Verði Helga "að Góu!"

Helgi í Góu birtir opnu  auglýsingu í Fréttablaðinu  í gær þar sem hann hraunar yfir forsætisráðherra, með réttu eða röngu, vegna þeirrar skammar sem viðgengist hefur á elliheimilum hér á landi í áratugi að aðskilja hjón og setja í herbergi með vandalausum.

Ég er sammála því að aðskilnaður hjóna á elliheimilum er til skammar. En mér finnst þessi auglýsing hans Helga, bæði forkastanleg og siðlaus í alla staði. Þó ekki sé fyrir annað en þá ósvífni að í henni ber Helgi fyrir sig fólk að því forspurðu.

Fullyrðing Helga að þetta frumhlaup hans tengist ekkert páskaeggjavertíðinni, er í besta falli brosleg. Svo bítur Helgi höfuðið af skömminni með því að skella sökinni á auglýsingastofuna. Það er Helgi sem kaupir vinnu stofunnar og borgar birtingu auglýsingarinnar, hann og enginn annar ber ábyrgðina.

„Dýrlingurinn“ Helgi í Góu hefur misst vængina og fallið af stalli sínum. Páskaeggin til barnabarnanna í ár verða pottþétt ekki frá Góu!

 

Helgi í Góu: Tengist ekki sölu á páskaeggjum

Athugasemdir

[Haukur Kristinsson (IP-tala skráð) 22.3.2013 kl. 11:32]

Helgi í Góu ætti frekar að skammast sín fyrir verðið á páskaeggjum.

Siðlaust okur og ekkert annað.

[Axel Jóhann Hallgrímsson, 22.3.2013 kl. 11:41]

Ég held að Helga finnist  verðlagningin vel innan siðlegra marka. Ætli það sé verðsamráð í þessum bransa, Haukur?

[Elín Sigurðardóttir (IP-tala skráð) 22.3.2013 kl. 11:57]

Ég er nú svolítið hissa á Páli. Jóhanna Sigurðardóttir er í forsæti ríkisstjórnarinnar og skipar ráðherrana sem framfylgja stefnu hennar sem leiðtoga jafnaðarmanna. Að kalla gagnrýni skæting er dálítið ómaklegt hjá honum. Helgi setur sína gagnrýni fram í prentmiðli. Voru þau hjónin með skæting þegar þau settu sína gagnrýni fram í sjónvarpinu?

[Axel Jóhann Hallgrímsson, 22.3.2013 kl. 12:13]

Elín, Páll og hans kona þurfa hvorki að spyrja kóng eða prest til að tjá sig um sín eigin mál.

Helgi á hinsvegar ekkert með að birta auglýsingar um þeirra mál, þín eða annarra án samráðs og leyfis viðkomandi!

[Elín Sigurðardóttir (IP-tala skráð) 22.3.2013 kl. 12:18]

Má maðurinn ekki vitna í greinar í dagblöðum? Fékkstu leyfi hjá Helga áður en þú tjáðir þig um hans mál?

[Axel Jóhann Hallgrímsson, 22.3.2013 kl. 12:29]

Helgi hefur sjálfur viðurkennt að brotið hafi verið á Páli, en var ekki meiri maður en svo að kenna auglýsingastofunni um.

[Anna Sigríður Guðmundsdóttir, 22.3.2013 kl. 12:30]

Gott hjá Helga að minna á hróplega rányrkju skipulagðra glæpastofnana, sem margir lífeyrissjóðir á Íslandi eru í raun, og voru byggðir upp sem slíkir! Og þar að auki galtómir eftir embættis-ribbaldaránin síðustu áratugina!

Að setja út á smáatriðin í auglýsingunni, til að fela stóru glæpina, er meðvirkni-einkenni almennings á Íslandi, með möppudýrunum í hæstarétti, sem komu Íslandi þráðbeint á hausinn.

Íslendingar verða að hætta þessari meðvirkni með helsjúkum græðgi-glæpakerfis-sjúklingum, sem eigna sér allt og alla án dóms og laga, með hryllilegum mannréttindabrotum á Íslandi! Sá sem spilar með spillingunni vísvitandi, er að hengja steina á rænda þræla þessa lands. Ekki er á bætandi!

M.b.kv.

