Er Jón Sigurðsson þinglýst eign?

Hvað bull er þetta í Þorgerði Katrínu Gunnarsdóttur að þjóðin eigi Jón Sigursson fyrrum forseta Hins Íslenska bókmenntafélags.

Það er löngu orðið ljóst að Jón er í skuldlausri eigu nafna síns og frænda Jóns Vals Jenssonar. Enginn skynjar það betur en Jón Valur hvaða skoðun nafni hans hefði á hinu og þessu væri hann enn ofar moldu.

Enda hefur Jón Valur um hríð verið sérstakur talsmaður frelsishetjunnar, bæði í ræðu og riti, og verið óþreytandi að setja fram skoðanir Jóns Sigurðssonar um öll möguleg og ómöguleg  álitamál líðandi stundar.   

Vart verður greint hvar þessi Jóninn byrjar og hvar hinn Jóninn endar, slíkur er samhugur þeirra nafnana. 

Margir viljað eigna sér Jón

Athugasemdir

[Bergljót Gunnarsdóttir, 15.6.2011 kl. 16:29]

Frábært Axel!

[Guðjón Sigþór Jensson, 17.6.2011 kl. 23:02]

Ekki veit eg hvar eg hef Jón Val. Ýmist vill hann vera bloggvinur minn en ef eg hef aðra skoðun á málum en hann, er eg umsvifalaust útskúfaður út í ystu myrkur. Ætli megi ekki telja það til lofs fremur en lasts?

Einhvern tíma fékk eg ábendingu um það á mannamótum þar sem fundarmaður einn tók tillögu minni um bann við lausagöngu sauðfjár mjög illa og taldi eg vera mjög illa þenkjandi og illa siðaðan! Var þó sá sami gamall kennari minn í náttúrufræðum en þó ekki í framsóknarmennsku. Einn viðstaddra, fyrrum þingmaður, taldi mætti líta á gagnrýnina sem lof fremur en last.

Umræddur Jón Valur virðist vilja telja sig hafa sérstakt umboð frá nafna sínum Sigurðssyni að mega túlka skoðanir sínar sem hans. Kannski frá guði almáttugum. En af hverju ekki nefnir Jón Valur sér ekki að vera sérlegur túlkandi skoðana Marðar Valgarðssonar nú á tímum?

Góðar stundir

Mosi 

[Axel Jóhann Hallgrímsson, 18.6.2011 kl. 14:37]

Ég er þess heiðurs aðnjótandi að vera persona non grata á bloggi Jóns Vals.

En það aftrar honum ekki að nýta sér það að engum er meinaður aðgangur að mínu bloggi og skella inn athugasemdum þegar honum þykir henta. Hann áttar sig ekki á því karl anginn að það segir meira um hann en mig.

[Bergljót Gunnarsdóttir, 18.6.2011 kl. 15:12]

Ef þeir eru nánast tvíeinir nafnarnir, eru þeir jú orðnir 200 ára og jafnvel rúmlega það. Því má sterklega búast við að dindlinum sé eitthvað farið að förlast.

[Axel Jóhann Hallgrímsson, 18.6.2011 kl. 16:08]

Hann er hálfgert nátttröll karlanginn, aðeins spurning hvenær hann dagar uppi.