Hverjar eru áherslur RÚV?

Það hefur varla farið framhjá nokkrum manni að forsetakosningar eru í Bandaríkjunum í dag.

Ríkisútvarpið hefur haft spurnir af kosningunum og stekkur til með kosningavöku sem hefst kl. 23.15, í sjónvarpinu, dagskrárlok eru auglýst kl. 06.00 samkvæmt vef RUV.

Hvernig stendur á því að Ríkissjónvarpið telur ástæðu til að halda sérstaka og langa kosningavöku um kosningar í Bandaríkjunum þegar sama stofnun gaf nýafstaðinni þjóðaratkvæðagreiðslu á Íslandi um stjórnarskrárfrumvarpið fingurinn og fjallaði um hana af fullkominni léttúð með ómerkilegu innskoti í dagskrá?

Kosningavaka á Nordica

Athugasemdir

[Trausti (IP-tala skráð) 6.11.2012 kl. 19:19]

Þetta er til háborinnar skammar hvernig fjármunir RÚV eru notaðir. Ég sé ekki hvern andskotann okkur varðar um hver verður foringi stærstu hryðjuverkasamtaka heims þannig að RÚV þurfi að vera med dagskrá alla nóttina.

Hann stjórnar ekki neinu þarna, það eru auðhringar og önnur glæpasamtok sem fara með öll völd þarna.

[Ásdís Sigurðardóttir, 6.11.2012 kl. 19:51]

Ég vil ekki að mínum peningum sé eytt í þetta, en hvenær í ósköpunum hef ég fengið að ráða einhverju. :((

[hilmar jónsson, 6.11.2012 kl. 20:03]

Meira segja spaugstofan er áhugaverðara efni, er þá langt seilst...

[Egill Helgason (IP-tala skráð) 6.11.2012 kl. 21:11]

Þetta er ekki alvarlegra en svo að þarna verður stuttur umræðuþáttur og síðan er skipt yfir á kosningaútsendingu CBS.

[Ásthildur Cesil Þórðardóttir, 6.11.2012 kl. 21:26]

SKil þetta ekki.  Þó það se skipt yfir á CBS hljóta einhverjir að þurfa að vera á vakt í stofnuninni ef eitthvað færi úrskeiðis. 

[Axel Jóhann Hallgrímsson, 6.11.2012 kl. 21:41]

Egill, það var kona í viðtali um kosningarnar í Kastljósinu, man ekki nafnið á henni. Hún sagðist verða í kosningavökunni og reiknaði með að sitja frameftir nóttu og rýna í fréttirnar á CBS.

[Ásthildur Cesil Þórðardóttir, 6.11.2012 kl. 22:23]

Silja Bára heitir held ég. 

[Axel Jóhann Hallgrímsson, 6.11.2012 kl. 23:34]

Já - takk fyrir það Ásthildur.