Heggur sá er vægja skyldi.

BM Vallá hf.  er fallið í valin og eru örlög fyrirtækisins vissulega sorgleg.

En frekar lágkúrulegt þykir mér að stjórn fyrirtækisins skuli kenna núverandi stjórnvöldum um, hvernig fór.

Ekki voru það  núverandi stjórnvöld sem skuldsettu fyrirtækið upp í rjáfur í rúllettuleik græðginnar í miðju góðærinu.

Allir töldu að fyrirtækið væri stöndugt og vel rekið af hæfum mönnum, en svo bregðast víst krosstré sem önnur.

 

BM Vallá óskar eftir gjaldþrotaskiptum

Athugasemdir

[Dengsi (IP-tala skráð) 17.5.2010 kl. 14:57]

Hvað varð um niðurfellingarnar... eru þær bara fyrir útvalda :)

[Axel Jóhann Hallgrímsson, 17.5.2010 kl. 15:00]

Góð spurning, því miður get ég ekki svarað henni, það verða bankarnir að gera.

[Heimir Lárusson Fjeldsted, 17.5.2010 kl. 15:26]

Lamandi hönd hreinnar vinstri stjórnar hefur kannski eitthvað að segja?

[Axel Jóhann Hallgrímsson, 17.5.2010 kl. 15:44]

Öllum væri óhægt um vik með vöggugjöf og arf íhaldsins á bakinu.

[Heimir Lárusson Fjeldsted, 17.5.2010 kl. 15:55]

Sókn er besta vörnin, Axel!

[Sigurjón Þ (IP-tala skráð) 17.5.2010 kl. 18:17]

Það hlýtur alltaf að teljast meira en lítið bogið við það þegar að fyrirtæki neitar að skila ársreikningum, BM Vallá er með vanskil á ársreikningum til Ársreikningaskrár síðan 1995 (Heimild: Ársreikningaskrá.is). Ekki nóg að bera við samkeppnissjónarmiðum.

[Axel Jóhann Hallgrímsson, 17.5.2010 kl. 18:54]

Ég mundi þegar þú nefndir það Sigurjón, að hafa heyrt af þessu ársreikningamáli og fyrirtækjaskrá staðfestir að BM Vallá hafi ekki skilað ársreikningum síðan 1995.

Ég hélt að þetta væri ekki hægt, allavega líðst litla Nonna þetta ekki.

[Kristín (IP-tala skráð) 17.5.2010 kl. 19:25]

Er ekki LUNDI búinn að maka krókinn , árum saman ?

Og svo komu tár krókodíls .

[Axel Jóhann Hallgrímsson, 17.5.2010 kl. 20:14]

Þetta var átakanleg stund Kristín.

[Bragi Þór Valsson (IP-tala skráð) 17.5.2010 kl. 20:28]

Sammála þér. Maður á ekki að kenna öðrum um ef maður rak fyrirtæki í 50 ár og allan tímann á einhverjum rosalegum lánum. Það er ekki að reka fyrirtæki.

[Axel Jóhann Hallgrímsson, 17.5.2010 kl. 22:12]

Það lætur nærri Bragi

[Haraldur (IP-tala skráð) 17.5.2010 kl. 22:27]

Lundi hefur aldrei kunnað að reka fyrirtæki amk ekki öðru vísi en hafa rangt við.  Get ekki sagt að ég sjái eftir þessu fyrirtæki ég vona hinsvegar að strákarinir á gólfinu fái fljótlega eitthvað að gera því ég veit að margt gott fólk hefur unnið hjá fyrirtækinu í gegnum tíðina.

[Axel Jóhann Hallgrímsson, 17.5.2010 kl. 23:33]

Fasteignir og tæki fyrirtækisins hverfa auðvitað ekki. Kannski koma starfsmenn að nýju fyrirtæki byggðu á rústunum.

Bankinn hefur greinilega metið sínum hagsmunum betur borgið með gjaldþroti en að fara afskriftaleið eigendanna sem hefur sennilegast verið hugsuð til á lágmarka þeirra skaða á kostnað annarra.

[Krímer (IP-tala skráð) 18.5.2010 kl. 01:23]

Vígur sá er Lundi heitir

[Stebbi (IP-tala skráð) 18.5.2010 kl. 03:07]

Þetta eru nú meiri snillingarnir sem hér rita visku sína, besta við það er þó að þetta geymist allt á www.mbl.is hjá Davíði Oddssyni vini ykkar.

Ég er viss um að ef farið er yfir ykkar ævistarf, sem eflaust er ekki merkilegt, að þá meigi finna margar misfellurnar. Reynir að sýna samstöðu á sökkvandi skipi í stað þess að rægja skipstjórana, þannig drukknar maður bara.

[Axel Jóhann Hallgrímsson, 18.5.2010 kl. 10:19]

Stebbi, ég sé ekki að neitt, sem skrifað er hér að ofan, sé ærumeiðandi eða innistæðulausar aðdróttanir. Þetta eru aðeins vangaveltur fólks sem hefur áhyggjur af ástandinu og ástæðum þess.

Ekki er sá sem þetta skrifar syndlaus og veit af því, en ég þekki menn sem telja sig vera það þó þeir ættu að vita betur. Ekki veit ég hvort þú fyllir þann hóp þar sem þú kýst nafnleysi.

Þér finnst auðvitað að þjóðin eigi að sýna samstöðu og standa keik við bakið á bankadónunum, spilltum stjórnmálamönnum og öðrum sem að skaðanum unnu, í stað þess að gagnrýna og krefjast réttlætis, svo bátnum verði ekki ruggað.

Hvort skrif mín verði geymd í Hádegismóum til nota síðar í þágu lands og þjóðar þegar húsbændum þar hentar, læt ég mér í léttu rúmi liggja.

En ef það gæti glatt þig þá veit ég fyrir víst að ekki eru allir álitsgjafarnir hér að ofan kommar.