Frægur á Íslandi

Bandarískur hermaður fellur í Afganistan. Fall þessa mans þykir svo merkilegt á Íslandi, umfram aðra fallna „nafnleysingja“ þarlendis að dauði hans verður að sérstakri frétt.

Hvað var það sem gerði þennan mann svo merkilegan í augum hérlendra blaðasnápa, var maðurinn stríðshetja, hátt settur foringi eða mægður forsetanum?

Nei miklu merkilegra en það, þessi maður hafið nefnilega deilt rúmi um tíma með daðurdrósinni Britney Spears.

Meira þarf nú ekki til að verða mönnum harmdauði á Íslandi hinu góða.

 

Fyrrverandi kærasti Spears féll í Afganistan

Athugasemdir

[Gunnar Th. Gunnarsson, 20.1.2015 kl. 01:36]

Þetta er étið upp úr erlendum slúðurblöðum. Íslendingar eru ekki minna hégómafullir en aðrar þjóðir.

[Bergljót Gunnarsdóttir, 20.1.2015 kl. 03:38]

Heldurðu ekki að ég verði ódauðleg í erlendum fjölmiðlum þegar þar að kemur? Ég dansaði við Neil Armstrong á Hótel Sögu nokkrum mánuðum áður en hann skellti sér til tunglsins. Hann fór, að ég held, ekki þangað af hræðslu við mig, það víst löngu fyrirfram ákveðið, eða þannig.

[Axel Jóhann Hallgrímsson, 20.1.2015 kl. 05:05]

Mig grunaði það Gunnar.

[Axel Jóhann Hallgrímsson, 20.1.2015 kl. 05:09]

Sæl Bergljót. Hvað segir þú! Og þú hefur ekki komið þessu á framfæri við heimspressuna!? Þú hefðir orðið fræg, a.m.k. ef Neil hefði ekki átt afturkvæmt úr ferðinni.

[Bergljót Gunnarsdóttir, 20.1.2015 kl. 13:39]