Eru konur hryggjarstykkið í Kristilegum stjórnmálasamtökum?

Hinn Kristinlegi stjórnmálaflokkur,  sem byrjaði að gefa út málgagn sitt 2007, hefur enn á ný boðað framboð, ekki í næstu kosningum vel að merkja heldur þeim þar næstu. Flokkurinn er sagður vera fjöldahreyfing.

 (Formaður) talsmaður flokksins fer mikinn á bloggi sínu í dag, hvar hann mótmælir harðlega skrifum Kolbrúnar Bergþórsdóttur. Kolbrún mun hafa í skrifum sínum gert sig seka um að hafa ekki sama skilning á biblíufræðunum og formaður Kristilegra og handhafi sannleikans  Jón Valur Jensson.  Eðlilega fór það mest í skapið á guðsmanninum að Kolbrún skrökvaði víst um fjölda kvenna í Kristilega partýinu öllu.

Um skrök Kolbrúnar um fjölda kvenna í Kristilega flokknum öllum segir Jón Valur orðrétt á bloggi sínu:

Þá er það alrangt gefið hjá henni, að engin kona sé í Kristnum stjórnmálasamtökum, því að þrjár eru þær og allar öflugar, ekki síðri en Kolbrún!

Kristileg stjórnmálasamtök er því ekki karllægur einmenningsflokkur eins og sumir hafa haldið fram því í honum eru 3 konur, segi og skrifa þrjár konur, heilar og óskiptar. Slíkt kvennaval er als ekki ónýtt fyrir stórhuga "jafnréttissinnaðan" flokk sem stefnir á þing, þó það sé bara þarnæst, eða þegar flokknum tekst að fylla á einn framboðslista.

Athugasemdir

[Haukur Kristinsson (IP-tala skráð) 8.5.2014 kl. 19:14]

Það er engin eðlismunur á Jóni Vali og Kolbrúnu Bergþórsdóttur, fremur stigsmunur. Tveir afturhaldssamir rugludallar.

 

Satt að segja er Jón mér meira sympatisch.

[Anna Sigríður Guðmundsdóttir, 8.5.2014 kl. 22:03]

Axel Jóhann. Alvalda og góða almættið forði mér og öðrum frá frá þeim hörmungum, að flokka kærleikstrúna einu og sönnu, í einhverja pólitíska dilka mafíu-stjórnsýslu-heimsveldisins hel-sjúka!

Þá er það hérmeð sagt af heilum huga og hjarta mínu, hér í netheimum!

Almættið algóða er allra, og er svo sannarlega milliliðalaus og ekta náungakærleikskraftur!

Eins gott að allir átti sig á því!

M.b.kv.