Hinn Íslenski lýðveldisher í burðarliðnum

Íslensk samtök á borð við IRA virðast í burðarliðnum til að verja sjálfstæði landsins og hreinsa það af föðurlandssvikurum og hafa stofnað facebook síðu fyrir áhugasama.

Samtökin munu að sögn birta á næstunni lista yfir réttdræpa landráðamenn, Evrópusinna og önnur "meindýr" sem þarf að uppræta með öllum tiltækum ráðum.

Manni verður hugsað til þjóðkunns bloggara sem nýlega auglýsti eftir eitri til manndrápa. Margir bloggarar máttu vart vatni halda af hrifningu yfir þeim áformum og líklegt má telja að þeir sömu fylki sér um þessa nýju hreyfingu og hvetja hana til dáða.

Facebooksíða til skoðunar hjá lögreglu

Athugasemdir

[corvus corax, 26.8.2010 kl. 16:30]

Og hvað kemur þetta löggunni við á meðan ekkert afbrot á sér stað? Má löggan vera að þessu á meðan aðalpúðrið hjá henni fer í að standa vaktir í réttarsölum til að tryggja að allt fari vel fram undir eftirliti í lögregluríkinu Ísland, fyrrverandi lýðveldi?

[bulli (IP-tala skráð) 26.8.2010 kl. 16:32]

Það er eins og fyrri daginn löggan tekur ekki gríni

[Axel Jóhann Hallgrímsson, 26.8.2010 kl. 16:34]

Þú ert sem sagt að segja corvus corax, að opinber áform um morð og mannvíg komi engum við fyrr en morðin hafi verið framin, er ekki allt í lagi vinur?

[Axel Jóhann Hallgrímsson, 26.8.2010 kl. 16:36]

bulli er sannarlega sannnefni, bulli.

[Björn Birgisson, 26.8.2010 kl. 16:48]

Ef þetta er grín þá býr kolsvartur gálgahúmor að baki.

[Óskar Helgi Helgason (IP-tala skráð) 26.8.2010 kl. 16:50]

Komið þið sælir; Axel Jóhann - og gestir hans aðrir !

Axel Jóhann !

Svo mjög; er sorfið, að fjölda fólks, að þig skyldi ekkert undra, þó þessi samtök væru, í burðarliðnum, ágæti drengur.

Corvus Corax; á oftsinnis, góðar kollgátur, þegar hann lýsir ófremdar ástandinu, í landinu.

Minni þig á; hversu komið var, suður í Frakklandi, árið 1789, þegar aðdragandi Bastillu byltingarinnar, var í gerjun.

Eru þau; Jóhanna og Steingrímur - ekki nokkuð áþekk; þeim Loðvík XVI. og Marie Antoinette, í sjálfumgleði sinni, hafandi verið borin uppi hafa, af útpískuðum landslýðnum, Skagstrendingur góður ?

Og; komist upp með, að svíkja hvert loforða sinna, til betrunar kjörum fólksins, á fætur öðrum. 

Les þú betur söguna; Axel minn, áður en þú dæmir - og skoða þú, af eigin raun, aðstæður nauðstaddra samlanda þinna, áður en þú dæmir, um réttmæti knýjandi aðgerða.

Ekki; virðast þau JS og SJS vilja fara frá völdum friðsamlega, að minnsta kosti, eins og nú horfir, um stund.

Með beztu kveðjum /

Óskar Helgi

[Axel Jóhann Hallgrímsson, 26.8.2010 kl. 16:57]

Ég er bara svo takmarkaður Björn að ég get ekki með nokkru móti séð grín eða galsa í þessu sama hver liturinn er. Þetta er hrollvekjandi.

[DoctorE (IP-tala skráð) 26.8.2010 kl. 16:57]

JVJ og Loftur hljóma sennilega.. JVJ líkast til búinn að safna saman nokkrum vel völdum stríðs-setningum úr biblíunni ;)

[Danni (IP-tala skráð) 26.8.2010 kl. 17:02]

Óskar; kommur, eru, til, að, nota, þær, sparlega. Þú; hljómar, eins, og, þú, eigir, erfitt, með, að, draga, andann.

