Verður friður á okkar tímum eftir Bjarmalandsför Gunnars Braga?

Kaupfélag Skagfirðinga hefur ákveðið að senda sérlegan sendil sinn, Gunnar Braga Sveinsson, til Úkraínu til að gæta hagsmuna kaupfélagsins á svæðinu og róa bændur á Krím og t.a.m. tilkynna þeim að kaupfélagið dragi til baka boðaða hækkun á áburði.  Vonast kaupfélagsstjórinn og Framsóknarflokkseigandi Skagafjarðar til þess að þetta nægi til þess að aðskilnaðaryfirlýsing Krím verði dregin til baka.

Jafnframt er hafin undirbúningur  að hátíðarmóttöku á Sauðárkróksflugvelli til að fagna heimkomu sendilsins úr Bjarmalandsför þessari. Í frumhandriti  að athöfninni er gert ráð fyrir að Gunnar Bragi stígi út úr flugvélinni með undirritaðan sáttmála í hendinni og veifi honum glaðhlakkalega yfir höfuð sér og mæli spekingslega: Úkraínu vandamálið hefur verið leyst. Friður mun ríkja á okkar tímum.

Á meðan ríkir ófriður og upplausn á Íslandi. En hvaða máli skiptir það í stóra samhenginu?

 

 

Athugasemdir

[Elín Sigurðardóttir (IP-tala skráð) 21.3.2014 kl. 11:30]

Ég sá Snorra G. Bergsson vera að pósta þessu. Það var ánægjulegt.

http://defendinghistory.com/ukraine-issues-in-early-2014/63714

[Jóhannes Laxdal Baldvinsson, 21.3.2014 kl. 13:46]

Almennt ríkir fát og flaustur
flestir Úkraínu flýja.
en Gunnar heldur glaður austur
að gamna sér með Deshchytsia

[Axel Jóhann Hallgrímsson, 21.3.2014 kl. 15:22]

Það væri gaman að vera fluga á vegg þegar KS sendillinn Gunnar hittir Júlíu Tímósjenkó og ávarpar hana; Ég Tarsan...þú Jane! ÚÚG, ÚÚG!

[Anna Sigríður Guðmundsdóttir, 21.3.2014 kl. 16:49]

Er ekki gott að Gunnar Bragi kynni sér ástandið í Úkraínu af eigin upplifun? Það er tvennt ólíkt að heyra um eitthvað á fjarlægum slóðum, eða skynja/skilja staðreynda upplifun.

Vanmetni nördinn að norðan er með þetta á sínu verkefnisborði. Er ekki rétt að heyra, hvað kemur út úr þessari ferð?

Eða veit einhver hvað er nákvæmlega í gangi, þarna fyrir austan hafið?

M.b.kv.

[Elín Sigurðardóttir (IP-tala skráð) 21.3.2014 kl. 17:06]

Hann er búinn að fordæma Rússa. Og er hann að kynna sér málið núna segirðu?

[Axel Jóhann Hallgrímsson, 21.3.2014 kl. 17:58]

Brýnna hlýtur að vera Anna, að leysa vandamálin innanlands áður en lengra er haldið. Hún er undarleg þessi þörf sumra að ala önn fyrir útlendingum á sama tíma og þeir láta vandamálin innanlands sig litlu varða. Hundruð manna hafa um þessar mundir lokið 3ja ára mögulegum atvinnuleysistíma og falla af atvinnuleysisbótum. Þetta fólk verður að segja sig til sveitar eða svelta ella. Þessu fólki er svo boðið að koma aftur eftir 2 ár, verði það á lífi. Á sama tíma er sægreifum og stóreignarmönnum afhentir miljarðar, með kærri kveðju. Er nema von að menn hafi skömm á þessu bölvaða skítapakki!

[Elín Sigurðardóttir (IP-tala skráð) 22.3.2014 kl. 11:14]

Við skulum ekki gera lítið úr útverði mannréttinda í heiminum. Það verður örugglega hrópað ferfalt húrra fyrir Gunnari Braga á Austurvelli í dag. Hann er maður fólksins.

http://ruv.is/frett/hitti-fulltrua-mannrettindasamtaka

[Axel Jóhann Hallgrímsson, 22.3.2014 kl. 13:17]

"Kona, mikil er trú þín!"