Glæsilegt framtak

Þorbjörn hf. er vel að slíkum verðlaunum komin. Muna og minjasýning þeirra, upp- og framsetning hennar er af miklum metnaði gerð og þeim til mikils sóma.

Framtak Þorbjarnar hf. verður vonandi örðum fyrirtækjum hvatning til að varðveita muni og tæki úr sinni sögu í stað þess að fleygja þeim um leið og þeir hætta að þjóna sínum tilgangi. Muni sem geyma í sér og segja sögu lands og þjóðar,  með tilvist sinni einni.

En nokkuð skyggir á þessa frétt,  að með henni  skuli ekki fylgja nein mynd af hinu glæsilega verðlaunaða framtaki Þorbjarnar hf., en látið nægja að birta snobbmynd af tveimur framámönnum bæjarins afhenda forstjóra Þorbjarnar hf. verðlaunin.

-

-

-

Vinsamlegast kíkið á könnunina hér til vinstri!

Þorbjörn fékk menningarverðlaun

Athugasemdir

[Stefán Júlíusson, 17.3.2012 kl. 17:39]

Var Núpur gerður að sjóminjasafni? 

Þetta er frábært hjá þeim og ég er alveg sammála þér.

[Axel Jóhann Hallgrímsson, 17.3.2012 kl. 17:45]

Takk fyrir bloggvináttuna Stefán.  Þorbjarnarmenn settu stóra glugga í alla framhlið jarðhæðar á einu húsa sinna og stilltu þar upp munum úr sögu fyrirtækisins sem blessunarlega hafa varðveist fyrir góðra manna tilverkanað.

Í hverjum glugga er ákveðið þema og þar er einnig sjónvarpsskjár, hvar sýnt er efni, tengt viðkomandi þema. Það er ekki hægt annað en hrífast af þessu framtaki.

[Stefán Júlíusson, 17.3.2012 kl. 18:11]

Já, það verður gaman að skoða þetta þegar ég kem til landsins.

Ég vann hjá þeim á Hrafninum í tæpt 1 1/2 ár. 

Það var fínt að vinna hjá Þorbirni.