[Eyjólfur G Svavarsson, 22.3.2013 kl. 12:36]

Ég er nú dálítið hissa á Páli að gagnrýna þá sem vilja hjálpa öðrum, en svona er þetta bara hjá sumum, þegar þeir eru búnir að fá sýn mál í gegn, þá er allt í lagi með hina. Helgi á allt gott skilið, hann hefur sýnt það og sannað að hann heldur með launþegum landsins í öllum málum ekki bara þessu máli!! Gangi þér allt í haginn Helgi. Ég hlusta ekki á niðurrifsöflin, og því sýður ég tek ég mark á þeim!!!!!!!

[Elín Sigurðardóttir (IP-tala skráð) 22.3.2013 kl. 12:37]

Nú ert þú farin að tjá þig um einkamál almennings Anna Sigríður. Hefurðu leyfi til þess?

[sæmundur (IP-tala skráð) 22.3.2013 kl. 15:28]

Eyjólfur

Manst þú eftir því að Helgi í Góu hafi staðið upp á fundum hjá atvinnurekendum og hvatt þá til að gera vel við launþega.? Helgi hefur oftas tímasett sínar auglýsingar í kringum hátíðir . Hvers vegna berst hann ekki innan atvinnurekanda ????????????

[Anna Sigríður Guðmundsdóttir, 22.3.2013 kl. 18:37]

Elín. Þér er að sjálfsögðu velkomið að kæra mig fyrir það sem ég geri og segi ólöglega, ef ég er að brjóta lög og stjórnarskrá þessa lands.

Ég er ekki lögfræðingur, og tek því sem sjálfsögðum hlut að fólk kæri mig til yfirvalda, ef ég er að brjóta lög og stjórnarskrá þessa lands.

Ég mun ekki hafa fjárhagslega möguleika til að fá mér lögfræðing, til að verja mig, svo það ætti ekki að verða erfitt verk fyrir þig að vinna það mál, ef þú hefur fjármagn og áhuga á því að kæra mig fyrir mín orð, verk og sýn.

Gangi þér vel að ráðast á garðinn þar sem hann er lægstur, ef það er þannig sem á að afgreiða þá sem segja frá staðreyndum, og ekki eru í bankaklíkunni/lífeyrissjóðsklíkunni á Íslandi.

M.b.kv.

[Elín Sigurðardóttir (IP-tala skráð) 22.3.2013 kl. 19:25]

Ég er góðfúslega að benda þér á Anna Sigríður að þú ert ekki þjóðin. Þú hefur ekki umboð frá þjóðinni til að tala um málefni almennings. Hvers vegna talarðu ekki bara um eitthvað annað ????????????

[Axel Jóhann Hallgrímsson, 22.3.2013 kl. 19:48]

Það er spurning Elín, hvort þú ættir ekki að hlusta á eigin ráðleggingar.

[Sigrún Guðmundsdóttir (IP-tala skráð) 22.3.2013 kl. 20:10]

Ég held að Helgi vilji vel og tek undir orð Eyjólfs 12:36.

[Axel Jóhann Hallgrímsson, 22.3.2013 kl. 20:54]

Velvilji Helga virðist virkastur þegar mest ríður á að minna neytendur á framleiðsluvörur Góu.

[Elín Sigurðardóttir (IP-tala skráð) 22.3.2013 kl. 22:26]

Veðrið er klassískt umræðuefni. Maður þarf hvorki umboð frá þjóðinni né leyfi frá einstökum aðilum til að ræða það. Má búast við páskahreti í ár?

[Sigurður Ingólfsson (IP-tala skráð) 22.3.2013 kl. 22:44]

Má ég benda fólki á ummæli Helga um að kosningar og páskar eru á vorin og þessi tveggja opnu auglýsing í báðum dagblöðunum er ætluð til að ná augum stjórnvalda fyrir kosningar. Þetta er ekki í fyrsta sinn sem hann lýsir skoðun sinni á lífeyrissjóðum og fjárfestingastarfsemi þeirra. Óþarfi að vera að hnakkrífast vegna þessa.

[Landfari, 22.3.2013 kl. 23:18]

Axel, Bað Helgi ekki Pál bara afsökunar. En það er komið fram að hann fékk leifi hjá þeims sem skrifuðu fréttina til að birta hana í auglýsingu.

