Yrði bruni og manntjón hvort væru sekari rekstraraðilarnir eða yfirvöld sem gáfu þeim frest til úrbóta á frest ofan?

Það er grafalvarlegt þegar rekstraraðilar skemmtistaða hundsa tilmæli um úrbætur á brunavörnum. En öllu alvarlega er að yfirvöld og eftirlitsaðilar gefi slíkum stöðum frest á frest ofan til úrbóta.  Ef húsnæði uppfyllir ekki þær kröfur sem gerðar eru á skoðunardaginn, breytir frestur þar engu, einn og sér.

Ef í ljós kæmi við skoðun að búnaður flugvélar  væri  með svipaða vankanta og vélin vanbúin til flugs, kæmi þá til greina að veita rekstraraðilum hennar frest til úrbóta og vélin fengi að fljúga á meðan með farþega?  Nei auðvitað kæmi slíkt aldrei til greina.

En ekkert mál virðist vera að hleypa tvöföldum eða þreföldum þeim fjölda sem flugvélin tekur inn í dauðagildrur á jörðu niðri. Það getur varla kviknað í, það er jú í gildi frestur!

Hvernig virkar frestur á úrbótum sem brunavörn?

 

Alvarleg brot á brunavörnum

Athugasemdir

[Jón Ingi (IP-tala skráð) 25.2.2010 kl. 21:37]

Eru þá sjómenn minna virði en fólk sem er að skemmta sér...
Útgerðirnar fá ENDALAUSAR undanþágur þegar þörf er á viðgerðum á skipunum.

[Axel Jóhann Hallgrímsson, 25.2.2010 kl. 21:56]

Ég þekki ekki til þess að undanþágur hafi verið veittar sem varða beint öryggi skips og áhafna Jón Ingi. Þekkir þú dæmi þess?

[Jón Ingi (IP-tala skráð) 25.2.2010 kl. 22:27]

Ojá.  Mýmörg dæmi um tildæmis togdekk sem hélt ekki vatni, vafasamar beyglur í byrðing ofl.
Vinn við skipaviðgerðir...  En sem betur fer sér maður minna af þessu nú til dags (en gæti aukist aftur útaf ástandinu)

[Axel Jóhann Hallgrímsson, 25.2.2010 kl. 22:38]

Eftir því sem ég best veit fást ekki undanþágur á beyglur nema yfir þær sé soðin "bót". En ekki ætla ég að verja svona vinnubrögð. Það er djöfullegt ef mönnum líðst að stytta sér leið í öryggismálum.

[Jón Ingi (IP-tala skráð) 25.2.2010 kl. 22:41]

Víst veit ég það hvað má og hvað má ekki.   En þetta viðgengst, og mikið meir en menn gera sér grein fyrir

[Jón Ingi (IP-tala skráð) 25.2.2010 kl. 22:43]

Og já.  Það má ekki sjóða yfir beyglur neinar bætur...  Það skal gera fullnaðaviðgerðir á byrðing skipa.  Semsagt plötuskipti á þeim stöðum sem skemmdir verða