Ekki á okkar líftíma.

Sé mið tekið af þeim svartnættis og forneskju hugsunarhætti sem ríkt hefur innan kaþólskukirkjunnar um aldir, er hvert örstutt skref út úr myrkrinu í sjálfu sér risastökk fyrir kirkjuna. En betur má ef duga skal.

Það kemur aldrei ásættanleg og trúverðug niðurstaða út úr rannsókn sem kirkjan gerir á sjálfri sér og gildir þá einu hverju sú rannsókn skilar.

Í þessu máli kemur aðeins afhjúpun sannleikans að gagni, skvettur  af vígðu vatni og haugar af Maríubænum gera ekki annað en auka á tortryggnina.

Miðað við þann hraða sem verið hefur á framþróun og breytingum innan kaþólskukirkjunnar þá verður það, sem Benedikt  páfi 16. kallar skjót viðbrögð, sennilega ekki á okkar líftíma.

 

Neyðarlína fyrir fórnarlömb kaþólskra presta

Athugasemdir

[DoctorE (IP-tala skráð) 30.3.2010 kl. 09:23]

Best af öllu er að loka þessu batteríi; Þetta hefur verið plága á mannkyni allt frá því að svikamyllan var sett á fót

[Axel Jóhann Hallgrímsson, 30.3.2010 kl. 09:26]

Það væri mér að meinalausu.

[Arnar M (IP-tala skráð) 30.3.2010 kl. 12:00]

Myndi kindurnar hætta að gefa peninga til Vaticanið ef prestarnir hefðu misnotað stelpur?

[Hamarinn, 30.3.2010 kl. 12:21]

Hver segir að þeir hafi ekki misnotað stelpur?

En að yfirmaður rannsóknarinnar komi úr röðum biskupa, er fáránlegt. Þessi fornaldarstofnun gerir allt til að þagga málin niður.Hver getur hugsað sér að vera tengdur svona stofnun sem  þolir ekki sannleikann.

[Ingibjörg Axelma Axelsdóttir, 30.3.2010 kl. 14:16]

Er þetta ekki bara önnur leið fyrir þá til þess að þagga þetta niður?

Fórnarlamb hringir inn, þeir skella á. Vandamál leyst!

[Axel Jóhann Hallgrímsson, 30.3.2010 kl. 14:48]

Nei Inga þeir svara og segja "MIÐSTÖÐ!------- Já augnablik ég skal gefa þér samband"  Svo er tengt upp á efri hæðina, en þar hefur tólið aldrei verið tekið upp og verður aldrei.

[Arnar, 30.3.2010 kl. 14:57]

Ekki vanmeta þá, þeir geta nú hreyft sig ansi hratt til að verja völd sín og auð.