Femínfasisminn nær nýjum hæðum

Femínistafasistum eru greinilega engin takmörk sett í þeirri ætlan að þvinga fram, með góðu eða illu, þeirri ætlan sinni að bæði kynin verði á endanum eins.

Femínfasistar í Svíþjóð og víðar í Evrópu telja að nauðsynlegur  áfangi á þeirri vegferð sé að banna karlmönnum að pissa standandi.

Banni við standandi pissi þýðir auðvitað að pissuskálar hverfa og klósetin ein verða í boði. Hvernig sem boðum og bönnum verður hrúgað yfir samfélagið verða alltaf til sóðar, bæði menn og konur. Sóðar sem hafa ekki lært að lyfta setunni áður en þeir míga munu ekki frekar geta lært að pissa sitjandi og munu því halda áfram að míga út seturnar hvað sem öllum femínfasisma líður.

Útmigin seta þýðir bara eitt, að enginn sest á klósetið þann daginn, eða snertir á henni  til að lyfta henni, allra síst öfgafullar femínistapjattrófur. Þeir munu því jafnt og aðrir pissa standandi og á setuna þann daginn. Þessi fasismi mun því ekki draga úr sóðaskap, heldur þvert á móti auka hann til muna.

Þá verða  eftirlitsmyndavélar á salernum væntanlega næsta innlegg femínista til að ná fullri stjórn á þvaglátum manna.

 

Banna körlum að pissa standandi

Ákall um kraftaverk

Gylfi Arnbjörnsson forseti  ASÍ krefst þess að ríkisstjórnin vinni hans vinnu og ljúki því fyrir helgi.

Þar kemur vel á vondan, því vart má á milli sjá hvor er aumari og verkminni fyrir alþýðu landsins, ríkisstjórn Simma silfurskeiðar eða Gylfi og saumaklúbburinn sem hann veitir forstöðu.

Vill fá skýr viðbrögð ríkisstjórnarinnar fyrir vikulok

Sigurstranglegur ósigur

 

Strax að loknu prófkjöri Sjalla í Reykjavík fóru að hrúgast upp vonbrigðayfirlýsingar frambjóðanda þó  þeir reyni hvað þeir geta að brosa í gegnum tárin: „Ekki dómur yfir sitjandi borgarfulltrúum“ , „Þetta er sigurstranglegur listi“ , o.s.f.v., segja þeir.

Er það ekki dómur yfir sitjandi borgarfulltrúum , Júlíusi sem vildi fyrsta sætið en fékk ekki, Kjartani sem vildi annað sætið, en fékk ekki, Þorbjörgu Helgu og öllum hinum konunum sem vildu ofar en þær fengu og var þannig hafnað af flokksmönnum fyrir utanbæjarmann?

Borgarfulltrúunum var hafnað fyrir mann sem býr ekki einu sinni í Reykjavík, mann sem fór á svig við lög til að koma sér á kjörskrá  og hefur aldrei unnið handtak fyrir borgarbúa. Ef það er ekki dómur yfir sitjandi borgarfulltrúum og það harður, skil ég ekki hugtakið.

 

Kjartan Magnússon segir listann vera sigurstranglegan. En af hverju ætli Kjartan hafi boðið sig fram í annað sætið ef honum finnst það sigurstranglegra að hann sé neðar á listanum?

 

Það er trúlegt að töluverður hávaði eigi eftir að verða í röðum sjálfstæðiskvenna vegna útkomu þeirra  í prófkjörinu og eru þær raddir þegar farnar að hljóma. Lætin kunna jafnvel að verða til þess að úrslitum prófkjörsins verði „hagrætt“ og Júlíusi eða Kjartani  verði fórnað niður listann fyrir konu. Það væri auðvitað það versta sem þeir gætu gert, það á aldrei að hagræða eða breyta vilja kjósenda. Þegar er farið að leggja drög að slíkri hagræðingu.

 

Til hvers eru kosningar ef niðurstaða þeirra er ekki virt?

Telur ólíklegt að listanum verði breytt

Íslenskur meðaltalsreikningur bjargar KSÍ

Ekki þarf að fjölyrða um það fjaðrafok sem varð þegar KSÍ skeit í bólið sitt og seldi  miðana á landsleikinn við Króatíu í skjóli nætur.  

Í dag voru um 300 ónotaðir Króatíumiðar seldir og hófst salan kl. 14.00 og lauk sennilega á sama tíma.

 Forsvarsmenn KSÍ hafa með tímasetningunni bjargað andlitinu, nú geta þeir með nokkru sanni sagt að miðasalan á leikinn hafi hafist að meðaltali kl. 09.00.

 

 

 

 

 

 

300 aukamiðar í sölu kl. 14

Vekur dugleg rassskelling þjóðina af draumi fáránleikans?

Þá er hann loks runninn upp fótboltadagurinn mikli sem allir hafa beðið eftir. Þeir sem hafa fótbolta í höfuðsstað, hugsa og tala ekki um annað en fótbolta, eru auðvitað löngu orðnir vindlausir af óþreyju.

