Undarleg er hún mannskepnan

Hvað er það sem kemur manni til að vilja kvænast konu eins og þessari svörtu ekkju, þar sem hún situr í fangelsi, hvar morðkvendið mun væntanlega dvelja um ókomin ár?  

Þessi undarlega hegðun er hreint ekki einsdæmi, eins og ætla mætti. Það er algengt a.m.k. í Bandaríkjunum að ástarbréfum nánast rigni yfir dæmda fjöldamorðingja með tilboðum um hjúskap,  frá ókunnugum konum sem telja morðingjann vera stóru ástina í sínu lífi.

Er þetta ást eða brenglun á háu stigi eða þá undarleg blanda af þessu tvennu með vænu dassi af athyglissýki?

  

Kaldrifjaða ísdrottningin fyrir rétt

Athugasemdir

[Jens Guð, 20.11.2012 kl. 00:44]

  Þetta hefur verið greint út frá sálfræði.  Brenglun,  já.  Athyglissýki, já.  Hvoru tveggja á háu stigi.  Þetta er þekkt í mörgum eða flestum þjóðfélögum.  En er kannski ýktast í Bandaríkjunum.  Einstaklingurinn sem sækist eftir ástarsambandi við morðingja er í raun að sækja í frægðarljóma morðingjans.  Einstaklingurinn er með mjög lágt sjálfsmat og sterka þrá eftir viðurkenningu.  Það kitlar viðkomandi að fá viðurkenningu frá morðingjanum,  hrós og þakklæti fyrir að veita honum athygli og samúð.  Og að komast í sviðsljósið. 

[Axel Jóhann Hallgrímsson, 20.11.2012 kl. 09:06]

Takk fyrir gott innlegg Jens.