Í öðru lagi, sparaðu dramað og talaðu eins og maður.

[Axel Jóhann Hallgrímsson, 26.8.2010 kl. 17:02]

Er ekki sagan til að læra af henni  Óskar, en ekki til að apa upp það versta og svartasta. Ég man ekki betur en ástandið fyrir byltinguna í Frakklandi hafi verið sem himnarnir miðað við það helvíti sem varð, þegar byltingin byrjaði að éta börnin sín.

[Axel Jóhann Hallgrímsson, 26.8.2010 kl. 17:03]

Þessir tveir eru ekki félagar doctore, hvað sem síðar verður.

[Axel Jóhann Hallgrímsson, 26.8.2010 kl. 17:05]

Danni, Óskar hefur sérstakan og persónulegan stíl, virðulegan má segja. Hans stíll skaðar engan.

[Axel Jóhann Hallgrímsson, 26.8.2010 kl. 17:06]

Þessir tveir eru ekki félagar í þessum samtökum doctore, hvað sem síðar verður.  -Átti þetta að vera

[Vendetta, 26.8.2010 kl. 17:18]

Mig grunar sterklega að fanatískir ESB-sinnar standa að baki þessari síðu til að sverta málstað ESB-andstæðinga. Þegar fólk er farið að sjá gegnum blekkingarvef ESB-sinna, þá taka þeir til þessara örþrifaráða og halda í heimsku sinni að aðrir láti blekkjast.

Ég er fyrir alvöru að hugsa um að stofna samtökin Evrópusinnar gegn ESB. Allir ESB-andstæðingar sem eru hlynntir Evrópu geta orðið meðlimir. Skráning byrjar 1. september. 

[Axel Jóhann Hallgrímsson, 26.8.2010 kl. 17:20]

Vendetta, halló, halló, í alvöru!

[Óskar Helgi Helgason (IP-tala skráð) 26.8.2010 kl. 17:29]

Komið þið sælir; að nýju !

Axel Jóhann !

Þakka þér fyrir mig; að svara nafnleysingjanum og kjarkleysingjanum Danna, á þann verðuga hátt, sem þér var lagið.

Sá dreng stauli; er kannski einn þeirra, sem kysu, að við værum öll, steypt í sama mótið ?

Vendetta !

Enn, sem oftar, er hugmynda auðgi þín, sem hið bezta gæða krydd, í aumlega tilveru okkar, í þessarri jarðvist, ágæti drengur.

Þú mættir gjarnan; eiga þér fleirri líka.

Með; sízt lakari kveðjum, en þeim fyrri /

Óskar Helgi

[Kommentarinn, 26.8.2010 kl. 17:57]

Þetta komment Vendetta lýsir dálítið andanum í þjóðfélaginu. Nei-sinnar tengja allt sem vont er annað hvort  ESB eða ESB sinnum.. Meirað segja anti-esb áróður sem fer yfir strikið er núna esb-sinnum að kenna. Allir kenna öðrum um sama hvað málið snýst um.

Hvað næst.. Vinstri grænir að kenna xD um það að Jón Bjarnason sé eins og hann sé frá miðöldum?

Skógurinn sést jú oft illa fyrir trjánum...

[Axel Jóhann Hallgrímsson, 26.8.2010 kl. 18:01]

Það er týra í þessu, Kommentarinn.

[Axel Þór Kolbeinsson, 26.8.2010 kl. 18:08]

Síðan Pressan minntist á þennan hóp fyrst í morgun, mögulega eftir ábendingu Jóns Frímanns sem bloggaði um þennan hóp í gær hefur meðlimafjöldi hátt í tvöfalldast.  Hversvegna getur hver svarað fyrir sig.

[Axel Jóhann Hallgrímsson, 26.8.2010 kl. 18:19]

Og er skynsemin ein, skýringin á því, nafni?

[Axel Þór Kolbeinsson, 26.8.2010 kl. 18:22]

Ekki skynsemi, heldur opinber umfjöllun og athyglisþrá viðkomandi.

