Mulningur #42

Bandaríkjamaður var  á ferðalagi í Rússlandi og hitti Rússneskan verslunarmann. Þegar þeir höfðu spjallað saman um hríð sagði Bandaríkjamaðurinn:

„Venjulegur Bandaríkjamaður er tíu sinnum snjallari en venjulegur Rússi. Ég skal veðja við þig um það. Ef ég get ekki svarað einhverri spurningu þinni skal ég gefa þér 100 dollara. Ef þú getur ekki svarað einhverri spurningu minni þarftu ekki að borga mér nema 50 dollara. Og þar sem það er ég, sem skora á þig í þetta veðmál, mátt þú bera fram fyrstu spurninguna.“

Rússinn hugsaði sig aðeins um og spurði svo:„Hvað er það sem hefur sex vængi, fjögur augu, flýgur á 500 km hraða, blakar vængjunum 50 sinnum á sekúndu og blístrar á meðan það kúkar, vakir allan sólarhringinn og syngur rokksöngva klukkan tvö á nóttunni?“

„Þetta veit ég bara ekki“ sagði Kaninn eftir langa umhugsun. „Hér hefurðu 100 dollara. Hvað er þetta eiginlega?“

 „Það hef ég ekki hugmynd um heldur“, sagði Rússinn. „Hér hefurðu 50 dollara.“


« Síðasta færsla | Næsta færsla »

Athugasemdir

1 Smámynd: Björn Birgisson

Góður að vanda!

Björn Birgisson, 24.7.2010 kl. 21:43

2 Smámynd: Guðmundur Júlíusson

Djúpt hjá þér !

Guðmundur Júlíusson, 24.7.2010 kl. 21:47

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband