„Ég verð að segja það.“

Að Steingrími Hermannssyni látnum er genginn einn merkasti stjórnmálamaður síðustu aldar. Um það verður vart deilt, þótt skoðanir hafi oft verið skiptar um manninn og verk hans eins og gengur.

Steingrímur var einkar laginn að sameina ólík sjónarmið og var öðrum forsætisráðherrum færari að stýra samstarfi ósamstæðra flokka.

Steingrímur var forsætisráðherra í ríkisstjórn Alþýðuflokks, Framsóknarflokks og Alþýðubandalags og seinna með þátttöku Borgaraflokks 1988 til 1991.

Þeirri ríkisstjórn tókst að kveða niður verðbólgudrauginn sem hafið tröllriðið þjóðfélaginu. Það er alveg á tæru þótt eftirmanni hans á forsætisráðherrastóli hafi, óverðskuldað, orðið vel ágengt að eigna sér þann heiður.

Ég sendi fölskyldu Steingríms mínar innilegustu samúðarkveðjur.

Steingrímur Hermannsson látinn

Athugasemdir

[Finnur Bárðarson, 1.2.2010 kl. 17:24]

Ég er farinn að sakna manna eins og Steingríms

[Ingibjörg Axelma Axelsdóttir, 1.2.2010 kl. 22:31]

Hann verður í það minnsta áhyggjulaus, úr þessu.

[Gudrún Hauksdótttir, 2.2.2010 kl. 10:32]

Tek undir med Finni.Madur saknar svona serkra karaktera.Takk fyrir gódann pistil um Steingrím Hermannsson.

Blessud sé minning hans.

Kvedja.

[Sigurbjörg Eiríksdóttir, 2.2.2010 kl. 10:39]

Tek undir með þér. Flottur karl hann Steingrímur.

Kveðja.

Silla.