Skrílslæti í boði útvarps Sögu og Moggans – misheppnað herkall

Mótmælin á Austurvelli voru miklu mun fámennari en reiknað var með af skipuleggjendum þeirra. Þetta sýnir, svo ekki verður um villst, að útvarpi Sögu, Morgunbalðin og þeim öðrum sem eggjuðu fólki átaka og óláta við þingsetninguna hafi mistekist gersamlega. Sómakært og löghlýðið fólk áttaði sig á hvað að baki hvatningu þursana lá, lét ekki ginnast og hélt sig heima.

Það voru hinsvegar ofbeldisseggir, mannorðsleysingjar og annar ósómaskríll sem fann sér samstöðu með  fjölmiðlaþursunum og svöruðu kallinu. Sækir sér um líkan.

Hádegismóri seðlabankafellir, Arnþrúður grimma  og Pétur rannsóknarnefndarskelfir hljóta að vera að rifna úr stolti af hirð sinni og framlagi þeirra til þjóðfélagsins.

Útvarp Saga gagnrýndi RUV fyrir „rangar“ tölur um mannfjöldann og sagði alvarlegt þegar fjölmiðlar reyndu að falsa tölur um mannfjöldann! Útvarpsstöðin sagði mótmælendur hafa skipt þúsundum, talan 8000 var nefnd af innhringjanda, við góðan róm Arnþrúðar og Péturs!

Reynsluboltinn Geir Jón yfirlögregluþjónn nefndi töluna 2000, ég trúi honum.


mbl.is Annað eggjaregn
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Heill og sæll; Axel Jóhann, jafnan !

Heldur klén; þessi færzla þín, að þessu sinni, Skagstrendingur góður.

Heldur þú virkilega; að samlandar okkar, sem eiga EKKI til hnífs og skeiðar, séu einhverjir sérstakir útsendarar, Útvarps Sögu og Mbl. ?

Þú ert; miklu greindari; en svo, Axel minn.

Þú mátt til; að koma þér upp úr eðju gryfjum 4ra flokkanna, fornvinur góður.

Ég hygg; að Jón Jónsson, norður á Kópaskeri, sé ekkert sérstaklega inn vinklaður, í einka hagsmuni : Bjarna og Steingríms, frekar en Jóhönnu og Sigmundar Davíðs.

Heldurðu virkilega; að þessi skoffín, séu á vetur setjandi - einn ganginn enn, Axel minn, stjórnmálalega ?

Þú veist; betur.

Með beztu kveðjum; sem áður - og fyrri /

Óskar Helgi Helgason 

Óskar Helgi Helgason (IP-tala skráð) 1.10.2011 kl. 12:24

2 Smámynd: Ómar Bjarki Kristjánsson

Góð færsla.

Ómar Bjarki Kristjánsson, 1.10.2011 kl. 12:25

3 Smámynd: Axel Jóhann Hallgrímsson

Ég þekki nokkuð af fólki sem á vart til hnífs og skeiðar Óskar, en ekkert þeirra telur sig eiga neitt sameiginlegt með þessum skríl sem var á Austurvelli í morgun, hvorki í hugsun eða gerðum eða kærir sig ekkert um að vera orðað við skrílinn þann.

Ég, sem einn af þessu fólki, geri það ekki heldur sóma míns vegna. Sé það greindarskortur, get ég lifað við það.

Axel Jóhann Hallgrímsson, 1.10.2011 kl. 12:42

4 Smámynd: Axel Jóhann Hallgrímsson

....hvorki í hugsun eða gerðum eða kærir sig um að vera orðað við skrílinn þann. - átti þetta að vera.

Axel Jóhann Hallgrímsson, 1.10.2011 kl. 12:44

5 Smámynd: Axel Jóhann Hallgrímsson

Takk fyrir það Ómar.

Axel Jóhann Hallgrímsson, 1.10.2011 kl. 12:44

6 Smámynd: hilmar  jónsson

Já þau riðu ekki feitu hrossi frá þessu þau Davíð, Pétur Gunnlaus og Arnrúður.

Skilst að þau 20.000 sem þau reiknuðu með hafi skilað sér sem 1700 manns.

hilmar jónsson, 1.10.2011 kl. 12:49

7 identicon

Aldrei skal ég viðurkenna þessa ríkisstjórn. Aldrei. En ég læt það ógert að kenna börnunum mínum að það sé í lagi að kasta hlutum í fólk. Tek líka undir með þér varðandi Útvarp Flösu. Grátlega fyndið að þau telji sig sérfræðinga í mannfjöldatalningu.

Jón Flón (IP-tala skráð) 1.10.2011 kl. 12:49

8 identicon

Þau gerast ekki þykkri, en þín pólítísku gleraugu.

