Tekjutengjum sektir.

Það þarf að taka það til alvarlegrar athugunar að tekjutengja sektir hér á landi og skilyrðislaust að lögleiða heimild til að gera bifreiðar upptækar við alvarleg og ítrekuð brot.

 

Á 290 km hraða

Athugasemdir

[Ingibjörg Axelma Axelsdóttir, 9.8.2010 kl. 19:52]

100% sammála.

[Davíð Oddsson, 9.8.2010 kl. 21:27]

Nei takk, ég hef ekki efni á því að borga hærri sektir :þ

[Axel Jóhann Hallgrímsson, 9.8.2010 kl. 21:41]

Ef þú hefur ekki efni á því, þá hækka þær ekki á þér ef þær eru tekjutengdar Davíð.

[Davíð Oddsson, 9.8.2010 kl. 21:44]

Maður tekur nú bara svona til orða :) Auðvitað hefur maður efni á að borga hærri sektir, en maður vill það bara ekki.

Eins og maðurinn sagði: Það er svo dýrt að lifa á Íslandi að maður hefur ekki efni á því að borða líka.

[Samúel Úlfur Þór, 9.8.2010 kl. 21:54]

Það er nú þegar heimild til að gera ökutæki upptæk. En hitt mætti skoða verulega.

kkv, Samúel.

[Axel Jóhann Hallgrímsson, 9.8.2010 kl. 22:07]

Í hvaða tilfellum þá og hefur það verið gert?

[Davíð Oddsson, 9.8.2010 kl. 22:20]

Svona hljómar lagatextinn (af althingi.is):

-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-
107. gr. a. Þegar um stórfelldan eða ítrekaðan ölvunarakstur er að ræða, sem ekki fellur undir 2. mgr. þessarar greinar, stórfelldan eða ítrekaðan akstur manns sem sviptur hefur verið ökurétti eða manns sem ekki hefur öðlast ökuréttindi, stórfelldan eða ítrekaðan hraðakstur eða akstur sem telst sérlega vítaverður að öðru leyti má gera upptækt vélknúið ökutæki sem ökuskírteini þarf til að stjórna og notað er við brotið nema það sé eign manns sem ekkert er við brotið riðinn. Við sömu aðstæður og með sömu skilyrðum má gera upptækt vélknúið ökutæki sem ökuskírteini þarf til að stjórna og er eign þess sem hefur framið brotið, enda þótt ökutækið hafi ekki verið notað þegar brotið var framið.

Gera skal ökutæki upptækt þegar eigandi þess hefur verið dæmdur sekur eða gengist undir refsingu vegna aksturs undir áhrifum fíkniefna eða undir áhrifum áfengis sem hefur í för með sér sviptingu ökuréttar og vínandamagn í blóði er 1,20‰ eða meira eða vínandamagn í lítra lofts sem hann andar frá sér nemur 0,60 milligrömmum eða meira, og viðkomandi hefur tvisvar síðustu þrjú árin fyrir brotið verið dæmdur sekur eða gengist undir refsingu fyrir akstur undir áhrifum fíkniefna eða áfengis þar sem vínandamagn í blóði hefur mælst 1,20‰ eða meira eða vínandamagn í lítra lofts sem hann andar frá sér hefur numið 0,60 milligrömmum eða meira og sem hefur haft í för með sér sviptingu ökuréttar. Gera skal ökutæki upptækt enda þótt það hafi ekki verið notað þegar brotið var framið.

Víkja má frá ákvæði 2. mgr. í undantekningartilvikum þegar sérstakar ástæður mæla með því.

Ökutæki sem gert er upptækt skal vera eign ríkissjóðs. Hafi einhver beðið tjón við brotið skal hann þó eiga forgang til andvirðisins ef bætur fást ekki á annan hátt.
-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-

Mig minnir að ég hafi séð það í fréttum mbl.is að þessu ákvæði hafi verið beitt í einhverjum tilfellum. Get samt ekki bent á nein ákveðin dæmi.

[Samúel Úlfur Þór, 9.8.2010 kl. 22:26]

Sjá: http://www.samgongur.is/?PageID=239&NewsID=5197

og: http://www.us.is/id/4880

[Need For Speed (IP-tala skráð) 9.8.2010 kl. 23:14]

Í hvert skipti sem lögreglan reynir að stöðva mig sting ég hana einfaldlega af. Þessir grútmáttlausu lögreglubílar eru hálfgert grín.

[Axel Jóhann Hallgrímsson, 9.8.2010 kl. 23:46]

Og þú ert fífl NFS, vonandi drepur þú þig áður en þú drepur eða örkumlar aðra.

[berserkur (IP-tala skráð) 10.8.2010 kl. 03:32]

ooog þú ert fáviti axel

[Axel Jóhann Hallgrímsson, 10.8.2010 kl. 09:11]

Já, satt er það berserkur.

[betrenþú... (IP-tala skráð) 10.8.2010 kl. 21:18]

Ég þekki þónokkra sem að hafa misst prófið og eru enn keyrandi vegna þess að þeir hafa enn bílana sína... til dæmis einn sem var tekinn um daginn á 180km/h...