[Vendetta, 26.8.2010 kl. 18:26]

Með athugasemd minni, Axel var ég að benda á þá hugsanavillu ESB-sinna, að ESB sé Evrópa.

ESB er ekki sama sem Evrópa, m.a. þar eð svo mörg ríki standa utan ESB. þess vegna ættu íslenzku Evrópusamtökin að breyta nafni sínu í ESB-samtökin. Stefna embættismanna ESB-báknsins á engan veginn samleið með hugsjónum Evrópubúa að Þjóðverjum undanskildum.

[Axel Jóhann Hallgrímsson, 26.8.2010 kl. 18:59]

Vendetta, ég fæ ekki séð að það halli á í bullinu á milli aðildarsinna og andstæðinga, þegar frá er tekið að andstæðingar fara offari, vægt orðað. Ég er hlynntur umsókn og viðræðum og vonandi verður hægt að taka vitræna afstöðu að þeim loknum ofstækislaust.

[Vendetta, 26.8.2010 kl. 19:19]

Ef þér finnst við fara offari, þá ættirðu að kynnast ofstækinu og bullinu í Steina Briem og áróðursvél hans.

ESB gæti verið ágætt, ef engin afskipti væru af innanríkismálum aðildarlandanna og ef stefna sambandsins væri ekki samruni aðildarlandanna í eitt allsherjar sambandsríki. Viðskipta- og tollabandalög eru æskileg, en ESB hefur þróazt í óheillavænlega átt.

[Axel Jóhann Hallgrímsson, 26.8.2010 kl. 19:23]

Ég tel mig hafa fundið smjörþef beggja hliða.

[Vendetta, 26.8.2010 kl. 19:29]

Má ég einnig gerast svo djarfur að birta útdrátt úr öðru bloggi what.blog.is sem sýnir það að ég er ekki einn um þessa skoðun, hvað varðar facebook-síðuna sem var kærð:

"Svona öfgar vekja oft upp samúð með þeim sem fyrir verða.  Það gæti allt eins verið að þarna leynist Evrópusinni sem sé að reyna að sverta málstað Evrópuandstæðinga.  Ég vona amk. að það sé enginn fótur fyrir þessum hótunum og skil vel að menn taki þær alvarlega upp að vissu marki og hafi varan á.

 Evrópuandstæðingar eru með öll bestu rökin sín megin og þurfa ekki á svona vitleysu að halda.  Þetta gæti því hæglega endað með að verða Evrópusinnum í hag.  Nú geta þeir sagt að innan okkar raða séu þjóðernisöfgamenn.  Þetta hafa þeir reyndar alla tíð sagt." 

[Axel Jóhann Hallgrímsson, 26.8.2010 kl. 20:13]

Skoðanaskipti eru af hinu góða Vendetta og bloggið er góður vetvangur til þeirra hluta. En enginn á sannleikann eða hefur á honum einkarétt. Það sem einum er rétt er öðrum rangt og báðir kunna að hafa rétt fyrir sér. Svo ekki sé talað um að það sem er rétt í dag þarf ekki endilega að vera það á morgun.

[hilmar jónsson, 26.8.2010 kl. 20:21]

Ja..Hver andskotinn..

[Axel Jóhann Hallgrímsson, 26.8.2010 kl. 20:40]

Svona er þetta Hilmar.

[Óskar Helgi Helgason (IP-tala skráð) 26.8.2010 kl. 20:48]

Komið þið sælir; að nýju !

Já; Hilmar minn Jónsson !

Það eru ekki; allir dagar í böggli, eins og gamla fólkið kvað, forðum.

Þetta orðtak; nam ég af fólki heima á Stokkseyri, í uppvexti mínum þar, sem fætt var, sitt hvoru megin, við aldamótin 1900.

Með; ekki lakari kveðjum - en þeim áður /

Óskar Helgi 

[Vendetta, 26.8.2010 kl. 20:52]

Samt fyndist mér betra ef Viðar Freyr Guðmundsson, sem á bloggsíðuna what.blog.is, notaði frekar orðin ESB-sinni og ESB-andstæðingur í staðinn fyrir Evrópusinni og Evrópuandstæðingur. Við erum allir Evrópusinnar (viljum að Evrópa fái að vera, enda hefur Ísland verið í Evrópu sl. 3000 ár eða svo), en við erum ekki allir ESB-sinnar. Það er mikill munur, jafnvel þótt ESB-sinnar rugli þessu saman.

