Skjálfa þá aftur bein Björns Bjarna og félaga

Þá er Luftwaffe aftur farið til síns heima og enn á ný hafið tímabil ótta og óöryggis á Íslandi og landið skilið eftir gersamlega óvarið fyrir öllum óvininum og illu öflunum sem um það sitja.

Raunar breytti vera Luftwaffe nákvæmlega engu um „öryggi“ landsins því þeir lögðu til „landvarnanna“  40 til 50 ára gamlar F-4 Phantom II þotur, sem eru tæknilega álíka gagnlegar gegn nýjustu flugvélum og tvíþekjur fyrri heimstyrjaldar voru í þeirri seinni. Gott ef þoturnar voru ekki þar að auki vopnlausar með öllu.

McDonnell Douglas F-4 Phantom II var framleidd á árunum 1958 til 1981 og er því fjarri því að vera brúkleg í nútíma lofthernaði. Þær eru eingöngu notaðar til æfinga. Þjóðverjarnir eru örugglega himinlifandi að fá fávísa Íslendinga til að borga þjálfun og æfingar grænjaxla þýska flughersins.  

Þeim peningum væri betur varið í eitthvað þarfara en það eitt að tryggja svefn hjá steinrunnum kaldastríðs körlum sem lifa varla glaðan dag af ótta um að komma sprengjunum muni rigna yfir þá, þá og þegar.

Þjóðverjar lokið eftirliti sínu

Athugasemdir

[Ásthildur Cesil Þórðardóttir, 1.4.2012 kl. 18:41]

Æ þetta er bara einhvernveginn svo fáránlegt.

[Lúðvík Júlíusson, 1.4.2012 kl. 19:15]

F-4 eru með flottustu flugvélum sem framleiddar hafa verið og ekkert smá kikk þegar þær flugu yfir bílinn minn í aðflugi að Keflavíkurflugvelli.

Það er mikill söknuður hérna í Sandgerðinni.

En það er rétt hjá þér, þær eru úreltar og án AWACS flugvéla (radarflugvéla) þá eru þær gagnslausar.

[Sveinn R. Pálsson, 1.4.2012 kl. 23:22]

Bismarck var sökt með gömlum tvíþekjum (Fairey Swordfish), þannig að stundum dugar gamla tæknin ágætlega.

[Axel Jóhann Hallgrímsson, 1.4.2012 kl. 23:53]

Reyndar sökktu þjóðverjar Bismarck sjálfir. Þessar tvíþekjur áttu lítið erindi í loftbardaga í seinna stríði, en dugðu ágætlega sem tundurskeytavélar gegn skipum, að því tilskyldu að þau hefðu ekki flugvélar sér til varnar.

[óli (IP-tala skráð) 1.4.2012 kl. 23:57]

þetta með f 4 vélarnar er að mestu rétt hjá þér haft eftir. nema hvað þó þær séu gamlar þá eru þær ekki ónýtar með öllu! þsar vélar voru uppfærðar 1987 og svo aftur í kringum 2000. þær eru búnar nýustu hríðskota fallbyssu þjóðverja sem er sú sama og notuð er á Eurofigter vélunum td auk sidewinter flauga. svo var allt softver í þeim upgreitað bæði 87 og aftur árið 2000. þessar vélar mundu kannski ekki vera góðar á móti nýustu MIG vélum Rússa enn þær eru nú líka bara teljandi á fingrum annara handar hvort eð er ;o)

[Ásthildur Cesil Þórðardóttir, 2.4.2012 kl. 10:05]

Og pointið var??? dæmisaga ekki satt? Herskoðun yfir Íslandi. 

[Halldór (IP-tala skráð) 4.4.2012 kl. 19:16]

Sammála því að hætta þessu rugli, þó vélarnar séu flottar fyrir flugáhugamenn. Og drunurnar maður lifandi!

 Hættum þessum  leikaraskap með loftrýmisgæslu. Herlaus þjóð - tökum ekki þátt í ruglinu.