Andrés Ingi (IP-tala skráð) 1.10.2011 kl. 13:02

9 identicon

Sammála þessu Axel.

Misheppnað var það. En skríllinn mætti með egginn sín. Vona að þeir séu stoltir af sér.

Halda þeir það að kasta eggjum í höfuð þingmanna svo þeir falli í götuna vankaðir, hjálpi þeirra hag.

Ættu að skammast sín. Útvarp saga er eiturspúandi stöð hatursáróðurs og því miður náðu þeir að æsa upp með hjálp morgunblaðsins í kringum 1500 einfeldninga.

Aðrir sátu heima.

Hér er ríkisstjórnin að taka til eftir óstjórn síðustu ára og auðvitað eru fyrstu árin erfið. Hvað hélt fólk að myndi gerast. Annað loftbólu góðæri ?

Er þetta fólk einfeldningar eða hvað er málið eiginlega?

Árni (IP-tala skráð) 1.10.2011 kl. 13:15

10 Smámynd: Axel Jóhann Hallgrímsson

Það verður fróðlegt Hilmar, en lítt geðslegt, að fylgjast með áróðurshræjunum á Sögu útlista, næstu daga, ávinninginn af illgirnis framlagi sínu til Íslenskrar menningar, þessa helgina.

Axel Jóhann Hallgrímsson, 1.10.2011 kl. 13:22

11 Smámynd: Axel Jóhann Hallgrímsson

Jón, ég þekki engan sem er ánægður með það sem ríkisstjórnin þarf að gera. En stundum þarf að gera fleira en gott þykir, það er hlutverk þessarar stjórnar, hún skapaði ekki þetta umhverfi, margir hafa gleymt því.

Þetta snýst því ekki um afstöðu fólks til ríkisstjórnarinnar, þetta snýst um að halda sjálfsvirðingunni og haga sér eins og siðað fólk en ekki eins og öskurapar í frumskóginum.

Axel Jóhann Hallgrímsson, 1.10.2011 kl. 13:28

12 Smámynd: Axel Jóhann Hallgrímsson

Andres ef þú segir mér pólitíska styrkinn á þinum gleraugum, þá sjáum við munin á mínum og þínum.

Axel Jóhann Hallgrímsson, 1.10.2011 kl. 13:30

13 Smámynd: Axel Jóhann Hallgrímsson

Árni, nákvæmlega rétt!

Axel Jóhann Hallgrímsson, 1.10.2011 kl. 13:31

14 Smámynd: Aðalsteinn Agnarsson

Ca.10 manns voru að kasta eggjum af mörgþúsund manns,

ég var með spjald er á stóð, fátæk þjóð á handfæraveiðar,

en Jóhanna og Steingr. voru kosin út á það loforð, frjálsar handfæraveiðar, sem er

enn óefnt.

Sá að margir voru með spjöld að biðja um frjálsar

handfæraveiðar.

Ærlegra væri að þið kæmuð á Austurvöll, heldur en að sitja vælandi á mogga bloggi.

Aðalsteinn Agnarsson, 1.10.2011 kl. 13:56

15 Smámynd: Axel Jóhann Hallgrímsson

Kjörtímabilið er 4 ár, engin ríkisstjórn efnir öll kosningaloforðin á fyrsta ári. En hafa ekki heimildir verið rýmkaðar Aðalsteinn? Yfir hverju er ég að væla?

Axel Jóhann Hallgrímsson, 1.10.2011 kl. 14:17

16 Smámynd: Hafsteinn Björnsson

Var bara skríll sem mætti á Austuvöll Axel?

Hafsteinn Björnsson, 1.10.2011 kl. 14:18

17 Smámynd: Hafsteinn Björnsson

Færlsan þín minnir dálítið á Skagstrendingarímur Kemps :)

Hafsteinn Björnsson, 1.10.2011 kl. 14:36

18 Smámynd: Axel Jóhann Hallgrímsson

Það er bara skríll sem kastar eggjum í annað fólk Hafsteinn.

Ekki ætla ég að gerast svo djarfur að líkja mínum skrifum við magnaðan skáldskap Lúðvíks Kemp, en óneitanlega kitlar það hégómagirndina að það skuli gert.