[Brynjar Þór Guðmundsson, 26.8.2010 kl. 21:55]

Síðast þegar ég athugaði(ef ég má) þá nefnast þeir sem eru á móti ESB FULLVELDISSINNAR og þeir sem eru með ESB séu Evróðusambandssinnar en ekki evrópusinnar(eins og vandetta nefnir) en ef é má bæta við:

Evrópusambandssinnar(ESB-sinnar) standa fyrir því að Evrópa verði sameinuð undir einn mann og góð dæmi um svoleiðis menn eru Napoleon og Hitler(þó þeir séu svolítið öfgafull dæmi)

Fullveldissinnar standa fyrir því að Ísland standi sjálfstætt.

Ef einhverjir ESB sinnar halda að þeirra "himnaríki" sé ekki á leið í eitt undir einn mann, með einn her og ein lög þá hafa þeir verið blektir, og ekki fyrstu né síðustu ESB sinnarnir því þá er að finna víðar en á Íslandi

[Axel Jóhann Hallgrímsson, 26.8.2010 kl. 22:28]

Á blogginu Brynjar, ber mest á upphrópunum í garð ESB sinna og þeir grímulaust kallaðir landráðamenn, föðurlandssvikarar og annað í þeim létta anda. 

[Axel Þór Kolbeinsson, 26.8.2010 kl. 23:09]

Uppnefnin hafa nú verið sveiflukennd nafni.  Ég hef verið kallaður einangrunarsinni, afdalamaður, öfgafullur þjóðernissinni, útlendingahatari, rasisti og fasisti bara vegna afstöðu minnar til hvert samband Íslands við Evrópu ætti að vera.

[Axel Þór Kolbeinsson, 26.8.2010 kl. 23:14]

Svo varðandi þennan facebook hóp virðist þetta vera stormur í vatnsglasi.  Sá sem stendur fyrir hópnum er Móri rappari sem segir þetta verða sinn persónulega sjúka húmor, og hann tengdi víst hlekk á áhugamannafélag um sjálfsvarnarlistir á síðunni.  Fjölmiðlamenn hafa lagt saman tvo og tvo og fengið út 57.

http://www.pressan.is/Frettir/LesaFrett/facebook-hopur-bendladi-iss-ranglega-vid-sjalfstaedisbarattu-ekki-politiskur-hopur

[Axel Jóhann Hallgrímsson, 26.8.2010 kl. 23:17]

Persónulegur myglu "húmor", sér í lagi sjúkur, hefur oft orðið upphafsstef í harmleikjum og ástæðulaust að gera lítið úr slíku.

[Ragnar Thorisson (IP-tala skráð) 27.8.2010 kl. 02:18]

Sælir,,, ég hef verið kallaður illa innrættur föðurlandsvikari fyrir afstöðu mína til Evrópu, en ég gef nefnilega skít í óljósa hugtakið sjálfstæði og kýs heldur frelsi.

Kær kveðja frá frjálsri Evrópu.

[Axel Jóhann Hallgrímsson, 27.8.2010 kl. 02:28]

Takk fyrir innlitið Ragnar.

[Brynjar Þór Guðmundsson, 27.8.2010 kl. 20:07]

Ég get nú ekki talað fyrir aðra en ég hef bara kallað tvo einstaklinga hér landráðamenn, en það mun vera Forsetisráðherra og Utanríkisráðherra.

Orðabókin skilgreinir "landráðamann" sem einhvern sem vinnur markvist gegn eigin þjóð fyrir aðra þjóð með það að markmiði/útkomu að þjóðin beri af mikin skaða með aðgerðum, lygum eða blekkingum. Það verður ekki um það deilt að þetta par hefur beitt lýgum, blekkingum og brögðum til að næla ESB umsókninni fylgi. Mér er nokk sama þú þú sért hlyntur ESB, mín vegna máttu tjá ást þína á því og lýsa "rekkjubrögðum" ykkar á milli, en ég hef oft gagnrínt þegar menn fara yfir strikið og/eða búa til einhverjar "lygar" um það eða þegar þeir veitast hlutum sem eiga það ekki skilið.

