Nefnd umbóta eða yfirklórs- og undanskota?

Uppsetning erindisbréfs „umbótanefndarinnar“ og ákvörðun hennar mun enga fyrir hitta aðra en Samfylkinguna.

Samfylkingin hefur með þessu dæmalausa útspili leyst úr vanda fjölmargra kjósenda sem hafa velt því fyrir sér hvort atkvæði þeirra væri eyðandi á Samfylkinguna í kosningunum á laugardaginn.

Kratar í Hafnafirði dansa örugglega af kæti því þeir geta gleymt þeim möguleika að halda meirihlutanum og halda bæjarstjóranum inni, Dagur er að kveldi kominn í Reykjavík og hann verður fjær borgarstjórastólnum en nokkurn tíma áður.

Þetta er tær snilld, Samfylkingin ætlar að fórna sveitarstjórnarmönnum flokksins um allt land fyrir einn spilltan Alþingismann.

  

Skoða ekki styrki Steinunnar

Athugasemdir

[hilmar jónsson, 27.5.2010 kl. 12:38]

Hvernig getur einn stjórnmálaflokkur verið haldinn svona mikilli sjálfseyðingarhvöt, Axel ?

[Axel Jóhann Hallgrímsson, 27.5.2010 kl. 12:43]

Þetta er óskiljanlegt Hilmar, menn eru algerlega úti að aka.

[Sigurbjörg Eiríksdóttir, 27.5.2010 kl. 12:53]

Nú fór hinn ágæti fyrrverandi félagsmálaráðherra alveg með þetta. Hefur ekki kynnt sér! Hrikalegt klúður Samfylkingarinnar, viljandi eða óviljandi.

[Jón Snæbjörnsson, 27.5.2010 kl. 12:56]

það er þetta sem ég hef sagt - hvar er allt "gott" og "heiðarlegt" fólk ?

[Axel Jóhann Hallgrímsson, 27.5.2010 kl. 12:58]

Silla, ég hef aldrei vitað nokkurn flokk gera  svo hraustlega í buxurnar 2 dögum fyrir kosningar.

[Axel Jóhann Hallgrímsson, 27.5.2010 kl. 13:02]

Jón, það örlar ekki á því að fjórflokkurinn sé að vakna til vitundar um vilja kjósenda. 

Eina sem þeim hefur dottið í hug til mótvægis við Besta flokkinn í Reykjavík er að koma af stað spillingarsögum um Bf í stað þess að bæta sjálfa sig.

[Sigurbjörg Eiríksdóttir, 27.5.2010 kl. 13:06]

Ég segi það með þér Axel. Reyndar finnst mér við oft velja frekar um fólk en flokka í Sveitarstjórnarnærumhverfinu en SAMT..Ekki síst er þetta sláandi vegna þess að þessi flokkur hefur mest flokka talað um gegnsæi..Ég trúði því einu sinni að það væri í alvöru..

[Sigurður Haraldsson, 27.5.2010 kl. 13:14]

Nei fjórflokkurinn með samspillinguna þar á meðal geta ekki skammast sín og því grefur hann sýna eigin gröf!

[Axel Jóhann Hallgrímsson, 27.5.2010 kl. 14:03]

Silla, margir hallast að óhlutbundnum kosningum og þá helst í litlum sveitarfélögum. Þannig kjör er í eðli sínu lýðræðislegasta leiðin, en ekki endilega sú besta. Þannig getur myndast ósamstæður hópur með ólíka sýn á verkefnin og lausnir.

Besta leiðin að mínu mati eru listakosningar, þar sem kjósendur velja sjálir röð manna.

[Axel Jóhann Hallgrímsson, 27.5.2010 kl. 14:50]

Sigurður, ég sé ekki hvað fjórflokkinn varðar að hægt sé að taka einn út fyrir sviga og segja hann verri en hina.

[Sigurður Haraldsson, 27.5.2010 kl. 15:43]

Axel það er málið þeir gleymdu lýðræðinu eftir að þeir voru kosnir flokksræðið tók yfir og spilling einkavinavæðing og valdagræðgi er og var í algleymingi því miður því verðum við að fá breytta stjórnskipan ef við eigum að eyja von um að komast uppúr kreppunni því það erum við sem þurfum að gera það ekki spillingarflokkar!

[Axel Jóhann Hallgrímsson, 27.5.2010 kl. 15:49]

Það eru ekki flokkarnir og stefna þeirra sem er spillt, heldur fólkið.