En meirihluti þjóðarinnar hefur beðið dagsins, ekki vegna ástar á fótbolta heldur af þeirri augljósu ástæðu að þá myndi umræðunni, öllu  umrótinu og fáránleikanum  um þennan hégóma vonandi linna. Þá gætu fjölmiðlar aftur snúið sér að málefnum sem máli skipta fyrir þessa þjóð.  

Ekki ætla ég að ganga svo langt að vonast eftir tapi í kvöld, en óneitanlega yrði sú útkoma betri til að losna við fjölmiðlafár framtíðar.  Umfjöllunin um þennan leik sýnir að íslendingar og fjölmiðlar sér í lagi hafa ekki þroska til að höndla sæti á HM. Fram að HM yrði um fátt annað fjallað en heimsmeistaratitilinn, sem væri í höfn, aðeins þyrfti að skreppa til Brasilíu til að sækja hann, svona formsins vegna.

 Þessi þjóð hefur annað og þarfara að gera, hún á eftir að hysja upp um sig buxurnar, eftir „hið svokallaða hrun“, það verður ekki gert með dagdraumum um sigurför til Brasilíu.

 

 

Fertugasti landsleikur fyrirliðans

Ég hafði rangt fyrir mér

Ég hélt að Hringekjan, „skemmtiþátturinn“  með biskupssyninum, sem sýndur var á RUV 2010-2011, myndi  aldrei verða toppaður sem leiðinlegasta  sjónvarpsefnið sem frameitt hefur verið á Íslandi.

Ég verð að viðurkenna að ég hafði rangt fyrir mér. Hringekjan var nánast áhugavert sjónvarpsefni í samanburði við spurningaþáttinn „Vertu viss“ sem fór í loftið á RUV í kvöld.

„Vertu viss er spennuþrunginn skemmtiþáttur þar sem bókstaflega allt getur gerst“, segir í kynningu á RUV.  En það gerist nákvæmlega ekkert, spennan er minni en engin, flatneskjan er alger. Það örlar ekki á skemmtun eða spennu sem er frumskilyrði fyrir áhorfi á þátt sem þennan. Svei mér ef það leynist ekki meira líf í tilkynningalestri á rás 1, en þessu andvana fyrirbæri.

Raunar er erfitt að sjá út á hvað þátturinn gengur og hvaða erindi hann á við áhorfendur. Þátturinn er fullkomin sóun á og peningum og besta tíma sjónvarpsins. Það er annars leiðinlegt að sjá þann stórgóða sjónvarpsmann Þórhall  Gunnarsson verða slíku floppi að bráð.

Vonandi verður þátturinn slegin af sem fyrst.

Hvarflar það að einhverjum að Mossad stundi myrkraverk?

Auðvitað hvarflar það ekki að nokkrum manni að Ísrael hafi haft eitthvað með morðið á Arafat að gera.  Allar hugrenningar um slíkt, hvað þá að hugsa það upphátt, er gyðingahatur og ekkert annað.

Sumir þreytast aldrei á að upplýsa okkur að öll gagnrýni og efasemdir um stefnu Ísraelstjórnar gagnvart Palestínu, hvaða nafni sem hún nefnist, sé gyðingahatur af verstu sort, það hljóti allir að sjá!

 

Ísrael ekki á bak við dauða Arafats

Hvaða endemis slappleiki er þetta...,

....af hverju bjóða íslensk stjórnvöld Kasparov ekki íslenskan ríkisborgararétt?

Aðeins þarf að skrá karlinn í landsliðið eða bóka hann til heimilis hjá einhverjum ráðherranum til að ekki þurfi að fara að lögum um ríkisborgaraumsóknir. Eins og dæmin sanna.

Garrí  gæti þá borðað hádegismatinn sinn á morgun sem íslenskur ríkisborgari.

Kasparov vill verða Letti

"....feitar konur á færibandi"

 

Hvaðan og hvert flytur umrætt færiband téðar konur?

 

 

Móðgar feitar konur á færibandi

Draumi íhaldsins, martröð kjósenda, hafnað

Samkvæmt þessari skoðanakönnun tekur Björt framtíð við keflinu af Besta flokknum sem kjölfestuflokkur í Reykjavík. Íhaldið tapar aftur á móti fylgi, öfugt við vonir þess eftir hrekkjavökuútspil borgarstjórans.

Það er verulega illa komið fyrir íhaldinu þegar það viðurkennir beinlínis að helsta von þess í borginni, sé  að aðrir bjóði ekki fram. Því er hætt  við að þessi tíðindi dragi verulega úr fagnaðarlátum íhaldsbloggara, sem hafa ekki vatni haldið eftir að ákvörðun Jóns Gnarr varð opinber. Íhaldsbloggin hafa nánast verið að springa af  monti og fögnuði  yfir þeirri undarlegu rökvillu að við brotthvarf Besta flokksins myndi „flokkurinn eini og sanni“, eftir langa mæðu,  aftur ná meirihluta í borginni.

Borgarbúar hafna alfarið þeirri martröð.

Björt framtíð fengi sex í borginni