Axel Jóhann Hallgrímsson, 1.10.2011 kl. 16:40

19 identicon

Ja hérna Axel Jóhann (hissa,hissa) væri nú ekki betra að hafa verið á staðnum og dæma þá fyrst hverjir eru skríll og hverjir ekki. Oftast hérna á blogginu þ.e.a.s þeir sem skrifa hér á Moggabloggi fara útí pólitískt þras og nota þá svona frasa og uppstemd lýsingarorð. Ég var á austurvelli (áður en ég held lengra er rétt að taka fram að ég er óflokksbundin) og gat ég ekki  annað séð en að þarna væri fólk að mótmæla húsnæðislánum sínum, bönkunum og svo kvótakerfinu. Ég held að þetta fólk hafi bara verið venjulegar manneskjur sem eru svo langt frá hinu pólitíska ariginþrasi um hægri eða vinstri stefnu. Atvinnulaust fólk og gamalt fólk sem hefur misst sitt.  Hvað svo sem Steingrími, Jóhönnu, Bjarna Ben og Sigmundi Davíð lýður þá eru þau sama tóbakið í sömu skálinni í mínum huga.

Sóla (IP-tala skráð) 1.10.2011 kl. 16:44

20 Smámynd: Axel Jóhann Hallgrímsson

Takk fyrir þetta Sóla.

Axel Jóhann Hallgrímsson, 1.10.2011 kl. 16:50

21 Smámynd: Hafsteinn Björnsson

Ég heyrði eftir fólki sem var á svæðinu að örfáir einstaklingar hafi verið að henda matvælum svo mér þykir það ansi mikil alhæfing að segja " ofbeldisseggir, mannorðsleysingjar og annar ósómaskríll " hafi verið á svæðinu og sómakært og löghlýðið fólk hafi verið heima hjá sér.

Ég var á Austurvelli í fyrra og varð vitni að því að aðeins fáir voru í grjót og matvælkasti þar.

Það voru líka fáir ólátabelgir sem létu svona í búsáhaldabyltingunni.

Þetta minnir um margt á fréttir í kringum 1980 af því að "allir" unglingar í Reykjavík væru óalandi og óferjand skríll vegna skemmda sem unnar voru í miðbænum af líklega um tug einstaklinga. Það kom í ljós þegar málið var kannað frekar.

Ég hélt að fólk svona almennt, væri upplýstara nú á dögum og felldi ekki svona sleggjudóma um fólk. Það var nú það sem minnti mig á Kemp, því hann setti alla Skagstrendinga undir sama hatt.

Hafsteinn Björnsson, 1.10.2011 kl. 17:02

22 Smámynd: Axel Jóhann Hallgrímsson

Það er rangt hjá þér Hafsteinn að Kemp hafi sett alla Skagstrendinga undir sama hatt. En þeim undan sveið sem til þess höfðu unnið.

Axel Jóhann Hallgrímsson, 1.10.2011 kl. 17:05

23 identicon

Ef fólk kemur saman til að mótmæla því sem það telur á sér brotið, er það þá "skríll...??? Ef fók kemur saman og vill láta í ljós óánægju sína, er það þá "skríll"...???  Þá hlýtur allt það fólk sem kom fyrri ríkisstjórn frá, að falla undir það sama að vera "skríll" Ef við eigum endalaust að sitja undir því að vera dæmd sem "skríll" vegna þess að við viljum láta okkar skoðanir í ljós eða óánægju, óháð hvaða flokka við kjósum,(vill ekki sjá neina af þessum flokkum á þingi) þá er illa fyrir okkur komið. Mótmæli eru bara ekki fyrir einhverja sér flokka. Þau eru sýndarveruleiki á þvi ástandi sem þjóðfélagið býr við hverju sinni. Ef við tökum þennan þjóðfélagslega rétt af fólki, erum við þá bara ekki komin aftur í gamla Sovjét..?? Ekki vill ég sjá það og held að það vilji það enginn. Munum eftir orðum Ingibjargar Sólrúnar, "Þið eruð ekki þjóðin" Hvað átti hún með því..???

Með bestu kveðjum. Sigurður

Sigurður Kristján Hjaltested (IP-tala skráð) 1.10.2011 kl. 18:42

24 Smámynd: Ómar Bjarki Kristjánsson

Kæmi nú ekki á óvart þó nokkrir mótmælanda þarna háttvirtra hafi hlustað umtalsvert Söguna. Stutt innslög fjölmiðla þar sem mótmælendur voru spurðir - benda líka til þess heyrðist mér og sýndist. Alveg brjálaðir maður. Alveg bara: þeir stela öllu frá okkur og við verðum að búa í herbergjum hjá börnunum okkar.

Ómar Bjarki Kristjánsson, 1.10.2011 kl. 19:41

25 Smámynd: Axel Jóhann Hallgrímsson

Það er skríll sem kastar eggjum Sigurður. Hvað Ingibjörg átti við, veit ég ekki og er ekki talsmaður hennar, eðlilegast væri fyrir þig að spyrja hana að því.

