráðu!

Segið mér að þetta sé í lagi.

[Hrólfur Þ Hraundal, 18.10.2013 kl. 22:44]

Við eru fátæk af fangelsum og þau eru öll með mannúðlegu og guðlegu ívafi, án tillits um innihaldið.   

Auðvita hef ég ekkert vit á fangelsismálum, en tel samt  að þar þurfi að flokka fanga betur en gert er. Kvíabryggja er sjálfsagt ágæt og Hraunið er sjálfsagt ágætt, en það vantar harðara fangelsi fyrir þá sem ekki hlíta þar reglum.

Í fangelsi, hlýtur hlýðni og reglusemi að gilda.  Ef ekki, þá getum við bara sleppt þeim og við sjálf sjáum um þessi mál á gamaldags hátt.    

[Jóhann Elíasson, 22.10.2013 kl. 11:03]

Ekki nóg með þetta Axel.  Þegar viðkomandi fangi fór aftur í fangelsi fyrir brot sín þá menntaði hann sig í lögfræði og viðskiptafræði ég veit ekki með framhald í efnafræði en það kæmi mér svosem ekkert á óvart......