„Líkar þetta“!

Í dag 28. janúar eru liðin 25 ár frá hinu hörmulega slysi, þegar geimferjan Challenger fórst í flugtaki og með henni öll áhöfnin, fimm karlar og tvær konur.

Þetta slys var átakanlegt og hugur alls heimsins  var með Banda- rísku þjóðinni á þessum erfiðu tímum. Þetta var svo áhrifaríkur atburður að flestir muna örugglega enn hvar þeir voru staddir þegar fréttirnar bárust.

Neðan við allar fréttir á mbl.is er stórundarlegur hnappur sem heitir „Líkar þetta“. Þegar þetta er ritað hafa 11 ýtt á þennan hnapp og staðfest þannig ánægju sína!

Mér er spurn, hvað er það í þessari frétt og bakgrunni hennar sem gleður þetta fólk?

25 ár á morgun frá Challenger-slysinu

Athugasemdir

[Gunnar Th. Gunnarsson, 28.1.2011 kl. 01:04]

Eru virkilega 25 ár síðan?

[Axel Jóhann Hallgrímsson, 28.1.2011 kl. 01:06]

Já Gunnar, svona líður tíminn!

[Gunnar Th. Gunnarsson, 28.1.2011 kl. 01:30]

Magnað helv...

[Axel Jóhann Hallgrímsson, 28.1.2011 kl. 03:50]

Ég var, Gunnar, á Ísafirði þennan örlagaríka dag. Ég var þá skipverji á Örvari HU 21, fyrsta frystitogara Íslendinga og við lágum þar inni í 3 daga vegna brælu.

Andrúmsloftið um borð varð alvöruþrungið við þessar fréttir, það var eins og einhverjir nákomnir hefðu fallið frá. Þetta var atburður sem sannarlega tók á alla veröldina.

[Ingvar Linnet (IP-tala skráð) 28.1.2011 kl. 07:09]

Líkar þetta er óheppilegt orðalag svo ekki sé meira sagt.

Ég get ímyndað mér að fólk ýti á hnappinn til að setja þetta á Facebook síðuna þar sem þeim finnist þetta vera merkilegur atburður.

[Guðmundur Ásgeirsson, 29.1.2011 kl. 16:34]

Axel, ég var líka á Ísafirði þennan dag, líklega á skólabekk.

Ingvar: Hvað er Facebook?