Blekkingar og sýndarmennska

Þetta er gersamlega haldlaust samkomulag eitt og sér, hér þarf meira til ef gagn skal gera.

Flokkarnir geta haldið sig fullkomlega við þetta samkomulag þótt heildar auglýsinga magn fyrir flokkana fari langt fram úr þessu samkomulagi.

Hver sem er getur kostað auglýsingar fyrir sinn flokk. Þó auglýsingin komi fyrir augu og eyru kjósenda fer kostnaðurinn aldrei inn í bókhald flokkana og þá ekki fyrir augu Creditinfo, sem á að blessa gjörninginn.

Með auglýsingakostun geta einstaklingar styrkt sinn flokk langt umfram það þak sem sett er á styrki til flokkana og styrkirnir verða hvergi færðir til bókar.

Þetta er flokkunum fullljóst og samkomulagið því eingöngu gert til að slá ryki í augu almennings og skapa flokkunum falska siðferðisímynd.

 

Ætla að takmarka auglýsingakostnað

Athugasemdir

[Heimir Lárusson Fjeldsted, 28.4.2010 kl. 15:20]

Hafa fleiri en Samfylking notað þetta bragð, Axel?

[Axel Jóhann Hallgrímsson, 28.4.2010 kl. 17:30]

Ég hef ekki getað séð einhvern einn flokk dyggðugri en annan í þessu styrkjamálum Heimir. Ég hef í það minnsta ekki læðst með veggjum og ekki þóst sjá misbrestina hjá einum umfram annan.

En úr því spurt er,  þá er þetta fyrirkomulag stundað vestur í henni Ameríku og ekki þarf ég að segja þér Heimir,  hvaða flokkur Íslenskur er líklegastur til að taka upp það sem þar er tíðkað.

[Heimir Lárusson Fjeldsted, 28.4.2010 kl. 17:38]

Ekki veit ég hvort minn flokkur hefur notað þetta bragð, en ég veit að Samfylking og Vg hafa gert það.

Þegar að atkvæðakaupum kemur virðist sem öll meðul séu notuð og er þá enginn flokkur undanskilinn.

Guðlaugur Þór á að líkindum eftir að súpaseyðið af sínum gjörðum.

[Axel Jóhann Hallgrímsson, 28.4.2010 kl. 18:12]

Ég ólíkt þér Heimir þekki ekki þannig til í neinum flokki að ég geti fullyrt um neitt. En það sem komið hefur fram fyllir mann ekki bjartsýni og ég hef engar forsendur til að taka einhvern flokkinn út fyrir sviga.

[Ingibjörg Axelma Axelsdóttir, 28.4.2010 kl. 18:14]

Án þess að hafa beinar sannanir fyrir því, ætla ég samt að leyfa mér að alhæfa og fullyrða, að ekki einn einasti flokkur hefur hendur sínar hreinar, hvað þetta mál varðar.

Ekki einn einasti!