Páll kemur fram opinberlega og ég hef ekki og þarf ekki að biðja hann um leifi tilað fletta aftur og aftur upp á þessari frétt á netinu.

Hitt er vel skiljanlegt að Páll vili ekk velta steinum núna þegar hann er að fá lausn á sínum málum. Vandamálið er hinsvegar að þau hjónin eruekkert ein í þessari stöðu heldur eru fjölmörg eldri hjón í sömu sporum. Fyrir þann fjölda er ekkert verið að gera og eðlilegt að Páll vilji ekki vekja athygli á þeirri sérmeðferð sem þau hjónin fá, sennilega vegna þess hversu þjóðþekktur einstaklingur hann er.

Helgi er hinsvegar þekktur fyrir baráttu sína til að breyta lögunum um lífeyrissjóðina þannig að þeir getir farið út í fasteignarekstur sem þeir hafa ekki heimild til nú.

Sú barátta hófst ekki með  þessari auglýsingu og kemur páskum ekkert við. Hún hefur hinsvegar allt að gera með að það eru kosningar í vor og ef ég þekki Helga rétt er þetta ekki síðasta auglýsingin frá honum fyrir kosningar þó páskarnir verði liðnir

[Anna Sigríður Guðmundsdóttir, 22.3.2013 kl. 23:52]

Elín. Ég er bara brota-brot af þjóðinni, og geri mér vel grein fyrir að ég sem einstaklingur er áhrifalaus með mínar skoðanir.

Ég gæti til dæmis frekar talað um slúðursögur og veðrið! En ég hef því miður ekki áhuga á slíku umræðuefni.

Það er málfrelsi á Íslandi, og þess vegna geta svona kerlingar eins og ég sagt það sem þeim raunverulega finnst.

Elín! Hvers vegna ert þú svona reið yfir því sem ég skrifa? Ég vil engum neitt illt með mínum skrifum. Það væri örugglega hollt fyrir mig að læra hvernig ég á rétt á að tjá mig á Íslandi!

Takk fyrir að fá að skrifa mínar hugsanir á þína síðu Axel Jóhann. Ég er ekki versti púkinn á fjósbitanum, og verð aldrei sá besti.

M.b.kv.

[Bára (IP-tala skráð) 23.3.2013 kl. 00:53]

alltaf fjör að fylgjast með fólki rífast yfir einhverju sem skiptir engu máli.

[Anna Sigríður Guðmundsdóttir, 23.3.2013 kl. 18:21]

Bára. Málfrelsi til að segja frá staðreyndum um spillingu, er gífurlega mikilvægt. Ég furða mig á því hvers vegna sumum er svo illa við að talað sé um spillingu lífeyrissjóðanna?

Helgi í Góu er bara að benda á staðreyndir um lífeyrissjóðina, og mér finnst auglýsingarnar hans upp á síðkastið vera alveg nauðsynleg áminning, og það væri fínt ef fleiri hefðu hugrekki til að gera slíkt hið sama. Ef allir verja óréttlæti og siðspillingu, þá verður ekkert réttlæti og allir tapa.

M.b.kv.

[Eysteinn Gunnarsson (IP-tala skráð) 23.3.2013 kl. 20:03]

Sammála Önnu Sigríði. Hvernig stendur á því að lífeyrissjóðirnir fjáfesta ekki í t.d. íbúðum fyrir aldraða og leigi út á sanngjörnu verði eins og Helgi er að benda á. Þetta er þó fólkið sem "á" sjóðina og ættu að njóta góðs af því.

Ef það er vegna þess að það sé ekki heimilt samkvæmt lögum eða reglum sjóðsins, þá þarf einfaldlega að breyta því.

Það sem aldraðir vilja, er öryggi fyrst og fremst og er húsnæði þar fremst í flokki

[Eyjólfur G Svavarsson, 25.3.2013 kl. 12:31]

Sæmundur, ég tel að það beri meiri árangur að berjast fyrir launþega á opinberum vettvangi, heldur en innan múra atvinnurekenda.Skitir þá engu hvort verið sé að selja Páskaegg eða eitthvað annað!!! Gleðilega Páska, Sæmundur.