Við komumst, að mínu viti,  næst gamla sovét þegar kínverska leyniþjónustan var, í boði sjálfstæðisflokksins, látin stjórna aðgerðum íslensku lögreglunar gegn Falungong.

Axel Jóhann Hallgrímsson, 1.10.2011 kl. 22:44

26 identicon

Þarna er ég þér alveg sammála Axel. Vonandi gefst mér færi að því að spyrja hana. En í öllum mótmælum leynast svartir sauðir sem gagngert koma til þess eins að haga sér eins og "skríll".  Vaðandi Falungong, þá var það með ólíkindum hvernig stjórnvöld þá sýndu hvernig íslenska lýðræðið virkaði og okkar þjóð til háborinnar skammar.

Með bestu kveðjum. Sigurður

Sigurður Kristján Hjaltested (IP-tala skráð) 2.10.2011 kl. 09:00

27 Smámynd: Pétur Kristinsson

Þetta er nú með því heimskulegra sem ég hef lesið og það sem verra er að einhverjir hálfvitar í viðbót skuli taka undir þetta rakalausa bull í þér Axel. Ég og mín fjölskylda fórum að mótmæla óhæfu stjórnmálafólki án þess að kasta í þau eggjum og þú dirfist að kalla okkur skríl. Þú mátt vera það heimskur að telja að það sé betra að grafa hausinn í sandinn og bíða eftir því að ástandið hérna skáni við það. Við hin erum búin að fá nóg af arðráninu sem hér er í gangi 3 árum eftir hrun. Það er út af örvitum eins og þér að ennþá komast fjármagnseigendur upp með að arðræna okkur og þig með talinn.

 NB. Við hlustum aldrei á útvarp sögu en áttum okkur á því engu að síður að eitthvað verður að gera til þess að knýja stjórnvöld til aðgerða fyrir fólk sem er að missa aleiguna í þessum töluðu orðum en endilega vertu með hausinn áfram í sandinum Axel og komdu svo með hann upp eftir að hættan af "skrílnum" er liðin hjá.

Pétur Kristinsson, 2.10.2011 kl. 10:17

28 Smámynd: Axel Jóhann Hallgrímsson

Takk fyrir þetta Pétur, það gleður mig meira en orð fá lýst þegar gáfnaljón eins og þú, reka vitþrútin höfuðin inn á brenglað bloggið mitt til að hafa vit fyrir bjánanum mér og öðrum kjánum sem hingað rata.

Svona gáfumannaheimsóknir eru af einhverju orsökum mjög sjaldgæfar hér, en eru sem ljós í svartholi. Mikið er það ánægjulegt að þú vitir hvar þú hefur höfuðið, það er slæmt að vita það ekki, trúðu mér.

Velkominn ævinlega á mína síðu, þú og þín gáfumannafjölskylda öll.

Hafðu það sem best þar til næst.

Axel Jóhann Hallgrímsson, 2.10.2011 kl. 12:43

29 Smámynd: Axel Jóhann Hallgrímsson

NB. Pétur, það er þá misskilningur hjá maddömu Arnþrúði að allt gáfumannafélagið hlusti á  Sögu.

...og Pétur þar sem höfuðið á mér í sandinum er þér hugstætt þá eru fleiri óþægilegir staðir til en sandurinn. Ofvitringum hefur nefnilega orðið það á að reka höfuðið upp í b..... á næsta alvita, þegar þeir teygja upp álkuna.

Að sögn er alveg jafn dimmt og sólarlaust þar og í sandinum, en hlýrra.

Axel Jóhann Hallgrímsson, 2.10.2011 kl. 13:25

30 identicon

Árni og eggið, fyrsta sem mér datt í hug þegar ég sá það var að hann hafi sótt námskeyð í "William Shatner School of Overacting" ;)

Í alvöru talað, sjá senu: http://www.dv.is/frettir/2011/10/2/atokin-austurvelli/

:)

DoctorE (IP-tala skráð) 2.10.2011 kl. 15:11

31 Smámynd: Axel Jóhann Hallgrímsson

DoctorE, menn stórlega ofmeta "mýkt" eggja og skaðleysi þeirra sem vopna. Hraðinn skiptir mestu, vatnsdropi getur farið í gegnum mann án þess að breyta lögun sinni, sé hraðinn nægur.

Axel Jóhann Hallgrímsson, 2.10.2011 kl. 19:20

32 identicon

Veistu, þetta hefur örugglega verið samviskan sem bar hann þarna ofurliðið. :P

Ég persónulega myndi láta fúkyrði ráða för fremur en fúleggjum.

DoctorE (IP-tala skráð) 3.10.2011 kl. 08:39

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband