Er forsætisráðherrann Klepptækur?

 

„Það hefur alltaf verið á brattann að sækja fyrir Framsóknarflokkinn í borginni,“ segir Sigmundur Davíð Gunnlaugsson, forsætisráðherra. „Ég held að frambjóðendur Framsóknarflokksins í Reykjavík muni geta sýnt fram á að málstaðurinn sé góður. Ég ætla jafnvel að leyfa mér að vera svo bjartsýnn að við getum náð inn tveimur mönnum.“

Eins og sjá má af þessum orðum Sigmundar Davíðs, hefur veruleikafirring hans náð nýjum hæðum.

Hætt er við að brattara verði það núna en nokkru sinni áður fyrir Framsókn að ná inn manni í Reykjavík. Þó ekki væri fyrir annað en þá staðreynd að öllum ætti að vera ljóst að ekki er, eða verður, orð að marka kosningaloforð Framsóknar, þegar sjálfur formaður flokksins hefur gefið tóninn og kannast ekki við innihald kosningabæklinga með hans eigin undirskrift, ofan á allt annað.

Sigmundur Davíð er núna í Kanada og var útnefndur „lukkudýr“ íshokkíliðs Edmonton í síðasta leik þeirra. Ég veit að það er ljótur leikur gagnvart góðum grönnum okkar í vestri, en legg þó til að Íslenska þjóðin gefi Kanadíska íshokkíliðinu „lukkudýrið“ Sigmund Davíð til varanlegrar varðveislu.

Bjartsýnn á tvo í borginni

Athugasemdir

[Jóhannes Laxdal Baldvinsson, 7.3.2014 kl. 16:55]

Svei mér þá Axel, ég held að svarið við spurningunni sé já. Og það er ekki bara eitt heldur margt sem styður það álit.  Sjúkleg tortryggni og ofsóknarbrjálæði. Sjúkleg árátta til að rangtúlka og snúa út úr eigin orðum. En síðast en ekki síst eigum við að hrfa til genetískra galla mannsins. Hvernig var aftur með sms skilaboðin sem pabbi hans var að senda Teiti Atlasyni?  Eru menn búnir að gleyma þeim? 

Ég hef allt fram á þennan dag trúað að hann væri ekki jafn siðblindur og aðrir framsóknarmenn en eftir afhjúpun á því hvernig hann beinlínis misfór með styrki vegna þjóðmenningarverkefna þá getur enginn borið í bætifláka fyrir þennan dreng. Alls staðar annars staðar myndu svona afhjúpanir leiða til tafarlausrar afsagnar.  Og stjórnarandstaða sem boðar ekki tafarlaust flutning vantrauststillögu er að lýsa yfir samþykki með ráðslaginu í forsætisráðuneytinu og þau ættu því öll að segja af sér þingmennsku með tölu.

[Óskar Helgi Helgason (IP-tala skráð) 7.3.2014 kl. 17:22]

Heilir og sælir - Axel / Jóhannes og aðrir gestir Axels !

Tek heilshugar undir - með ykkur báðum.

Óprenthæft með öllu - það sem ég hefði viljað við bæta piltar.

Með beztu kveðjum - sem endranær /