Síðasti Geirfuglinn

Við færum listamanninum Tod McGrain þakkir fyrir gjöfina og hans framtak.

Geirfuglinn verður okkur þörf áminning, þar sem hann horfir til Eldeyjar, hve auðvelt það er að valda náttúrunni óafturkræfum skaða.

Við erum órjúfanlegur hluti af náttúrunni, við verðum að lifa í sátt við náttúruna og nýta hana á öfgalausan og skynsaman hátt, með henni erum við allt, án hennar erum við ekkert.

 E.S.  Minni á könnunina hér til vinstri.

  

Nýtt listaverk afhjúpað á Reykjanesi

Athugasemdir

[Harpa Björnsdóttir, 3.9.2010 kl. 15:17]

Verkið er eftirhermuverk, Todd McGrain er að gera endurtekningu á verki Ólafar Nordal sem stendur úti í Skerjafirði, geirfugl úr áli 120 cm hár og horfir til Eldeyjar, hann hefur verið þar siðan 2008. Þetta vissi Todd McGrain en ákvað samt að gera verkið og setja það upp hér á landi. Þetta vissu yfirvöld í Reykjanesbæ en þáðu samt hermikrákulistaverkið. Ef þetta er hin listræna reisn sem Reykjanesbær hefur og sýnir þær kröfur sem gerðar eru í þessu bæjarfélagi um frumleika opinberra listaverka, þá er ekki hægt að reikna með því að við getum sýnt því virðingu eða glaðst með ykkur á Ljósanótt. Þar að auki stangast þetta á við höfundaréttarlög og sæmdarrétt. Til hamingju með lögbrot á Villuljósanótt!

[Harpa Björnsdóttir, 3.9.2010 kl. 15:18]

Afsakið, verk Ólafar hefur staðið úti í Skerjafirði síðan 1998 .........

[Axel Jóhann Hallgrímsson, 3.9.2010 kl. 15:47]

Harpa er þetta eftirlíking af verki Ólafar Nordal? Ef ekki hefur Ólöf einkarétt á Geirfuglum úr áli?

[Ásdís Sigurðardóttir, 3.9.2010 kl. 16:57]

Búin að taka þátt  Góða helgi Axel minn

[Axel Jóhann Hallgrímsson, 3.9.2010 kl. 17:05]

Takk fyrir það Ásdís, sömuleiðis góða helgi til þín og þinna.