Dagsskipun flokksins er: Öllu skal fórnað fyrir vafninginn og hans spillta lið (lesist - pakk)

Er Hanna Birna að svara kalli hins almenna flokksfélaga og kjósenda með þessu varaformannsframboði, hún sem hafði áður alfarið hafnað þeim möguleika?

Þetta nýjasta framlag Hönnu Birnu er augljóslega að boði flokkseigandafélags Sjálfstæðisflokksins og er ekki sniðið til þess að koma flokknum, sem slíkum, til valda heldur til að tryggja völd „réttra“ manna, flokksgæðinga með réttu hagsmuna tengslin.

Flokkeigandafélag Sjálfstæðisflokksins sér að hægt og örugglega fjarar undan því litla trausti sem almenningur hefur á Bjarna Benediktssyni og vill tryggja að Hanna Birna fari ekki gegn „glataða syninum“ á flokksþinginu.

Flokkseigandafélagið kýs ætterni og hagsmunatengsl fram yfir heiðarleika og æru, því vill það frekar spilltan og ærulausan karl í forystu en heiðarlega konu, sem hefur unnið sér það eitt til saka, að þeirra mati, að vera „ættsmærri“ en vafningurinn Bjarni, þrátt fyrir afgerandi umfram mannkosti.

Flokkseigendafélagið ætlar Hönnu Birnu það eina hlutverk að lyfta vafningnum upp í embætti forsætisráðherra, sem verður meiriháttar pólitískt hneyksli, jafnvel á íslenskan mælikvarða. 

Lítil leggst fyrir góða stúlku að þrælmenni skuli henni að fjörtjóni verða!

Býður sig fram til varaformanns

Athugasemdir

[Jóhannes Laxdal Baldvinsson, 8.2.2013 kl. 19:19]

Er nú hirðmey Kjartans Gunnarssonar orðin að góðri stúlku. Kannski líka óspjölluð?

[Axel Jóhann Hallgrímsson, 8.2.2013 kl. 19:26]

Það stendur þér nær Jóhannes, en mér, að leiðrétta missýn mína, sé hún einhver.

[Axel Jóhann Hallgrímsson, 8.2.2013 kl. 19:35]

Talandi um meydómsspjöll Jóhannes: Var Jón Hreggviðsson ekki spurður að því erlendis hvort það væri rétt að á Íslandi teldust konur hreinar meyjar uns þær hefðu átt sjö börn í lausaleik?

[Jóhannes Laxdal Baldvinsson, 8.2.2013 kl. 19:46]

Kiljan kunni að koma við kaunin hjá Íslendingum

[Anna Sigríður Guðmundsdóttir, 8.2.2013 kl. 21:37]

Hanna Birna vill líklega vel, en þeir sem stjórna henni sjá einungis gróða fárra innan flokka-klíkunnar af sölu LANDSVIRKJUNAR til einkavinaklúbbsins.

Ég fullyrði að sjálfsögðu ekki að þetta mat mitt sé rétt, en þetta var það fyrsta sem fór í gegnum hugann. Ég vil þessari konu allt annað en að vera verkfæri glæpaflokks.

M.b.kv.

[Elín Sigurðardóttir (IP-tala skráð) 9.2.2013 kl. 09:21]

Útgefandi Kiljans sagði spillingu nauðsynlega fyrir frjóan jarðveg listanna. Hann sagði bestu blómin gróa hjá fjóshaugnum. Sé satt að segja engan mun á Bjarna, Steingrími og Halldóri Kiljan. Þeir eiga vel saman eins og blóm í vendi.

[Axel Jóhann Hallgrímsson, 9.2.2013 kl. 11:07]

Ég veit satt best að segja ekki Anna Sigríður, hvað gimbrin Hanna Birna er að vilja innan um úlfana.

[Axel Jóhann Hallgrímsson, 9.2.2013 kl. 11:09]

Það er hreint ekki sama Elín, hvernig blóm veljast saman í vönd, eigi hann að vera augnayndi.