En axel jóhann, en "upprópanir" eru algengari af ESB sinnum en hitt og hafa staðið lengur yfir . En hvað hafa "upphrópanir"(eða nýð) með leiðréttingu að gera með það fylgismenn ESB séu ekki beint Evrópusinnar?

[Axel Jóhann Hallgrímsson, 27.8.2010 kl. 23:48]

Það er þín skoðun að forsætis- og utanríkisráðherra vinni gegn þjóðinni, ekki staðreynd. Þetta eru dylgjur og þvættingur Brynjar. Það er engu minni sök að ásaka einhvern að ósekju um landráð en fremja það.

Ég hef hvergi sagt að ég sé hlynntur ESB aðild, aðeins að ég vilji sjá þessar viðræður kláraðar þannig að hægt sé að taka vitræna og upplýsta ákvörðun, sem væri ekki byggð á upphrópunum, ýktum og rangfærðum upplýsingum.

[Brynjar Þór Guðmundsson, 28.8.2010 kl. 11:50]

Sæll axel

Ég sagði heldur aldrei að þú væri ESB sinni, heldur að þú mættir mínvegna tjá ást þína þar sem ég sé ekkert athugavert við það, sértu slíkur.

Mín skoðun á "parinu" verður ekki hikað, né heldur þeirri staðreind að lygum og blekkingum var beit á þing og þjóð í þágu ESB og ég lýt á það sem landráð þar sem þjóðin þarf að geta tekið upplýsta ákvörðun um sambandið. Þá gengur ekki að sú ákvörðun sé byggð á lygum eða blekkingum. Það er mín skoðun

[Númi (IP-tala skráð) 28.8.2010 kl. 22:34]

Axel Jóhann,þú vilt sjá hvað kemur úr þessum viðræðum!:Það er vitað mál að Jóhanna og hvolpurinn hennar flokksbróðir minn hann Steingrímur eru komin í aðlögunarferli,og er það miður.Ekkert er uppá borðum líkt og þaug lofuðu er þaug tóku við stjórn,,en  þaug sýna þvílikan hroka og yfirgang og niðurlægingu gagnvart þjóð sinni að er með eindæmum í lýðræðisríki í vestur Evrópu.Jóhanna er með þráhyggju að koma þjóðinni inní þetta hryðjuverkabandalag sem þetta Evrópusamband, er í Brussel.Ég dauðsé eftir atkvæði mínu til þessarar ríkisstjórnar,var hafður að fífli,...............líkt og tugþúsundir landsmanna.

[Vendetta, 28.8.2010 kl. 22:51]

Skv. grein í sunnudagsmogganum, sem enn ekki er á mbl.is, þá lítur ESB á þessar viðræður sem aðlögunarferli ekki annað, hvað sem Össur raular og tautar, enda er þetta útskýrt á heimasíðu sambandsins. Ég hef birt útdrátt úr þessari grein, þ.e. tilvitnunum í umrædda heimasíðu á blogginu mínu.

[Vendetta, 28.8.2010 kl. 22:53]

Á þessri síðu er jafnvel tekið fram að orðið viðræður sé misvísandi. 

[Axel Jóhann Hallgrímsson, 29.8.2010 kl. 00:04]

Orðaleikur og orðhengilsháttur, gildir einu hvað þetta er kallað, við göngum ekki í ESB fyrr en það hefur verið samþykkt í þjóðaratkvæðagreiðslu. Liggur það ekki ljóst fyrir? Þó talað hafi verið um ráðgefandi atkvæðagreiðslu vitum við vel að þjóðin samþykkir aldrei þannig fyrirkomulag.

Það er furðulegt ef hugsandi fólk lætur einhverja öfganóna á borð við Jón Val Jenson, stjórna því hvernig það hugsar.

[Vendetta, 29.8.2010 kl. 00:10]

Enginn stjórnar, hvernig ég hugsa nema ég sjálfur.