"Ég er fegurðardrottning- Ég brosi gegnum tárin"

Það er verðugt verkefni fyrir Sjálfstæðisflokkinn að taka aumingja  fallega fólkið upp á sína arma ásamt vesalings ríka fólkinu.  Það nær auðvitað engri átt að fallegt fólk fái ekkert út á fegurðina ekki einu sinni frítt í strætó.

Það er ekki tekið út með sældinni að vera falleg, vælir fyrrverandi „fegurðarfljóð“. Fegurðin er mikil kvöl, svo ekki sé talað um þá pínu að vera loðin um lófana, eða þau ósköp að vera jafnvel hvorutveggja.

Það eru engin takmörk fyrir því hvað á sumt fólk er lagt.

 

 

 

„Ég var valin fallegust í heimi en þarf samt að borga í strætó“

Athugasemdir

[Pétur D. (IP-tala skráð) 20.12.2013 kl. 16:43]

Axel:

Fyrirsögnin þín: "...Ég brosi gegnum táin" er málfræðilega röng. Réttara er: "Ég brosi gegnum tána" eða þar eð 'tá' í fleirtölu er 'tær': "Ég brosi gegnum tærnar".

.

Kveðja,

Málfræðilöggan.

.

P.S.: Mér finnst Unnur Birna ofsalega sæt, enda mjög óíslenzkuleg í útliti. Ég myndi gjarnan vilja hjálpa henni með að kaupa strætómiða, ef hún fellst á að endurgjalda greiðann á geðfelldan hátt.

[Axel Jóhann Hallgrímsson, 20.12.2013 kl. 17:30]

Takk fyrir ábendinguna Pétur, það féll niður einn stafur úr orðinu tárin. Þetta er tekið úr texta sem flestir kunna og flestir því lesið þetta "rétt".

[Pétur D. (IP-tala skráð) 21.12.2013 kl. 14:49]

Texti með ritvillu er oft lesinn "rétt", þ.e. ritvillan uppgötvast ekki. Heilinn "leiðréttir" villuna oft sjálfkrafa, sem er ástæðan fyrir því að ekki allir geta verið prófarkalesarar. Dæmi um slíkt er mynd af frægri persónu, sem einhver setti á netið. Fyrir ofan myndina stendur: "WHAT I IF TOLD YOU ..." og fyrir neðan myndina stendur: "THAT YOU´VE READ THE FIRST LINE WRONG?". Næstum allir láta glepjast. Annað tilfelli er enskur texti upp á 5 línur, þar sem þrautin gengur út á það að telja hversu oft bókstafurinn f kemur fyrir. Af einhverjum ástæðum telja fæstir orðin "of" sem kemur fyrir þrisvar í þessum texta. Mannsheilanum er einfaldlega ekki treystandi fyrir nákvæmnisvinnu því að hann tekur sér skáldaleyfi þegar honum svo sýnist.