Kaþólska kirkjan spyrnir við fótum - ekki seinna vænna

Þar kom að því að hans heilagleika páfanum í Róm er nóg boðið. Kaþólska kirkjan ætlar að láta sverfa til stáls og stöðva þá lausung og samfélagslegu sundrungu sem kynfrelsis- og jafnréttis hjal kvenna hefur leitt yfir kristið samfélag.

Þessi aðför kvenna að samfélagslegri stöðu karlmanna sem drottnara heimsins,  kvenna og annarra dýra merkurinnar er gersamlega ósamrýmanleg kristinni trú og kristnum gildum  og gróf aðför að mannlegri reisn.

Kirkjan stefnir að því koma konunni aftur fyrir á bak við eldavélina, þar sem skaparinn fann henni stað á sínum tíma eftir að hafa tálgað hana úr rifi Adams og gefið honum hana, til heimabrúks - að eilífu.   

Amen.

Vatíkanið ávítir róttækar nunnur

Athugasemdir

[Ásthildur Cesil Þórðardóttir, 19.4.2012 kl. 12:40]

Já ekki seinna vænna að kenna þessum konum að þær eiga bara að vera undirlægjur og þrælar mannsins, eins og auðvitað hlýtur að vera boðað í katólskunni

Umburðarlyndi er sennilega eitthvað ofan á brauð.

[Axel Jóhann Hallgrímsson, 19.4.2012 kl. 12:46]

Umburðarlyndismarmelaði?

[Jonsi (IP-tala skráð) 19.4.2012 kl. 14:05]

Hmmm, attu ekki vid "fyrir framan" frekar en "bak vid" ?

Thad er litid heagt ad athafna sig, thegar buid er ad klessa mann upp vid vegg (nema ad sjalfsogdu ad thad se akkurat adal markmidid(en tha er sa er klessir buinn ad missa starfskraft)).

Oh, well...

[Ásthildur Cesil Þórðardóttir, 19.4.2012 kl. 14:12]

Jónsi hér er Axel að vitna í fræg ummæli Guðna Ágústssonar að staða konunnar væri á bak við eldavélina. 

[Helgi (IP-tala skráð) 19.4.2012 kl. 14:52]

Sæll.

Það er gaman að sjá hvað sumir bloggarar eru vel að sér um andleg málefni og hika ekki við að ausa af viskubrunni sínum.

[Magnús Ágústsson, 19.4.2012 kl. 15:04]

well ég bý hérna á philippine og er giftur dásamlegri konu sem á 4 ára son

þegar ég fer að vaska upp þá vill konan endilega taka yfir en ég gef mig ekki og klára verkið en henni finnst ég vera að gera lítíð úr henni en ég er alltaf að útskýra fyrir henni að heimilisverkin eru fyrir alla fjölkylduna

annað ég hef verið að reyna að láta strákinn læra að taka til efir sig OMG grátur og gnístur tanna 

well hann fær enn stuðning konunnar um að Drengir eigi ekki að taka til það eru bara konur 

well ég er að reyna að breyta þessum hugunarhætti hægt og hljótt vonandi tekst mér það 

[Ásthildur Cesil Þórðardóttir, 19.4.2012 kl. 15:09]

Já Magnús, enhverjum hefði þótt þetta bara notalegt

Helgi ertu að meina að þessi viðspyrna Katólskukirkunnar beri vott um umburðarlyndi?

[Axel Jóhann Hallgrímsson, 19.4.2012 kl. 17:05]

Jonsi, ég sé að Ásthildur hefur útskýrt þetta fyrir þér, við þökkum henni fyrir það.

[Axel Jóhann Hallgrímsson, 19.4.2012 kl. 17:08]

Velkominn í hópinn Helgi.

[Axel Jóhann Hallgrímsson, 19.4.2012 kl. 17:13]

Gott hjá þér Magnús, en það gæti tekið mannsaldur að breyta hugsunarhætti heillar þjóðar.

[Axel Jóhann Hallgrímsson, 19.4.2012 kl. 17:15]

Já sennilega hefðu margir fílað þetta í botn Ásthildur.

[Helgi (IP-tala skráð) 19.4.2012 kl. 17:47]

@ 7:

Þetta mál kemur umburðarlyndi ekkert við.

Fólk sem gerist prestar eða nunnur veit upp á hár hvað það er að undirgangast. Ef fólk skiptir um skoðun er það auðvitað í lagi en þá verður að predika þann boðskap undir öðrum merkjum.

Hvernig ætli fólki í Sf liði nú ef ég hefði gengið í Sf, verið harður ESB sinni og færi síðan allt í einu að segja fólki hve slæmt það væri fyrir Ísland að ganga í ESB og vildi einnig einkavæða sem flest, snarlækka skatta og nánast leggja af núverandi "velferðarkerfi". Væri Sf umburðarlyndur flokkur ef hann leyfði mér að vera áfram? Kannski en ég ætti auðvitað enga samleið með þeim flokki og væri í reynd genginn úr honum. Svipað má segja um þessar nunnur. Búið er að tala við þær og er veru þeirra sem nunnum innan Kaþólsku kirkjunnar ekki sjálfhætt með svona kúvendingu?

Það er svo merkilegt í dag á Vesturlöndum að allt í lagi er að hreyta óhugsuðum ónotum í kirkjuna og kristni en svo andar sama fólk ekki á Íslam. Er það ekki hræsni?

[Ásthildur Cesil Þórðardóttir, 19.4.2012 kl. 18:42]

Nú ertu að bera saman epli og appelsínur Helgi.  Skortur á umburðarlyndi er í yfirstjórn Katólsku kirkjunnar.  Ég er viss um að þessar nunnur eru að gera sitt besta í kristilegum anda að leiðbeina fólki á sinn hátt.  En það má ekkert út af bera hjá páfa og kó.  Allt sem heitir hliðarspor er eitur í þeirra beinum.  Þeir verða að hafa völdin og yfirráðin yfir hugsunum manna.  Þetta kallast umburðarleysi.

Þessi stofnun er steinrunninn með steingerfinga í forystu sem stjórna með ótta og hótunum.  Þannig er víst um fleiri trúfélög.  Rétt eins og í norður Kóreu, Kína og áður í USSR hræðsla við að missa völd.

[Axel Jóhann Hallgrímsson, 19.4.2012 kl. 18:55]

Svo þú hefur ákveðið að ausa líka af þínum viskubrunni Helgi.

 

Ég er á því að starfsemi páfagarðs eigi frekar að flokka sem pólitík en andlegs og trúarlegs eðlis.

[DoctorE (IP-tala skráð) 19.4.2012 kl. 19:18]

Konur eru búpeningur.. eign karla, samkvæmt biblíu

[Ingibjörg Axelma Axelsdóttir, 19.4.2012 kl. 20:29]

Íslenska kýrin, er stólagripur.

Eins og Guðni segir.

Muuu.

[Ingibjörg Axelma Axelsdóttir, 19.4.2012 kl. 20:29]

Stólpagripur, afsakið. :)

[Magnús Ágústsson, 20.4.2012 kl. 01:39]

no 10

já Axel það tekur margar kynslóðir til að breyta hugsunarhætti þjóðar en ég legg mitt af mörkum