Draumi íhaldsins, martröð kjósenda, hafnað

Samkvæmt þessari skoðanakönnun tekur Björt framtíð við keflinu af Besta flokknum sem kjölfestuflokkur í Reykjavík. Íhaldið tapar aftur á móti fylgi, öfugt við vonir þess eftir hrekkjavökuútspil borgarstjórans.

Það er verulega illa komið fyrir íhaldinu þegar það viðurkennir beinlínis að helsta von þess í borginni, sé  að aðrir bjóði ekki fram. Því er hætt  við að þessi tíðindi dragi verulega úr fagnaðarlátum íhaldsbloggara, sem hafa ekki vatni haldið eftir að ákvörðun Jóns Gnarr varð opinber. Íhaldsbloggin hafa nánast verið að springa af  monti og fögnuði  yfir þeirri undarlegu rökvillu að við brotthvarf Besta flokksins myndi „flokkurinn eini og sanni“, eftir langa mæðu,  aftur ná meirihluta í borginni.

Borgarbúar hafna alfarið þeirri martröð.

Björt framtíð fengi sex í borginni

Athugasemdir

[Skúli (IP-tala skráð) 1.11.2013 kl. 09:28]

Vonandi...

[hilmar jónsson, 1.11.2013 kl. 12:03]

Já, sjallar eru í örvæntingarsjokki. Þeir eru smátt og smátt að feisa það að borgarbúum hugnast allt betur en staðnaður klíkuflokkur silfurskeiðunga.

[Grímur (IP-tala skráð) 1.11.2013 kl. 12:10]

Eða var Jón ekki svona frábær, bara með svona uppá punt

fyrst öllum er sama hvort hann er með eða ekki?

[Ívar Pálsson, 1.11.2013 kl. 12:49]

Engu máli virðist skipta, að Jón Gnarr&Co hafi aukið beinar skuldir borgarinnar um hálfan milljarð á mánuði alla sína dýrðardaga í embætti. Draumurinn væri nú bara að stöðva það ferli.

[Axel Jóhann Hallgrímsson, 1.11.2013 kl. 12:49]

Grímur, ég hef ekki séð aðra en blaðafulltrúa íhaldsins og tvö eða þrjú önnur helsjúk íhöld útskýra þetta með því að ekkert muni um Jón. Ef það er rétt hjá þeim þá  eru þeir um leið að viðurkenna að greinilega  -sé allt betra en íhaldið!

[Axel Jóhann Hallgrímsson, 1.11.2013 kl. 13:15]

Ég gef lítið fyrir þær hundakúnstir Ívar, þegar pólitískir andstæðingar reyna reikna hvorn annan til helvítils og til baka aftur.