Snobbfjárfesting í asískum banka mikilvægari en sjúkir og þurfandi á Íslandi

Bjarni Ben er að stíga upp í flugvél á leið til Kína með 2,3 milljarða úr sjóðum samfélagsins í vasanum til að kaupa hlut í snobbbanka austur í Asíu.

Í banka sem á að þjóna Asíu takið eftir!

Á sama tíma segir þessi "dáða drengur" öldruðum, sjúkum og öðru þurfandi fólki á Íslandi að éta það sem úti frýs, engir peningar séu til.

Þeir blikna ekki þessir "herrar" að bruðla svona með almannafé erlendis á meðan sjúkir og aldraðir veslast upp hér heima fyrir framan nefin á þeim.

Hér væri viðeigandi að segja fjármálaráðherranum að skammast sín, en það er gagnslaust hann og hans slekti skilja ekki hugtakið.

Bjarni fer til Kína

Athugasemdir

[Sigurdur Hjaltested (IP-tala skráð) 15.1.2016 kl. 17:10]

Uhumm. Man engin eftir hruninu lengur.? Mer finnsr thetta vera vafninga othefur af thessu og thad er mitt iskalda mat tho Bjarna finnist thetta vera eitthvad voda Icehot...

[Axel Jóhann Hallgrímsson, 16.1.2016 kl. 01:18]

Frosti Sigurjónsson segir Bjarna skorta samþykki Alþingis til að fjárfesta í bankanum.

Bjarni flækir sig auðvitað ekkert í svoleiðis smámunum.

Það er spillingarstækja af þessu máli.

http://www.mbl.is/frettir/innlent/2016/01/15/segir_bjarna_skorta_samthykki_althingis/

[Axel Jóhann Hallgrímsson, 16.1.2016 kl. 13:18]

Til er orð, l...... þungt og gildishlaðið, sem var mikið notað af andstæðingum síðustu ríkisstjórnar og um flest sem hún gerði í viðleitni sinni að bjarga því sem bjargað varð úr þjóðarskútustrandinu, sem flestum virðist nú gleymt.

Hefði fjármálaráðherra þeirrar ríkisstjórnar brugðið sér í slíka för, sem Bjarni gerir, er hætt við að honum og stuðningsmönnum hans hefði þótt l orðið vart vera nægjanlega gildishlaðið og sterkt til að lýsa þeim ÞJÓÐARSVIKUM!

[Halldór Egill Guðnason, 16.1.2016 kl. 13:25]

Gjörsamlega glórulaust rugl ad eyda peningum í thennan banka austur í Asíu. Tvö thúsund og thrjú hundrud milljónir, takk fyrir. Thad er greinilega tvöfalt hagkerfi í gangi. Á thví leikur enginn vafi. Annad theirra thurrausid af fjármagni, en hitt barmafullt af eydslufé í svona andskotans dellu. BB í kröppum og vafasömum dansi med almannafé, svo ekki sé meira sagt.

Gódar stundir, med kvedju ad sunnan. 

[Kristbjörn Árnason, 16.1.2016 kl. 13:42]

Þótt þjóðin tapi á þessu brölti Bjarna sem ekki nýtur stuðnings þjóðarinnar. Er líklegt að kaupsýslumenn hagnist, rétt eins og þeir munu hagnast á ýmiskonar niðufellingum á tollum og vörugjöldum 

[Elín Sigurðardóttir (IP-tala skráð) 18.1.2016 kl. 11:36]

Auðvitað væri hræðilegt ef kaupsýslumenn högnuðust á þessu brölti hans Bjarna. Þá er nú göfugra að styðja Nató og ESB og standa vörð um hin vestrænu gildi.  Þau hjá Nató eru vel með á nótunum, leggja ríka áherslu á kynjasjónamið í öllu sínu starfi og voru nýlega að samþykkja nýjar reglur um kynbundið ofbeldi.  Nú stendur til að varpa sprengjum jafnt á bæði kynin.  Konur munu án efa græða heilmikið á þessum kynjaáherslum og erum við þá ekki að einblína á krónur og aura.

http://kjarninn.is/folk/2016-01-17-eini-islendingurinn-hja-nato-vinnur-ad-betri-heimi-fyrir-konur-i-stridi/