Viljum við stöðugt lýðræði eða bara þegar það hentar?

Ég er nokkuð sannfærður um að við eigum ekkert val hvað varðar Icesave- ógeðið og synjun forsetans og síðan synjun þjóðarinnar í þjóðaratkvæðagreiðslu muni valda þjóðinni meiri skaða til lengri tíma en samþykkt.

En fleira hangir á spýtunni, fjöldi undirskrifta á áskorun á forsetann um að synja lögunum samþykkt er orðin þvílíkur að ekki verður með nokkru móti fram hjá því litið.

Ég er einlægur lýðræðissinni og sem slíkur tel ég að ekki sé hægt til skiptis að krefjast lýðræðis og hundsa það eftir hentugleikum.

Annaðhvort höfum við lýðræði og virðum það, eða ekki.

Þetta er því orðið meiri spurning um lýðræðið sem slíkt, en Icesave. Þótt hart sé hefur forsetinn því ekkert val að mínu mati, hann verður lýðræðisins vegna að hafna lögunum undirskrift sinni.

Þjóðin á síðan völina og kvölina.

 

Fundi lokið á Bessastöðum

Athugasemdir

[hilmar jónsson, 2.1.2010 kl. 13:04]

Já nú bíður maður eftir því að sjá af hvaða kaliberi Ólafur Ragnar í raun er.

[Axel Jóhann Hallgrímsson, 2.1.2010 kl. 13:29]

Ef þetta fer á versta veg verðum við einfaldlega að una því, standa í lappirnar og taka herkostnaðinum. En hverjum ætlar íhaldið og náhirðin þá um að kenna?

[Ari Kolbeinsson, 2.1.2010 kl. 13:58]

Ekki vitlausasta analýsa sem ég hef séð. Mér sýnist IceSave akkúrat vera alveg ferlegt mál fyrir þjóðaratkvæðagreiðslu þar sem það er of flókið, ég er ekki viðskiptafræðingur og skil þ.a.l. bara ágripið.

Ég held samt að það verði að synja þessum lögum. Þetta gengur ekki up svona. Fyrir utan hvað er almenn andstaða. Það er allt búið að vera rétt undir suðupunkti í rúmt ár. Fyrir ári síðan voru sumir reiðir, og það dugði til að setja ríkisstjórnina frá, auk þess sem lögregla var að niðurlútum komin. Hluti lögreglumanna var farinn að velta alvarlega fyrir sér hvorum meginn línunnar þeir ætluðu að vera.

Nú er reiðin búin að grassera í heilt ár. Nú eru næstum allir reiðir. Mín skoðun er sú að staðfesti forsetinn lögin sé alvarleg hætta á verri mótmælum en 2008. Hann hefur ekkert val núna.

Það þarf líka að muna að undirskriftirnar eru fengnar af netinu. Amma mín er ekki búin að skrifa undir, né aðrir sem ekki eru kunnugir netnotkun. Undirskriftalistinn er bara sýnishorn af þeim sem nenna að sækjast eftir því að koma skoðun sinni á framfæri. Það eru sennilega mun fleiri sem vilja að lögunum verði hafnað.

[Tollinn, 2.1.2010 kl. 14:29]

Ég er sammála,"Annaðhvort höfum við lýðræði og virðum það, eða ekki".Forseti á ekki að efast um að þjóðkjörnir þingmenn séu hæfir,þá er hann að gera lítið úr þeim sem kusu þá.

[Axel Jóhann Hallgrímsson, 2.1.2010 kl. 14:44]

Ari þetta er nokkuð góð úttekt þjá þér og heggur örugglega nokkuð nærri staðreyndum.

En ég verð að benda þér á undarlegt mál, á sama tíma og Guðlaugurt Þór Þórðarsson óskapaðist á Alþingi og sagði að ekki væru nægjanlegar upplýsingar komnar fram á Alþingi til að það gæti tekið afstöðu, sagði hann að almenningur hefði úr fjölmiðlum fengið nægjanlegar upplýsingar til að ákvarða um málið. Er þetta ekki hámark lýðsskrumarans?

[Axel Jóhann Hallgrímsson, 2.1.2010 kl. 14:50]

Tollinn, mér sýnist málið komið í þann farveg að lausnin sé aðeins ein hvort sem mönnum líkar betur eða verr.

Forsetinn verður þá forseti allra landsmanna ef marka má blogg helstu andstæðinga hans, sem nú mæra hann hver í kapp við annan.

Eitt er víst að ég mun ekki erfa það við forsetann þótt hann hafni lögunum.

[Heimir L Fjeldsted, 2.1.2010 kl. 15:08]

Ég er sammála pistilshöfundi: "Annaðhvort höfum við lýðræði og virðum það, eða ekki."

[Axel Jóhann Hallgrímsson, 2.1.2010 kl. 15:10]

Takk fyrir samstöðuna Heimir.

[Jón Snæbjörnsson, 2.1.2010 kl. 17:35]

"Annaðhvort höfum við lýðræði og virðum það, eða ekki."

[jóhann páll (IP-tala skráð) 2.1.2010 kl. 21:34]

engar áhyggjur vinur "INGJALDSF'IFLIÐ" er enn bundið við stein og skrifar undir fyrir norrænu helferðaróstjórnina vertu viss!hann gerir það auminginn að tarna

[Axel Jóhann Hallgrímsson, 3.1.2010 kl. 12:50]

Ég hef engar áhyggjur Jóhann eftir að vitleysan var loksins tekin úr umferð og flutt upp í Hádegismóa.