Reykvíkingar fá góðan lögreglustjóra en það sama verður ekki sagt um Suðurnesjamenn

Sigríður Björk Guðjónsdóttir verður næsti lögreglustjóri í Reykjavík. Mér líst vel þessa kraftmiklu konu í það embætti. Slæmt er hinsvegar að missa hana héðan af Suðurnesjum. 

Því miður verður Ólafur Helgi Kjartansson, hinn mistæki sýslumaður á Selfossi, arftaki hennar sem lögreglustjóri á Suðurnesjum. Það eru slæm skipti, afleit raunar, vægt til orða tekið. En brotthvarfi hans frá Selfossi verður trúlega vel fagnað þar og um Suðurland allt, trúi ég.

Þetta er svartur dagur á Suðurnesjum, sem  hafa misst það besta en fengið það versta.

 

 

Áhersla lögð á kynferðisbrotamál

Athugasemdir

[Sigurbjörg Eiríksdóttir, 24.7.2014 kl. 17:51]

Mikið hugsaði ég það sama! Merkikerti í stað dugmikillar konu! Ég veit að við eigum ekki að segja svona EN...

[Hvumpinn, 24.7.2014 kl. 19:15]

Nú verða mál í rannsókn lögð til hliðar í tíma og ótíma eins og tíðkast hefur á Suðurnesjum undir stjórn þessarar konu, þegar upp koma mál sem liggja á ákveðnu áhugasviði.

[Axel Jóhann Hallgrímsson, 24.7.2014 kl. 19:34]

Það þarf mikið að breytast Sigurbjörg ef embættisfærslur nýja lögreglustjórans okkar verða ekki umtals- og undrunarefni.

[Axel Jóhann Hallgrímsson, 24.7.2014 kl. 19:58]

Ber að skilja hvumpinn, í ljósi áhersluatriða Sigríðar Bjarkar hvers vegna þú ert svona hvumpinn.

[Grímur (IP-tala skráð) 24.7.2014 kl. 20:55]

Sumum finnst bara allt í lagi að keyra undir áhrifum

vitandi að það sleppur ef ekki næst þvagsýni

með afsökunina að hafa sturtað í sig eftir að haf keyrt niður einhverja ómerkilega manneskju - hæstaréttardóma sem staðfesta það

svo alls ekki leyfa þvagleggi 

[Axel Jóhann Hallgrímsson, 24.7.2014 kl. 21:15]

Grímur, þvagleggsmálið kemst ekki einu sinni á topp tíu yfir undarlegustu embættisfærslur  sýsla.

Þú veist auðvitað að það er afskaplega kjánalegt að halda því fram að það mál hafi snúist um "sjálftökurétt" manna til að keyra undir áhrifum.

[Anna Sigríður Guðmundsdóttir, 24.7.2014 kl. 22:05]

Þvagleggsnauðgaranum er hampað af æðsta yfirvaldinu. Er þetta leyfilegt í sannkristnu samfélagi?

Hvað er í gangi hjá yfirvaldinu glæpsamlega, grímuklædda og falda-valds-stýrða?

M.b.kv.

[Bergljót Gunnarsdóttir, 25.7.2014 kl. 02:25]

Ég veit lítið annað um nýja lögreglustjórann ykkar, en að hann virðist hafa lítið annað til síns ágætis en að elska Rolling Stones, og það eiginlega meir en en flestir sem þó eru miklir áhangendur hinna rúllandi steina gera, svo mikið, að það svona létthvarflar að manni að það standi varla steinn yfir steini þar sem hann rúllar um og yfir.

En þið eruð ekkert ein um, þarna suðurfrá, að bera ugg í brjósti út af nýja lögreglustjóranum ykkar, því okkar lögreglustjóri hérna í Reykjavík, eða forveri ykkar fyrrverandi, er að taka við embætti forsöðumanns Velferðarsviðs Reykjavíkur, embætti sem er mjög viðkvæmt og ég treysti honum, eða hvaða lögreglustjóra sem hefur gegnt embætti sínu innan um tilvonandi skjólstæðinga sína, engan veginn til að vera hlutlaus og réttsýnn í því starfi.

Sú sem stendur uppúr allri lögreglukássunni er nýji lögreglustjórinn okkar sem ég bind miklar vonir við, og samhryggist ykkur að hafa misst.

Eitt á ég þó sameiginlegt með ykkar nýja, ég elska Rollingana!