Áunnin sykursýki er í flestum tilvikum alger óþarfi

Sykursýki  er ekki einungis vandamál Bandaríkjanna heldur er hún einn helsti velmegunarsjúkdómur alls hins vestræna heims.

Ísland er þar engin undantekning og þá ekki sá sem þetta skrifar, sem hefur vegna óábyrgs lífernis orðið sér úti um áunna sykursýki.

Mitt tilfelli er aðeins eitt af fjölmörgum sykursýkistilfellum sem koma hefði mátt í veg fyrir hefði ég og aðrir, sem svipað er ástatt um, hlustað á viðvörunarorð lækna. 

Af fenginni reynslu skora ég á alla, sem eru verulega umfram kjörþyngd, að hugsa sinn gang og ekki hvað síst hafi þeir fengið viðvörun frá lækni sínum.

Fálæti mitt og skeytingarleysi um eigin heilsu mun valda mér óþörfum vandræðum um ókomin ár svo ekki sé talað um óþarfa kostnað fyrir máttlítið heilbrigðiskerfið.

Hlustum á viðvörunarorð lækna og annars fagfólks. 


mbl.is Sykursýki kostar 160 milljarða dala
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Það virðist sem sykursýki II sé afleiðing af röngu matarræði. Mörg dæmi eru um að fólk með sykursýki II (áunna sykursýki) breyti mataræði sínu á róttækan hátt og læknist af sykursýkinni, en heilbrigðiskerfið virðist ekki viðurkenna að um lækningu sé að ræða, enda miklir hagsmunir í húfi fyrir heilbrigðiskerfið og lyfjaðiðnaðinn að menn haldi áfram að þurfa að taka lyfin og vera undir eftirliti (skapar hagnað og atvinnu).

Samt eru nokkrir læknar sem eru að reyna að berjast gegn þessu og þeim virðist takast að lækna fólk af sykursýki með breyttu mataræði og stundum aukinni hreyfingu. Ég hef bent læknum á þetta hérlendis, en þeir þagga þetta líka niður og neita að kynna sér málin.

Hér er dæmi frá virtum heimilislækni í USA sem lýsir hvernig lyfjafyrirtækin reyna að þagga niður í honum:

http://www.youtube.com/watch?v=46_GInjBeQU

Hér er trailer um heimildarmynd sem sýnir hvernig 6 sykursjúkir takast á við sykursýki sína með breyttu mataræði í 30 daga og snúa sykursýkinni við :

http://www.rawfor30days.com/trailer.html

Nánari upplýsingar:

http://www.rawfor30days.com/themovie.html

Bill Clinton er búinn að átta sig á þessu, hefur sjálfur breytt mataræði sínu og hvetur aðra til þess:

http://www.youtube.com/watch?v=R3ied_AD4iE&feature=related

Clinton vísar í hinn virta næringarvísindamann dr. Colin Campbell frá Cornell:

http://www.youtube.com/watch?v=HvA55xj8iMI&feature=related

Campbell um næringu og sykursýki:

http://www.tcolincampbell.org/courses-resources/article/diet-and-diabetes-recipes-for-success/category/diabetes-and-thyroid-diseases/?tx_ttnews[backPid]=76&cHash=4e86c596f3

http://www.youtube.com/watch?v=5g6EPHLFr-Y

Geir Guðmundsson (IP-tala skráð) 13.12.2010 kl. 01:00

2 Smámynd: Morten Lange

Ég hef lesið um dæmi um fólk sem byrjaði að hjóla til samgangna og gátu eftir nokkurt hrið farið að draga verulega úr lyfjanotkun í samráði við lækni.  Og hef líka talað við fólk með svipaða sögu að segja.

Enn betra er að stunda reglulega hreyfingu sem hluti af daglegri rútinu sem forvarnir áður en sykursýki geri vart við sér að sjálfsögðu. 

Hjólreiðar til samgangna er leið sem hentar mun fleiri en flestir mundu þora að vona.Það eru mjög margar vitnisburðir um það tengd átaki ÍSÍ, Hjólað í vinnuna.  Fyrir suma getur málið vera að hjóla bara aðra leiðina eða hluta þess og tengja etv saman við almenningssamgöngum, að vera samfloti á bíl eða öðru. Þegar maður stingur upp á svona löguðu verða sumir hneykslaðir og segja að það geta ekki allir hjólað.  Það er auðvitað rétt, þannig lagað. Það er tæpast til neinn lausn sem hentar alveg öllum.

Að sjálfsögðu skiptir mataræði líka oftast málið. Sumir segja reyndar að regluleg hreyfing geti gert það mun auðveldara að bæta mataræðið.  

Morten Lange, 13.12.2010 kl. 01:04

3 Smámynd: Sigurbjörg Eiríksdóttir

Sykursýkin er böl sem margir búa við.

Sigurbjörg Eiríksdóttir, 13.12.2010 kl. 09:51

4 Smámynd: Bergljót Gunnarsdóttir

Rétt Axel, hún er oftast óþarfi. Það þarf líka töluvert til að halda henni í skefjum. Hreyfing og gott mataræði eru meginþættirnir.  Ég létti mig um 10 kg. og það munaði mestu um það. Síðan þá helst sykurinn nokkuð jafn og lágur. Ég passa líka mjög vel upp á mataræðið.

Ég er viss um að einhverskonar gönguklúbbur sykursjúkra væri alveg upplagður, fyrir þá sem eru veikir á svellinu, nenna ekki að ganga og stelast í sætindi. Slíkur klúbbur, þar sem meðlimir gætu sest niður eftir gönguna, fengið sér hressingu og leitað ráða hver hjá öðrum myndi örugglega hjálpa mörgum af stað til betri lífshátta.

Bergljót Gunnarsdóttir, 13.12.2010 kl. 13:52

5 Smámynd: Axel Jóhann Hallgrímsson

Takk fyrir innitið elskurnar og ykkar ágætu innlegg.

Axel Jóhann Hallgrímsson, 13.12.2010 kl. 17:44

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband