Titanic slysið var þá harmleikur þegar allt kemur til alls

„Sjö bókakassar og nokkrir pakkar af íslenskum tímaritum „fórust“ með Titanic“.

Það er ekkert annað! Af hverju hefur því verið haldið leyndu í 100 ár hve alvarlegt þetta sjóslys var í raun og veru?

Þetta er örugglega eitthvert ESB samsærið.

Íslensk tímarit og bækur töpuðust með Titanic

Athugasemdir

[Ásthildur Cesil Þórðardóttir, 23.5.2012 kl. 09:36]

[Ingibjörg Axelma Axelsdóttir, 23.5.2012 kl. 16:57]

NNNNNEEEEEEEEEEEEEEEEEEEEEEEEEEEEEEIII!!!!

[Heddý (IP-tala skráð) 23.5.2012 kl. 22:35]

Ónei, kannski hafa það verið merkilegar bækur og rit þrátt fyrir allt.

[Bergljót Gunnarsdóttir, 23.5.2012 kl. 23:23]

Axel minn, ekki vera svona rosalega kaldhæðinn, það fer þér ekkert sérlega vel.

[Ingibjörg Axelma Axelsdóttir, 23.5.2012 kl. 23:46]

Bergljót:

Kaldhæðni er móðurmál okkar feðgina.

[Bergljót Gunnarsdóttir, 24.5.2012 kl. 00:37]

Veit ég það Sveinki. Oftast hrífst ég af henni, því hún er ansi kaldhömruð og bara nokkuð hressandi, en þarna fórust allt of margir til þess að ég geti sætt mig við svona brandara. Ég er víst bara að breytast í nöldurskjóðu.

Axel faðir þinn er frábær bloggari og góð manneskja, það fer ekkert á milli mála.

[Ingibjörg Axelma Axelsdóttir, 24.5.2012 kl. 00:55]

Þetta var hræðilegt slys, það fer ekki á milli mála. En ég held að hann faðir minn hafi ekki verið að gera lítið úr þeirri staðreynd, heldur einungis benda á (á sinn einstaka hátt) að þungamiðja fréttarinnar var ekki gríðarlega manntjón, heldur fjárhagslegt og efnislegt tjón einhverra bókasafnara.

Stór munur á þessu tvennu. :) Í það minnsta les ég það þannig.

[Axel Jóhann Hallgrímsson, 24.5.2012 kl. 19:48]

Ég hef engu við þetta að bæta elskurnar.

[Bergljót Gunnarsdóttir, 25.5.2012 kl. 02:40]

Ingibjörg.

Bara svona rétt til að teygja lopann. Þetta gæti auðveldlega orðið nýtt þrætuepli fyrir alvarlega þenkjandi bókasafnara, sem vilja engri rýrð hallað á þá áráttu sína, með að vera kallaðir einhverjir bókasafnarar.

Ég er menntaður handbókbindari með viðgerðir á gömlum bókum sem sérgren og hef því kynnst ýmsu á þeim bæ.. Vá það er eins gott að einhver af þessum mönnum, sem sumir geta varla brauðfætt familíuna vegna fjárútláta í bækur, gamlar og rándýrar flestar, en þeir verða að eignast á hverju sem dynur, komist ekki í þessi skrif okkar.

Skal tekið fram að ég er sammála þér, svona þegar um er hugsað og upp er staðið.