Grindavík -upplýst samfélag

Ég tók eftir því eftir hádegið í dag að enn logaði á öllum götuljósum Grindavíkur. Ég hafði orð á þessu við kunningja og spurði hvort hann kynni skýringu á þessu.

Jú, hann vissi allt um það, heldur betur. Þegar ljóst varð að Grindvíkingar væru orðnir Íslands- meistarar í körfunni, tók bæjarstjórnin, í ljósi  þess, afar upplýsta ákvörðun til að tryggja að allir yrðu eins vel upplýstir um þá staðreynd og kostur væri. 

Á meðan Íslandsmeistara-  titillinn væri í bænum, yrði Grindavík upplýst samfélag og götuljós ekki dempuð.

Ég gleypti þetta auðvitað hrátt ,en eftir að hafa legið á meltunni um stund, ákvað ég að selja krásina ekki dýrar en ég keypti hana, enda var hún farin að láta nokkuð á sjá eftir meltuna.

En  þegar ég fór svo út með hundinn nokkru eftir kvöldmatinn fékk ég aftur fulla trú á kunningjanum, þegar ég sá að götuljósin loguðu enn, rétt eins og þau hefðu aldrei gert annað og hlökkuðu til þess að láta ljós sitt skína næstu daga.

  

Athugasemdir

[JR (IP-tala skráð) 5.5.2012 kl. 01:23]

,,Jú, hann vissi allt um það, heldur betur. Þegar ljóst varð að Grindvíkingar væru orðnir Íslands- meistarar í körfunni, tók bæjarstjórnin, í ljósi  þess, afar upplýsta ákvörðun til að tryggja að allir yrðu eins vel upplýstir um þá staðreynd og kostur væri. "

Er það glæsilegt að vera Íslandsmeistari í boði bandaríkjamanna ?

Eða er þetta sem verður sjálfsagt ?

http://fotbolti.net/articles.php?action=article&id=125672

[Axel Jóhann Hallgrímsson, 5.5.2012 kl. 02:03]

Halló, Halló, JR þú ert á miðju úthafinu og þú átt nánast jafnlangt í einhvern skilning á færslunni og nemur fjarlægðinni í næsta sólkerfi.