Ber Sam frændi ábyrgð á hvarfi Guðmundar og Geirfinns?

Brynjar Níelsson, formaður lögmannafélagsins, segir að ekkert nýtt hafi komið fram sem kalli á endurupptöku Guðmundar og Geirfinnsmálana. Sennilega er það hárrétt hjá lögmanninum, en í senn hlægileg og barnaleg rök og lögmanninum til háðungar.

Það er engin þörf á nýjum gögnum, það blasir við öllum, sem vilja sjá það, að þau gögn sem þegar liggja fyrir í þessum málum hrópa á að réttarfarsleg afglöp hafi verið framin við rannsókn málanna, ef ekki beinlínis glæpsamlegur ásetningur. Mál mætti taka upp af minna tilefni.

Nánast allir þættir rannsóknarinnar standast ekki skoðun. Fullur vafi er um nánast allar niðurstöður rannsóknarinnar.  Allir virðast sjá það nema þeir sem tekið hafa að sér að verja kerfið, kerfið sem brást, kerfið sem neitar sakborningum málsins um rétt sinn, þó ekki væri annað en njóta vafans.

Hvað er það í þessum málum sem ekki þolir dagsbirtuna?  Allt lögmanna og dómaradraslið sem að þessum málum kemur, virðist telja það sína æðstu skyldu að hindra framrás sannleikans.

Hvaðan koma fyrirmælin um það? Var helvítis herinn flæktur í málið?

Það myndi útskýra ýmislegt.

  

Ekkert nýtt sem kallar á endurupptöku

Athugasemdir

[jakob (IP-tala skráð) 21.7.2011 kl. 04:01]

Vel sagt. Við erum í slæmum málum þegar sannleikurinn hættir að skipta máli. Jafnvel þótt ekki sé hægt að sanna sekt eða sakleysi sakborningana þá þarf samt að skoða hvernig var farið með greyið fólkið. Hvernig á maður að geta treyst kerfinu þegar fólkið sem vinnur í því virðist vera sama um réttlæti.

[Bergljót Gunnarsdóttir, 21.7.2011 kl. 08:12]

Ætli formanninum hefði fundist lífið léttara hefði hann á sínum ungdómsárum verið ásakaður um morð á manni sem aldrei fannst látinn, dæmdur fyrir það, með alla athygli landsmanna á útopnu. Þar með hefðu allar forsendur fyrir eðlilegu lífi brostið, en lögmönnum og dómurum alveg skítsama.

Ég er ansi hrædd um að það væri annað hljóð í strokknum hefði hannn verið einn hinna dæmdu, sjálfur lögmannaforinginn, nei ne, nei, hvaða vitleysa er þetta í mér, hann væri ómenntaður sakamaður, úthrópaður í 40 ár. 

[doctore (IP-tala skráð) 21.7.2011 kl. 09:43]

Brynjar er bara að opinbera að hann er siðlaus með öllu. Fólk ætti að hugsa sig 2 um áður en það ræður hann í verkefni.